Yosua 10:5 - Baibuli I Leb Kumam 2013

⁵ Di abakai kany me jo Amor nogo, gin en abaka me Yerusalem, me Keburon, me Yaramut, me Lakis kede me Egilon, oko ribo isirikalen gi karacel di kiko luko Gibeon di kiko sure.

Yosua 10:5 Iomraidhean Croise

Ageini 15:16

Gin kibino dwogo kane i kare me lwak me ongwon; pien dub me jo Amor pwodi likame oyitiriro.”

Yeremia 34:7

Ango awaco ne kope nogi i kare kame oudo isirikalen ka abaka me Babilon tie yi kede jo me bomba me Yerusalem, karacel kede bomban me Yuda kame oudo odong dedede, gin bomban me Lakis kede Aseka. Magonogi en bomban me Yuda kame kocelo kede apama atek kame oudo odong.

Wel 13:29

Medo i wi manono jo Amalek bedo Negeb; jo Kiti, jo Yebu, kede jo Amor bedo i piny kobedo imukuran; kede jo Kanan da bedo i dog nam me Mediterania kede i dog ecilet me Yorodan.”

Yosua 10:16

Kakame manono oudo tie timere kede, abakai kany nogo me jo Amor oudo oko ringo di kiko ot pwono i abo kame tie Makeda.

Yosua 10:6

Jo me Gibeon oko cwano ne Yosua kop Giligal kakame oudo kimere me jo me Isirael tie iye, di kiwaco ne be, “Kur ijal wan jotic ni; suny bino ikony wa; pien abakai dedede me jo Amor kame bedo i piny me imukuran otieko cokere obino pi suro wa!”

1 Samuel 7:14

Rwot oko dwoko ne jo me Isirael bomban dedede kame jo me Pilistia oudo omao cako ki Ekuron tuno Gat, doko jo me Isirael oko dwoko lobo gi kibut jo me Pilistia. Anapakin da oudo tie i dierediere me jo me Isirael kede jo Amor.