Yosua 1:9 - Baibuli I Leb Kumam 2013

⁹ Nan ango aciki be, bed dano atek di itie kede nwangcuny; kur ibed kede lworo amoto potocuny, pien ango Rwot Rubanga wu atie kedi i kabedo dedede kame ioto iye.”

Yosua 1:9 Iomraidhean Croise

Ageini 28:15

Ngei kiber be ango abino bedo tie kedi, doko abino gwoki i kabedo dedede kame in ioto iye, di ako bino dwoki i lobo noni. Ango likame abino weki tuno di atieko timo gikame acikere pi timo ni.”

Ageini 39:2

Rwot bin oko bedo tie kede Yosepu di eko mine ebedo ngawinyo. En bin eko donyo bedo i ot me ngadwong mere me Misiri.

Ageini 39:3

Ngadwong ka Yosepu bin oko neno be Rwot oudo tie kede Yosepu doko oudo emio gi dedede kame en etimo cobere kiber.

2 Samuel 13:28

Di Abisolom oko ciko jotic mege be, “Kiunu esawa kame Aminon geo mer kede, di do kame ango ako waco ne wu be, ‘Nekenu,’ di do wun ikounu neke. Kur ibedunu kede lworo moro, ango en kame aciko wu. Bedunu kede nwangcuny doko abongo lworo moro.”

1 Iyutun 28:20

Abaka Daudi oko waco ne wode Sulumani be, “Bed tek, doko bed kede nwangcuny di iko timo tic. Kur ibed kede lworo, doko kur cunyi poti; pien Rwot Rubanga na tie kedi. En likame ebino jali arabo weki, do ebino bedo kedi tuno in tieko tice dedede me tempulo mere.

2 Iyutun 15:7

Do in bed di itek di likame cunyi ko kwanyere. Kobino mini giamia me pwoc pi tic kame itimo.”

Sabuli 46:7

Rwot me jo yi tie kede wa; Rubanga ka Yakobo en karingo wa me ot gwokere.

Isaya 41:10

Kur ibedunu kede lworo, pien ango atie kede wu, kur ibedunu kede lworo moro, pien ango en Rubanga wu; ango abino mino wu teko, abino konyo wu, ango abino gwoko wu di ako lako wu kede twer na.

Isaya 43:1

Isirael, Rwot ngat kocwei waco be, “Kur ibed kede lworo, pien ango abino laki. Ango atieko lwongi kede nyingi, in ibedo mera.

Isaya 43:5

Kur ibedunu kede lworo moro, pien ango atie kede wu! “Ango abino coko jo wu di ako dwoko gi paco, kibino yai ki bad tetu kide kede ki bad tetu tim.

Isaya 8:12

“Kur ilwong be iik me mung, gi dedede kame jogi lwongo be obedo iik me mung, doko da kur ibed kede lworo i kom gi dedede kame gin kitie kede lworo iye.

Danieri 10:19

En ewaco na be, “Kur ibed kede lworo, Rubanga mari twatwal, likame tie gimoro arac koyaro timere ni. Bed kede teko kede cuny anwang.” Kakame en eyamo na kede kamano, ango ako udo teko di ako waco be, “Adwong na, yam do gikame imito waco, pien nataman itieko mina teko.”

Agai 2:4

Akadi kamanono da, nataman bedunu kede nwangcuny. Timunu tic, pien ango atie kede wu,

Agai 2:5

bala kame bin acikere kede but joakwari wu i kare kame kiyai kede ki Misiri. Kur ibedunu kede lworo moro. Ango atie kede wu.

Tice 4:19

Do Petero kede Yokana oko dwoko ne gi be, “Wun en kame miero iyerunu, arabo epoore i nyim Rubanga pi wan winyo dwanu, amoto dwan Rubanga;

Iswilia 1:21

Nenunu, Rwot Rubanga wa otieko mino wa lobo noni, otunu igamenu bala kame Rwot Rubanga ka joakwari wa otieko cikere kede butu; kur ibedunu kede lworo amoto potocuny.’

Iswilia 20:1

“Ka iotunu pi yi kede jokwor wu, di ikounu neno asigiran kede cabalan me yi, kede isirikalen atot kalamo megu, kur ibedunu kede lworo i kom gi; pien Rwot Rubanga wu tie kede wu, ngat kame bin owoto wu ki lobo me Misiri.

Iswilia 31:23

Di Rwot oko cibo Yosua wot ka Nun i wang tic di ewaco be, “Cung di itek kede nwangcuny, pien ibino telo jo me Isirael donyo i lobo kame ango acikere pi mino gi; ango abino bedo tie kedi.”

Iswilia 31:28

Cokunu joadongo me buli ekeko kede jotel dedede i nyima, tetekeny ango awac kope nogi di gin kiwinyo, di ako bino lwongo malo kede lobo pi bedo ijurak apido gi.

Yosua 1:10

Yosua oko mino jotel cik pi

Yosua 1:17

Wan obino lubo kop nin bala kame oudo obedo lubo kede kop ka Musa. Kenekene wan okwao be, koto Rwot Rubanga ni obedo tie kedi bala kame oudo ebedo tie kede Musa!

Yosua 1:18

Ngatamoroni kame bino dagi lubo gikame in iciko, amoto lubo kop kame in iwaco kobino neke. Kenekene in bed dano atek di itie kede nwangcuny.”

Yosua 10:25

Yosua oko waco be, “Kur ibedunu kede lworo, doko da kur cunyu dubere. Bedunu jo atek atie kede nwangcuny, pie manoni en gikame Rwot bino timo ne jokwor wu dedede.”

Yosua 10:8

Rwot oko waco ne Yosua be, “Kur ilworunu gi, ateteni ango abino mino gi i cingu; likame tie ngatamoro akadi acel kibut gi kame bino twero yi kede wu.”

Yosua 3:7

Rwot oko waco ne Yosua be, “Tin ango abino mini icako bedo kede dwongo i nyim jo me Isirael, tetekeny gin kingei be ango abino bedo tie kedi bala kame oudo abedo tie kede Musa.

Yosua 6:27

Aso, Rwot oko bedo tie kede Yosua, di nyinge oko doko iruo i piny nono dedede.

Yosua 8:1

Rwot oko waco ne Yosua be, “Kur ibed kede lworo amoto potocuny; kwany isirikalen dedede iko ot tuno i bomba me Ai. Neningo ango abino mino i cingu abaka me Ai kede jo mege, bomba mere kede lobo mere dedede.

Jongolkop 6:14

Di do Rwot bin oko waco ne be, “Ot kede teko nin adwong no di iko lako jo me Isirael ki cing jo Midian. Ango kikoma atie cwani.”

1 Samuel 10:7

Kame gianena nogi otimere ni, tim gi dedede kame ibino neno poore ni me atima, pien Rubanga bino bedo tie kedi.