Yosua 1:8 - Baibuli I Leb Kumam 2013

⁸ Miero inen be isomo ne jo itabu me Iswil i kare dedede kame gin kitie wora kede; bed tamo kope mege iceng kede iwor, tetekeny ikaruno bedo di igwokere pi lubo gi dedede kame kowandiko iye. Manono bino mino ibedo kede mulem, doko gi dedede ko bino cobere ni kiber.

Yosua 1:8 Iomraidhean Croise

Ageini 24:63

Otieno moro acel en di eko ot ilat i itela, eko tingo wange malo di eko neno aguraguran tie bino.

2 Iyutun 26:5

En bin ebedo timo gikame Rubanga mito i kare me kuo ka Sakaria, ngat kame bin mie tam me bedo kede wor but Rubanga. Di i kare nono lung Rubanga oko mine winyo.

Sabuli 119:11

Ango akano kop nin i cunya tetekeny kur atim dub buti.

Sabuli 119:15

Abino bedo paro cik nin i cunya, di ako keto cunya lubo yote nin.

Sabuli 119:97

Okwe, ango tin amaro iswilia nin benyo! Ango abedo paro gi i cunya piny yuluyul.

Sabuli 119:99

Ango atie kede niang kame kalamo me jopwonye na dedede, pien ango aparo cik nin i cunya nakanaka.

Sabuli 19:14

Ango akwao be iyei kop me doga kede par me cunya, Okwe Rwot, lela na kede ngalak na.

Sabuli 40:10

Ango likame amungo kop me alako nin, ango atieko tatamo kop i kom genere nin kede kite kame in ilako kede jo; ango likame amungo ne cokere adwong me jo ni amara nin kalikame lokere kede genere nin.

Agole 3:1

Atin na kur imi wii wil kede pwony na, do kan cik na i cunyi.

Isaya 59:21

Isikan kame ango atimo kede wu ine: twer na kame amio wu, kede kop na kame atieko keto i dog wu, likame bino yai tenge kibut wu arabo kibut idwe wu amoto ikwae wu cako nataman tuno ikar kede ikar.”

Matayo 12:35

Dano aber kelo gi aber ki jamini abeco kame en ekano, kede dano arac da kelo gikarac ki jamini areco kame en ekano.

Matayo 28:20

doko di ipwonyunu gi gwoko gikame aciko ne wu pi lubo. Doko nenunu, ango atie kede wu nakanaka tuno i ajikini me piny.”

Matayo 7:21

“Likame ngat acelacel kame lwonga be, ‘Rwot, Rwot,’ bino donyo i Ajakanut me malo, do kenekene ngat kame timo gikame Papa na me i malo mito ne timo en kame bino donyo iye.

Matayo 7:24

“Aso, ngat acelacel kame winyo kope na gi, di eko timo gikame ango awaco, udo ecal kede ngarieko kame ogero ode i wi lela.

Luka 11:28

Do Yesu oko dwoko be, “Do kame kalamo mere, kitie kede winyo jo kame winyo kop ka Rubanga di kiko lubo!”

Yokana 13:17

Ka ingeunu gigi di ikounu lubo gi, itienu kede winyo.

Yokana 14:21

“Ngat kame mako cik na di eko lubo, en ngat kame mara. Ngat kame mara, Papa na da bino mare, ango da kikoma abino mare di ako bino nyutere bute.”

Joepeso 4:29

Kur di dogu yamo kop moro arac, do kwanyo kenekene kop kame gero jo bala kame mitere, tetekeny kop kame iyamunu mi winyo but jo kame tie winyo.

Iswilia 29:8

Wan okounu mano lobo gi di oko popoko ne jo me ekeko ka Ruben, Gad kede dul me jo me ekeko ka Manase.

Iswilia 29:9

Pi manono, poore ilubunu kiber kope me isikan noni, tetekeny gi dedede kame itimunu twer cobere kiber.

Iswilia 30:14

Li, en kom etie iyapiyapi kede wu; etie i dogu kede i cunyu. Aso, lubenu.

Iswilia 31:11

di jo dedede ocokere woro Rwot Rubanga wu i kakame en ebino yero ne wu, ibinunu somo iswilia nogi dedede ne jo me Isirael di gin kiwinyo.

Iswilia 31:24

Musa oko wandiko Iswilia ka Rubanga dedede i itabu abongo weko gimoro ooko.

Iswilia 5:1

Musa bin oko coko jo me Isirael dedede karacel di eko waco negi be, “Winyunu wun jo me Isirael, iswilia kede cik kame ango atie mino wu i ceng katin, wun ibinunu siyao gi di ikounu keto cunyu lubo gi.

Iswilia 5:29

Ka koto gin di kiko bedo kede tam kame cal kamanoni nakanaka, tam me bedo kede lworo buta kede lubo cik na dedede, koto gi dedede obedo ne gin kiber nakanaka karacel kede ne ikwae gi.

Iswilia 5:32

“Pi mano, wun miero igwokerenu di ikounu timo gikame Rwot Rubanga wu otieko ciko ne wu; likame poore iparaunu tenge kiye.

Jokolosai 3:16

Wekunu kop ka Kirisito pong i cunyu. Pwonyerenu di icorakinunu kenu kenu kede rieko me epone dedede. Werunu Sabuli kede were me ilega karacel kede were kame Tipo mio, di cunyu pwoyo Rubanga.

Yosua 1:7

Kenekene bed dano atek di itie kede nwangcuny adwong, di igwokere lubo iswilia dedede kame ngatic na Musa omio wu. Kur iparao tenge kiye, di gi dedede ko bino cobere ni kiber i kabedo dedede kame in ioto iye.

Yosua 8:34

Yosua oko somo iswilia dedede, ribo kiton winyo kede ilam, bala kame kowandiko gi kede i itabu me Iswil.

Gianyuta 22:14

Kitie kede winyo jo kame lwoko ikanson gi di cil tetekeny kibed kede twero me camo anyakini me yat me kuo, kede me donyo i bomba di kibeo kiye irutei.