Yosua 1:6 - Baibuli I Leb Kumam 2013

⁶ Bed ngat atek di itie kede nwangcuny, pien in ibino telo jo nogi ot mano di eko doko mergi lobo kame bin ango acikere but joakwari gi be abino mino gi.

Yosua 1:6 Iomraidhean Croise

Ageini 12:7

Di do Rwot oko nyutere but Aburam, di eko waco ne be, “Ango abino mino lobo noni but ikwae ni.” Aburam bin oko gero alutari kunono, me woro Rwot ngat kame oudo onyutere bute.

Ageini 26:3

Bedi i lobo nono bala ngakumbor, ango abino bedo tie kedi, doko abino mini winyo. Pien ango abino mini karacel kede ikwae ni lobere nogi dedede, doko abino cobo cikere kame bin atimo but papa ni Aburaam.

2 Samuel 10:12

Bed tek, doko mito obed kede nwangcuny pir jo wa, kede pir bomban ka Rubanga wa. Ango akwao Rwot pi timo gikame en eneno be ber ne.”

1 Abakai 2:2

“Ango ayapuno to. Bed tek, doko bed kede nwangcuny,

1 Iyutun 22:13

Ka in ilubo iswilia dedede kame Rwot bin omio Musa pi mino jo Isirael, gi dedede bino bedo ni kiber. Bed di itek, doko bed kede nwangcuny. Kur ibed kede lworo moro arabo potocuny.

1 Iyutun 28:10

In poore ingei be Rwot otieko yeri pi gero tempulo mere kacil. Poore in ibed tek di iko timo tic nono.”

1 Iyutun 28:20

Abaka Daudi oko waco ne wode Sulumani be, “Bed tek, doko bed kede nwangcuny di iko timo tic. Kur ibed kede lworo, doko kur cunyi poti; pien Rwot Rubanga na tie kedi. En likame ebino jali arabo weki, do ebino bedo kedi tuno in tieko tice dedede me tempulo mere.

2 Iyutun 15:7

Do in bed di itek di likame cunyi ko kwanyere. Kobino mini giamia me pwoc pi tic kame itimo.”

2 Iyutun 20:11

Nan gin kitie culo wa pi manono i yore me gin bino riamo wa ki lobo kame in imio wa.

2 Iyutun 20:7

In Rwot Rubanga wa, mam bin in iriamo jo kame oudo bedo i lobo noni kakame jo ni me Isirael oudo tie donyo kede iye, di iko mine but ikwae ka Aburaam, en ngawoti, pi bedo mergi me atwal?

Sabuli 27:14

Bed kede gen i kom Rwot, bed tek, wek cunyi bed nwang, bed kede gen i kom Rwot.

Danieri 10:19

En ewaco na be, “Kur ibed kede lworo, Rubanga mari twatwal, likame tie gimoro arac koyaro timere ni. Bed kede teko kede cuny anwang.” Kakame en eyamo na kede kamano, ango ako udo teko di ako waco be, “Adwong na, yam do gikame imito waco, pien nataman itieko mina teko.”

Agai 2:4

Akadi kamanono da, nataman bedunu kede nwangcuny. Timunu tic, pien ango atie kede wu,

Sakaria 8:9

Rwot me jo yi tie waco be, “Wun jo kame nataman itiekunu winyo kope nogo kame bin inabin owaco i kare kame bin kocako cibo kede acakini me apama me gedo me tempulo, miunu cingu bed tek i tic me gero tempulo.

Wel 26:53

“Popoko lobo me Kanan ne jo me ikekon nogi di lubere kede wel me jo kame tie i ekeko acelacel.

Wel 33:53

Wun ibinunu gamo lobo nono di ikounu donyo bedo iye, pien ango atieko mino wu lobo nono pi en doko meru.

1 Jokorinti 16:13

Kiunu piny, cungunu kitek i yei wu, bedunu kede nwangcuny, bedunu kede yei atek.

Joepeso 6:10

Me ajikini, bedunu di itekunu i Rwot, doko di itienu i teko me twer mere.

Iswilia 1:21

Nenunu, Rwot Rubanga wa otieko mino wa lobo noni, otunu igamenu bala kame Rwot Rubanga ka joakwari wa otieko cikere kede butu; kur ibedunu kede lworo amoto potocuny.’

Iswilia 1:8

Nenunu, ango atieko mino wu lobo nono i cingu; otunu ikounu mano lobo kame bin ango akwongere but joakwari wu, Aburaam, Isaka, kede Yakobo, be abino mino gin kede ikwae gi.”

Iswilia 11:8

“Poore ilubunu cik dedede kame tin ango atie mino wu, tetekeny ibedunu kede teko me ot mano lobo kame itienu ngolo ecilet pi ot donyo iye di eko doko meru,

Iswilia 31:23

Di Rwot oko cibo Yosua wot ka Nun i wang tic di ewaco be, “Cung di itek kede nwangcuny, pien ibino telo jo me Isirael donyo i lobo kame ango acikere pi mino gi; ango abino bedo tie kedi.”

2 Temeseo 2:1

Pi mano, in atin na, bed di itek pi kisa kame tie i Kirisito Yesu.

Yosua 1:18

Ngatamoroni kame bino dagi lubo gikame in iciko, amoto lubo kop kame in iwaco kobino neke. Kenekene in bed dano atek di itie kede nwangcuny.”

Yosua 1:7

Kenekene bed dano atek di itie kede nwangcuny adwong, di igwokere lubo iswilia dedede kame ngatic na Musa omio wu. Kur iparao tenge kiye, di gi dedede ko bino cobere ni kiber i kabedo dedede kame in ioto iye.

Yosua 1:9

Nan ango aciki be, bed dano atek di itie kede nwangcuny; kur ibed kede lworo amoto potocuny, pien ango Rwot Rubanga wu atie kedi i kabedo dedede kame ioto iye.”

Yosua 10:25

Yosua oko waco be, “Kur ibedunu kede lworo, doko da kur cunyu dubere. Bedunu jo atek atie kede nwangcuny, pie manoni en gikame Rwot bino timo ne jokwor wu dedede.”

Yosua 13:6

Manoni riribo lobo lung me jo Sidon, kame bedo i lobo me imukuran, dierediere me mori me Lebanon kede Misirepot Maim. Ango kikoma abino riamo jo nogi di jo me Isirael nyiko anyim mot mot. Kenekene poore ipopoko lobo ne jo me Isirael bala kame ango atieko ciko ni.

Yosua 18:3

Manono oko mino Yosua owaco ne jo me Isirael be, “Wun ibinunu bedo kede ajajalun me ot gamo lobo kame Rwot, Rubanga me joakwari wu otieko mino wu tuno awene?

Yosua 21:43

Aso, Rwot bin oko mino jo me Isirael lobo dedede kame en oudo ekwongere iye but joakwari gi be ebino mino gi. Kakame gin do oudo kitieko game kede eko doko mergi, gin kiko donyo bedo iye.

1 Samuel 4:9

Okweunu jo me Pilistia, diunu cunyu ikounu yi cuo cuo, me wek kur odokunu ipasoi but Iburanian, bala kame gin oudo kibedo kede ipasoi but wa; yiunu cuo cuo.”