Yosua 1:5 - Baibuli I Leb Kumam 2013

⁵ Yosua, likame tie dano moro kame bino sobolo bwoni i kare me kuo ni lung. Ango abino bedo tie kedi bala kame oudo abedo tie kede Musa; ango abino bedo tie kedi, likame abino jali.

Yosua 1:5 Iomraidhean Croise

Ageini 39:2

Rwot bin oko bedo tie kede Yosepu di eko mine ebedo ngawinyo. En bin eko donyo bedo i ot me ngadwong mere me Misiri.

1 Abakai 1:37

Bala kame Rwot obedo tie kede in adwong na abaka, kamanono da akwae ebed kede Sulumani, di eko mino apugan mere kalamo meri.”

1 Abakai 11:38

Ka in ibino lubo gi dedede kame ango aciko ni, di iko lubo yote na, kede iko bedo timo gikame poore i wanga pi gwoko iswilia na kede cik na, bala kame bin Daudi ngatic na obedo timo, ango abino bedo tie kedi, di ako bino mini ibedo abaka me Isirael, kede ako neno be ikwae ni en kame lunyo wangi, bala kame atieko timo ne Daudi.

1 Abakai 6:13

Ango abino bedo i diere me jo na me Isirael, doko likame abino weko gi.”

1 Abakai 8:57

Ango akwao Rwot Rubanga wa ebed kede wa, bala kame en bin ebedo tie kede joakwari wa; ango akwae kur ewek wa arabo ejal wa,

1 Iyutun 28:20

Abaka Daudi oko waco ne wode Sulumani be, “Bed tek, doko bed kede nwangcuny di iko timo tic. Kur ibed kede lworo, doko kur cunyi poti; pien Rwot Rubanga na tie kedi. En likame ebino jali arabo weki, do ebino bedo kedi tuno in tieko tice dedede me tempulo mere.

Sabuli 46:11

Rwot me jo yi tie kede wa; Rubanga ka Yakobo en karingo wa me ot gwokere.

Yai 3:12

Rubanga oko dwoko ne be, “Ango abino bedo tie kedi; gianena kame bino nyuto be ango en kame acwai en ine: kame in itieko kwanyo jo ki Misiri, in ibino donyo wora i wi moru noni.”

Isaya 42:16

“Abino telo jo na awang gi oto i yongayo kame gin likame kingeo, abino beo kede gi i yote kame gin lem pwodi likame kibeo iye. Ango abino loko colpiny doko lero i nyim gi, kabedere kame gwai abino mino doko pwot. Magonogi en gikame ango abino timo negi, likame abino jalo gi.

Yeremia 1:8

Kur ibed kede lworo but gi, do ango abino bedo tie kedi pi gwoki. Ango Rwot en awaco!”

Danieri 11:16

Abaka me Siria bino timo negi gikame cunye omito, abongo ngatamoro galao en. En ebino sipakin i lobo kame neno cil, di lobo nono dedede ko bino bedo i twer mere.

Matayo 28:20

doko di ipwonyunu gi gwoko gikame aciko ne wu pi lubo. Doko nenunu, ango atie kede wu nakanaka tuno i ajikini me piny.”

Joroma 8:31

Nan owac do benyo? Ka Rubanga tie kede wa, ngai kame twero mon kede wa?

Joroma 8:37

Li, i gigi dedede, wan olounu adikinicel pi ngat kame omaro wa.

Iswilia 20:1

“Ka iotunu pi yi kede jokwor wu, di ikounu neno asigiran kede cabalan me yi, kede isirikalen atot kalamo megu, kur ibedunu kede lworo i kom gi; pien Rwot Rubanga wu tie kede wu, ngat kame bin owoto wu ki lobo me Misiri.

Iswilia 20:4

Pien Rwot Rubanga wu tie upere kede wu; en ebino yi kede jokwor wu piru di eko mino wu ibwonunu gi.’

Iswilia 31:23

Di Rwot oko cibo Yosua wot ka Nun i wang tic di ewaco be, “Cung di itek kede nwangcuny, pien ibino telo jo me Isirael donyo i lobo kame ango acikere pi mino gi; ango abino bedo tie kedi.”

Iswilia 4:31

En ebedo Rubanga kame timo jo kisa. En likame ebino weko wu atatai arabo muducaro wu, doko en likame wie bino wil kede isikan kame en kikome bin etimo kede joakwari wu di ekwongere.

Iswilia 7:24

En ebino mino abakai gi i cingu di wun ikounu mino nying gi rwenyo ki wi lobo. Likame tie ngatamoro kame bino karuno yi kede wu; wun ibinunu muducaro gi.

2 Temeseo 4:17

Do Rwot oko bedo tie keda, di eko mina teko me pwonyo kop mere odocon, tetekeny jo kalikame Iyudayan winyi. Manoni oko mino kolaka ki lak engu.

Iburanian 13:5

Kur ibedunu kede amara atek i kom sente, do miunu gikame itienu kede rom wu, pien Rubanga owaco be, “Ango likame abino weki amoto jali.”

Yosua 1:17

Wan obino lubo kop nin bala kame oudo obedo lubo kede kop ka Musa. Kenekene wan okwao be, koto Rwot Rubanga ni obedo tie kedi bala kame oudo ebedo tie kede Musa!

Yosua 1:9

Nan ango aciki be, bed dano atek di itie kede nwangcuny; kur ibed kede lworo amoto potocuny, pien ango Rwot Rubanga wu atie kedi i kabedo dedede kame ioto iye.”

Yosua 10:8

Rwot oko waco ne Yosua be, “Kur ilworunu gi, ateteni ango abino mino gi i cingu; likame tie ngatamoro akadi acel kibut gi kame bino twero yi kede wu.”

Yosua 21:44

Rwot oko mino anapakin obedo tie negi i lobo gi nono lung, bala kame en oudo ecikere kede but joakwari gi. Likame bin tie ngakwor gi moro acel kame oko yi kede gi di eko bwono gi, pien Rwot oudo otieko mino jokwor gi i cing gi.

Yosua 3:7

Rwot oko waco ne Yosua be, “Tin ango abino mini icako bedo kede dwongo i nyim jo me Isirael, tetekeny gin kingei be ango abino bedo tie kedi bala kame oudo abedo tie kede Musa.

Yosua 6:27

Aso, Rwot oko bedo tie kede Yosua, di nyinge oko doko iruo i piny nono dedede.

Jongolkop 2:18

I kare dedede kame bin Rwot mio kede jo me Isirael ngatel, Rwot bin bedo tie kede ngatel nono di en eko lako jo ki cing jokwor gi pi kare me ngatel nono dedede. Kisa oudo mako Rwot i kom gi pi cur kame oudo kitie iye pi itidil kede adiadia kame oudo oketo i kom gi.

Jongolkop 6:16

Rwot oko bin waco ne be, “Ango abino bedo tie kedi, di in iko bino neko jo Midian kede yoto di ineno bala gin oudo kibedo dano acel kenekene.”

1 Samuel 10:7

Kame gianena nogi otimere ni, tim gi dedede kame ibino neno poore ni me atima, pien Rubanga bino bedo tie kedi.