Yosua 1:4 - Baibuli I Leb Kumam 2013

⁴ Ango abino mino wu lobo acakere ki wi tim atie i bad tetu piny, tuno i mori me Lebanon atie i bad tetu malo; doko da ebino cakere ki ecilet adwong me Eupurate atie i bad tetu kide, beo i lobo me jo Kiti, tuno i nam adwong me Mediterania kame tie i bad tetu tim.

Yosua 1:4 Iomraidhean Croise

1 Abakai 10:29

Cabala bin koromo kelo ki Misiri i wel me siliba akaya tol kanyape, do asigira acel bin kokelo i wel me siliba tol acel kede ot kany. Jocat wil ka abaka da ko bin cato gi but abakai dedede me jo Kiti kede but abakai me Siria.

1 Abakai 4:21

Sulumani bin oko pugo ajakanuto dedede cako ki ecilet me Eupurate tuno i lobo me jo Pilistia, ape tuno i ikor me Misiri. Gin bin kibedo culo esolo bute di kitimo ne tic pi kare me kuo mere lung.

1 Iyutun 18:3

Daudi bobo oko yi di eko bwono Abaka Kadadese me Soba, i nget adul me Kamat di oudo Kadadese tie ot pi dwoko adul me tetu malo me ecilet me Eupurate i loc mere.

1 Iyutun 5:9

Oudo kitie kede doke atot i lobo me Gilead, omio kiko donyo bedo i lobo adok i bad tetu kide tuno i wi tim kopetere paka i ecilet me Eupurate.

Esera 4:20

Abakai atek otieko pugo kunono di kiko pugo adul kame tie i bad tetu tim me ecilet me Eupurate, di kiraro esolo me egere dedede.

Yai 23:31

Ikor me lobo wu bino cakere ki Nam Akwar tuno i nam me jo Pilistia, kede ki wi tim tuno i ecilet me Eupurate; pien ango abino mino jo me piny nono i cingu, di wun ikounu bino riamo gin tenge.

Iswilia 1:7

Cakunu bobo sapali wu, di ikounu ot donyo i piny kobedo mori mori me jo Amor karacel kede i adulion kame kio kede, gin en aditot me Yorodan, piny kobedo mori mori kede koditokin, Negeb, kede dog nam me Mediterania. Otunu idonyunu i lobo me Kanan paka tuno i moru me Lebanon, di ikounu ot paka tuno i ecilet adwong me Eupurate.

Iswilia 11:24

Kabedere dedede kame tienu bino nyono bino doko meru; Lobo wu bino cakere ki wi tim kame tie i bad tetu piny tuno tetu malo i mori me Lebanon, kede ki ecilet me Eupurate kame tie i bad tetu kide tuno i nam kame tie i bad tetu tim.

Iswilia 3:25

Akwai imia angol ecilet me Yorodan loka tuca di ako neno lobo amio kame tie loka tetu nono, piny acil kobedo mori mori nono karacel kede mori me Lebanon.’

Gianyuta 9:14

Dwan nono oudo waco ne malaika me kanyape kame oudo tie kede agwara be, “Gony imalaikan ongwon kame kotweo i ecilet adwong me Eupurate.”