Yona 2:7 - Baibuli I Leb Kumam 2013

⁷ Kakame kuo na oudo tie yai kede, ango ako yutuno in Rwot; ako cwano kwac na buti, di oudo in itie i tempulo ni kacil.

Yona 2:7 Iomraidhean Croise

2 Iyutun 30:27

Josaseredoti kede Jolebi oko yai malo di kiko cungo; gin kiko lamo ne jo winyo, di Rubanga oko winyo kwac gi i malo kabedo mere.

Sabuli 11:4

Rwot tie i tempulo mere kacil; kom mere me ajakanut tie i malo. Wange neno jo dedede, en engico gikame gin kitimo.

Sabuli 142:3

Kame cunya okwanyere, en kame engeo gikame ango apoore timo. Jokwor na ociko na obek i yongayo kame ango alubo.

Sabuli 143:5

Ango ayutuno kare kokato cen, aparo kop i kom gi dedede kame in itieko timo, aparo i cunya tice kame cingi otimo.

Sabuli 18:6

I can na ako lwongere but Rwot; akok but Rubanga na pi konya. En eko winyo dwana ki tempulo mere, di koko na oko tuno i yite.

Sabuli 20:7

Jo mogo wakere pi cabalan, mogo pi asigiran, do wan owakere pi Rwot Rubanga wa.

Sabuli 22:14

Teko na tie tiek bala pii kame kotie onyo. Cogere na otieko gwegwetun ki kariamo gi; cunya do cal bala odok kame ocalar i kora.

Sabuli 27:13

Ango ayei be abino neno bero ka Rwot, i lobo me jo akuo.

Sabuli 42:11

Pinyo komio atie kede cwercuny? Pinyo komio aparere? Abino keto gen na but Rubanga; abino medo pake, en ngakony na, doko en Rubanga na.

Sabuli 42:5

Pinyo komio atie kede cwercuny? Pinyo komio aparere? Abino keto gen na but Rubanga; abino medo pake, en ngakony na, doko en Rubanga na.

Sabuli 43:5

Pinyo komio atie kede cwercuny? Pinyo komio aparere? Abino keto gen na but Rubanga; abino medo pake, en ngakony na, doko en Rubanga na.

Sabuli 65:4

Kitie kede yomcuny gin jo kame in iyero, di iko kelo gi bedo i diakal nin. Wan obino yeng kede bero kame oudo i odi, en tempulo ni kacil.

Isaya 38:17

Ateteni cwercuny atek kame oudo ango atie kede oudo tie pi kelo nango bero; in pi amara ni ilako kuo nango ki to, pien itieko sasiro dub nango dedede.

Isaya 50:10

Alu kikomu kame lworo Rwot di kilubo timo gikame ngatic gi waco? Mito wun jo kame iotunu ki piny acol, jo kame lero li ne gi, iketunu gen wu i kom Rwot doko igongerenu but Rubanga wu.

Yona 2:4

Di ango ako waco be kotieko riama tenge ki nyimi, bobo likame abino twero neno tempulo nin kacil.

Mika 1:2

Winyunu, wun atekerin dedede; winyunu, Okwe wun gi dedede kame tie i wi lobo! Rwot Rubanga bino mino ijura i komu ki tempulo mere kacil me malo.

Abakuk 2:20

Rwot tie i tempulo mere kacil; mito jo dedede me wi lobo ling titi i nyime.

Iburanian 12:3

Tamunu kong ekite kame en ekanyakino kede twon gero kame jodubo oudo tie kede i kome, tetekeny kur iolunu arabo cunyu kwanyere.

1 Samuel 30:6

Daudi oudo tie i peko adwong twatwal; pien jo dedede oudo cuny gi owang pi kei idwe awobe kede anyira gi, omio oudo kitie waco kop me didipo en kede kide. Do Rwot Rubanga mere oko mine nwangcuny.