Yokana 9:39 - Baibuli I Leb Kumam 2013

³⁹ Yesu oko waco be, “Ango abino i piny, me wek jo kalikame neno kineni, kede be, jo kame neno wek wang gi toi.”

Yokana 9:39 Iomraidhean Croise

Isaya 29:10

Pien Rwot otieko coro ne wu cuny me mito nino kitek; inabin poore bedo bala wangu, do en etieko umo wang gin; etieko umo wi joneno.

Isaya 44:18

Akodi jo nogo miming doko likame kiniang; pien wang gi oumere, tetekeny gin likame kikaruno neno, doko tam gi da omwonere, en amio likame kikaruno niang.

Isaya 6:9

En eko waco na be, “Oti iwace jogo be, ‘Akadi imeedenu winyo benyo, do likame ibinunu niang; akadi imeedenu ngino benyo, do likame ibinunu ngeno gikame tie timere.’ ”

Esekeri 12:2

En ewaco be, “Wot ka dano, in itie bedo i diere me jo kame jojemo. Gin kitie kede wang gi do likame kineno piny, kitie kede yit gi do likame kiwinyo kop,

Matayo 11:5

wang imuduka oyabere, ingwalasa do twero ot, jo kame tie kede dobo ocango, idingoi da yit gi oyabere, koyaruno jo oto kede kotuco Kop Aber ne jocan.

Matayo 15:14

Wun wekunu gin ken gi, gin kibedo imuduka kame telo jo, pien ka emuduk opeo emuduk wad gi, gin duc kibino poto i bur.”

Matayo 6:23

do ka wangi odubere, komi dedede bedo i colo. Ka gikame mi lero odoko colo, colo mere do tin bino bedo rom nadi!

Luka 1:79

pi mino lero but jo kame bedo kakacol kede i tipo me to, pi nyuto ne wa yote kabeco kame kelo ne wa mulem.”

Luka 13:30

Di do jo mogo kame nan tie me ajikini ko bino bedo me agege; jo mogo kame nan tie me agege ko bino bedo me ajikini.”

Luka 2:34

Esimioni oko kwano ne gi winyo di ewaco ne Maria toto me atin be, “Neningo, Rubanga oketo atin noni pi kelo poto kede akiar me jo atot i Isirael; kede pi bedo gianena ka Rubanga kame jo atot bino dagi,

Luka 4:18

“Tipo ka Rwot tie i koma, piento en etieko yera pi kelo ne jocan kop aber. En eora pi bino tuco ne jo kame kotweo kop kame mako gonyo gi, kede but imuduka kop kame mako yabere me wang. En eora pi gonyo jo kame kodio,

Luka 7:21

Esawa nono di Yesu oko donyo cango jo atot kame oudo tie kede tuwo apapat, aumpuli, kiton tipere areco, doko en eko yabo wang jo atot kame bin oudo obedo imuduka.

Yokana 12:31

Nan do en esawa me ngolo kop ne piny kan. Rubanga oyaro riamo ngat kame lem pugo piny kan tenge.

Yokana 12:46

Ango abino i piny bala lero, tetekeny ngat kame yei ango kur dong di etie i colo.

Yokana 3:17

Pien Rubanga likame ocwao wode i piny pi ngolo ne piny kop, do en ecwae tetekeny piny ud alako pi en.

Yokana 3:19

Ngolo kop en ine be, lero otieko bino i piny, do jo oko maro colo akaka lero, pien tice gi oudo reco.

Yokana 8:12

Yesu bobo oko waco ne gi be, “Ango en lero me piny; ngat kame luba likame bino ot di etie i colo, do ebino bedo kede lero me kuo.”

Yokana 8:15

Wun ingolunu kop iekite me dano, do ango likame angolo ne ngatamoro kop.

Yokana 9:25

En eko dwoko be, “Ango akwia ka en ngadubo; do gi acel kame ango angeo en ine be, bed bala wangango oudo oto, do nan do ango aneno piny.”

Tice 26:18

pi yabo wang gi, me wek kilokere tenge ki colo kiko dok i lero, kede ki twer ka Sitani kiko dok but Rubanga. Man bino mino kiudo isasir ki dub kede da kiko udo kabedo i dier jo kolonyere pien kiyei ango.’

2 Jokorinti 2:16

But jo kame tie rwenyo, en ebedo ngwece atulutul kame kelo to; do but jo kame Rubanga tie lako, en ebedo ngwece akur kame kelo kuo. Ngai kame twero timo gi nogi?

Joepeso 5:14

Pien gi dedede kame doko gikame neeno kakaler obedo lero. En komio kowaco be, “Nganino, cei! Yaruno kikom jo oto, di Kirisito ko bino mini lero.”

2 Jotesalonika 2:10

Doko ebino tic kede angalo arac but jo kame tie rwenyo atwal, pien gin kidagi maro kop me ateni kame oudo koto lako gi.

1 Petero 2:9

Do wun ibedunu ateker kame koyero, josaseredoti me Abaka, ateker kacil, jokacil kikome, me wek itucunu tice me aura me ngat kolwongo wu ki colo pi bino i lero mere me aura.

1 Yokana 2:11

Do ngat kame dagi omin mere amoto amin mere udo etie i colo, en eoto i kakacol, doko likame engeo kakame etie lubo, pien udo colo oumo wange.