Yokana 9:34 - Baibuli I Leb Kumam 2013

³⁴ Gin kiko dwoko ne be, “Kom ida ngat kame konywali i dub atwal atwala en kame itie pwonyo wan?” Kiko riame tenge ki sinagoga.

Yokana 9:34 Iomraidhean Croise

Ageini 19:9

Do gin kiko waco ne be, “Orwa tenge! Kom in ibino kan bala ngakumbor, nan do imito be idok ngangolkop wan! Nan do wan oyaro timo nin gikarac kalamo gikame wan omito timo ne gin.” Di do gin kiko remoro Lot cen kitek di kiko nyiko i ekeko pi mito ture.

2 Iyutun 25:16

Do di enabi nono pwodi tie yamo, abaka oko waco ne be, “Benyo, mam wan otieko keti pi bedo ngamino abaka tam? Lingi! Pinyo kamio imito be neki?” Aso, enabi nono oko ling, do di pwodi likame eling en oudo ewaco be, “Ango angeo be Rubanga otieko moko tam mere pi muducaro in, piento in itieko timo gi noni di iko dagi winyo tam kame ango ami.”

Yobu 14:4

Ngai kame twero woto gimoro acil ki gi komunaun? Likame tie ngatamoro akadi acel.

Yobu 25:4

Dano karuno bedo di epoore i nyim Rubanga benyo benyo? Dano kame dako onywalo karuno bedo di cunye cil benyo benyo?

Sabuli 51:5

Ateteni konywala di atie kede raco, abedo ngadubo cako esawa kame toto na oyaca kede.

Yai 2:14

Icuo nono oko dwoko ne be, “Ngai koketi bedo ngapug kede ngangolkop wa? Benyo, imito neka bala kame ineko kede dano me Misiri?” Lworo oko mako Musa di eko tamo kene be, “Ateteni kotieko ngeno kop noni.”

Agole 22:10

Riamunu tenge dano kame ngaacae, di piem, lok kede ayet ko bino jik.

Agole 26:12

Benyo, in itieko neno ngat kame nenere kene bala en eriek? Gen me pwonyo ngamingo tie kalamo ngat kame cal kamanono.

Agole 29:1

Ka ocoki pi epali di in imeede kede nguti, cengemoro ibino udo awanon kalikame cango.

Isaya 65:5

Di do kiko waco ne jo icegun be, ‘Cungunu tenge, kur inokunu wa; wan jokacil twatwal, likame wun ipoorenu mulo wa!’ Jo nogi cal bala yiro kame kwikwio uma. Lilo na i kom gi cal bala mac kame liel piny yuluyul.

Isaya 66:5

Winyunu kop kame Rwot tie waco, wun jo kame ilworenu doko itimunu gikame en ewaco. En ewaco be, “Jo wu mogo cuny gi kec i komu, doko kidagi wu pira. Gin kinyero wu di kiwaco be, ‘Ber Rwot nyut twer mere adwong, tetekeny wan onen ilel wu.’ Do gin kikom gi en kame lewic bino mako gi!

Luka 11:45

Ngat acel kikom jopwony me Iswil oko dwoko ne be, “Apwony, kame iyamo kamano, udo inywaro wada.”

Luka 14:11

Pien ngat kame tingere kene, kobino dwoke piny, do ngat kame mwolere, kobino tinge malo.”

Luka 18:17

Ateteni awaco ne wu be, ngat kalikame gamo Ajakanut ka Rubanga bala atin atitidi, likame ebino donyo iye.”

Luka 6:22

“Itienu kede winyo ka jo dagi wu, di kipoko wu tenge kikom gi, di kiyeyeto wu, di kidubo nying wu pi Wot ka dano.

Yokana 6:37

Jo dedede kame Papa mia oyaro bino buta; doko ngat kame bino buta, likame abino riame tenge.

Yokana 8:41

Wun itienu timo gikame papa wu bin otimo.” Gin kiko waco ne be, “Wan likame nywal me epae; wan otie kede Papa wa acel, en Rubanga.”

Yokana 9:2

Josiao mege oko penye be, “Apwony, ngai en kame oudo odubo komio oko nywalo icuo ni di wange oto, en noni arabo jonywal mege?”

Yokana 9:22

Jonywal mege owaco kaman pien oudo kilworo Iyudayan; pien Iyudayan oudo otieko yei be ka ngatamoro otuco be Yesu en Kirisito, kobino riame ooko ki sinagoga.

Yokana 9:35

Yesu oko winyo be Iyudayan oriamo icuo nono ooko ki sinagoga. Kakame Yesu oriamo kede, eko penye be, “In iyei Wot ka dano?”

Yokana 9:40

Iparisayon mogo kame oudo tie i ngete owinyo kop noni di kiko penye be, “Wada nan mam wang wa oto?”

1 Jokorinti 5:13

Rubanga en kame bino ngolo kop ne jo kalikame oyei Kirisito. Pien kowandiko be, “Riamunu tenge ki diere wu dano kame tie kede tim areco.”

Jogalatia 2:15

Wan ikom wa obedo Iyudayan i anywali wa, do weko jo kalikame Iyudayan kame obedo jodubo.

Joepeso 2:3

Wada i kare moro oudo ocalunu kede gin i mit me kom wa, di olubunu mit me kom wa kede tam wa. Pi mano, iekite me kuo me kom, wan oudo obedunu jo kame poore pi udo lilo ka Rubanga bala jo apat dedede.

1 Petero 5:5

Kamanono da, wun jo atino, iwinyunu joadongo. Wun dedede bedunu jo kame mwolere, ngat acelacel but ngawote, pien kowandiko be, “Rubanga dagi jo kame wakere, do emio jo kame mwolere winyo.”

3 Yokana 1:10

Aso ka ango abino, abino nyuto gi dedede kame en etie timo pi sarakino kope me abe i koma. Likame mago kenekene, do en edagi da gamo imiegu kede amiegu, doko egengo jo kame mito gamo gi di eriamo gi tenge ki ekodet me jokirisito.

3 Yokana 1:9

Ango atieko wandiko baluwa moro but ekodet me jokirisito; do Dioterepe, ngat kame nakanaka mito be en etel jo apat, odagi winyo kop na.

Gianyuta 13:17

Oudo likame tie ngatamoro kame karuno wilo arabo cato gimoro kwanyo di etie kede alama noni, manono en nying le nono arabo namba me nyinge.