Yokana 9:24 - Baibuli I Leb Kumam 2013

²⁴ Gin kiko lwongo icuo kame oudo bin wange oto nono tien me are, di kiko waco ne be, “Yam kop me ateni i nyim Rubanga, wan ongeo be icuo no obedo ngadubo.”

Yokana 9:24 Iomraidhean Croise

Esera 10:11

Aso, nataman tucunu dub wu but Rwot Rubanga ka joakwari wu, di ikounu timo gikame en emito. Pokerenu tenge kikom jo me piny noni kede kikom mon nogi me atekerin apat.”

Isaya 66:5

Winyunu kop kame Rwot tie waco, wun jo kame ilworenu doko itimunu gikame en ewaco. En ewaco be, “Jo wu mogo cuny gi kec i komu, doko kidagi wu pira. Gin kinyero wu di kiwaco be, ‘Ber Rwot nyut twer mere adwong, tetekeny wan onen ilel wu.’ Do gin kikom gi en kame lewic bino mako gi!

Marako 15:27

Doko kiko guro joyak are da kede Yesu; acel i bade tetu cam kede acel i bade tetu ngodal.

Luka 15:2

Iparisayon kede jopwony me Iswil oko donyo ingungur di kiwaco be, “Icuo ni kom gamo jodubo, doko di ecamo kede gi.”

Luka 19:7

Do kakame jo oneno kede kamano, kiko donyo ngunguro di kiwaco be, “Neni, kom eoto bedo welo me ngadubo.”

Luka 7:39

Kakame do Ngaparisayo nono oneno kede gino, en eko donyo yamo i cunye kene be, “Ka koto icuo ni oudo obedo enabi, koto engeo epone me dako kame tie mumulo en noni, pien dako noni obedo ngadubo.”

Yokana 14:30

Ango likame doko nan abino duro kope, pien ngapug piny ni do tie bino. En eli kede twer moro i koma,

Yokana 16:2

Kibino riamo wu tenge ki sinagogan. Ateteni esawa bino tuno kame ngat kame neko wu bino paro kede be etie timo ne Rubanga tic.

Yokana 18:30

Gin kiko dwoko ne be, “Koto oudo dano ni likame obedo ngatim tim areco, koto wan likame okele buti.”

Yokana 19:6

Kakame jodongo me josaseredoti kede isirikalen onene kede, gin kiko lelemo be, “Gure i kom musalaba, gure i kom musalaba!” Pilato oko waco ne gi be, “Terenu igurenu wun kikomu, pien ango gira likame audo raco moro i kome.”

Yokana 5:23

tetekeny jo dedede bed kede wor but Wod bala kite kame kibedo kede wor but Papa. Ngat kalikame tie kede wor but Wod, udo likame etie kede wor but Papa ngat kocwao Wod.

Yokana 8:46

Ngai kikom wu kame karuno nyuto dub kame ango atimo? Do pinyo komio ka ango awaco ne wu kop me ateni likame iromunu yei ango?

Yokana 8:49

Yesu oko dwoko be, “Ango ali kede jwogi; ango aworo Papa na, do wun likame iworanu.

Yokana 9:16

Iparisayon mogo oko waco be, “Icuo ni likame owok kibut Rubanga, pien likame eworo Iswil me Sabato.” Do jo mogo oko waco be, “Ngat kame tie ngadubo karuno timo epone me gianena gi benyo benyo?” Tam gi oko popokun.

Yokana 9:25

En eko dwoko be, “Ango akwia ka en ngadubo; do gi acel kame ango angeo en ine be, bed bala wangango oudo oto, do nan do ango aneno piny.”

Joroma 8:3

Rubanga otieko timo gikame oudo Iswil likame twero timo, pien kite me kuo me anywali otieko mine edoko goro. En eoro Wode kikokome pi bino i cal me kuo me kom kame opong kede dub, di en eko ngolo kop me raco i wi dub.

2 Jokorinti 5:21

Rubanga omio Kirisito ngat kame oudo li kede dub onywako dub wa pirwa, tetekeny odokunu jo kopoore i nyim Rubanga pi Kirisito.

Yosua 7:19

Yosua oko waco ne Akan be, “Dano na, wac kop me ateni i nyim Rwot Rubanga me Isirael, di iko tuco gi dedede. Nan wac na gikame in itimo, kur imungi.”

Gianyuta 11:13

Iesawa nono piny oko yangere kitek, di acel me tomon me bomba nono oko popoto piny; jo tutumia kanyaare oko to pi yangere me piny nono. Lworo adwong oko mako jo icegun dedede kame oudo odong, di kiko mino deyo but Rubanga me malo.