Yokana 9:16 - Baibuli I Leb Kumam 2013

¹⁶ Iparisayon mogo oko waco be, “Icuo ni likame owok kibut Rubanga, pien likame eworo Iswil me Sabato.” Do jo mogo oko waco be, “Ngat kame tie ngadubo karuno timo epone me gianena gi benyo benyo?” Tam gi oko popokun.

Yokana 9:16 Iomraidhean Croise

Matayo 12:10

Kikano icuo kame bade omito oudo tie kuno. Jo mogo oko penye be, “Iswil wa yei cango dano Ceng Sabato?” Gin kipenye kamano tetekeny kiud kop moro kame kiromo pide iye.

Matayo 12:2

Do kakame Iparisayon oneno kede gi noni, gin kiko waco ne Yesu be, “Neningo, josiao ni tie timo gikame Iswil wa gengo jo timo Ceng Sabato.”

Luka 13:14

Do ngadwong me sinagoga cunye oko wang, pien oudo Yesu ocango dano Ceng Sabato. En eko waco ne jo be, “Tie ceng kanyape kame jo poore timo kede tice; bianu i ceng nogo di oko cango wu, do weko bino Ceng Sabato.”

Yokana 10:19

Kope nogi bobo oko mino tam me Iyudayan opokere.

Yokana 14:11

Wun poore iyeunu kop kame ango awaco ne wu be, ango atie i Papa, doko Papa da tie i ango; aso ka li, yeunu ango pi tice kame ango atie timo.

Yokana 15:24

Koto oudo likame ango atimo i diere gi tice kalikame tie ngatamoro kotimo, koto oudo ki li kede dub; do nan kitieko neno gikame ango atimo, doko kiko daga karacel kede Papa na.

Yokana 2:11

Man en gianena mere me agege kame Yesu otimo i Kana kame tie Galilaya, di eko mino deyo mere ongere, di josiao mege oko yei en.

Yokana 3:2

Icuo noni bin obino but Yesu iwor di eko waco ne be, “Rabi, wan ongeo be in ngapwony kame owok kibut Rubanga, pien likame tie dano moro kame twero timo gianena kame in itimo gi, kwanyo kame di Rubanga tie kede en.”

Yokana 5:10

Iyudayan oko waco ne icuo kame kocango nono be, “Tin Ceng Sabato, Iswil wa likame yei ni yeno gibuto ni.”

Yokana 5:36

Do kop me ijura kame ango atie kede pire tek kalamo me ka Yokana; pien tice kame Papa omia pi timo, tice nogo en kame nataman atie timo, gin en kame kijurao ango be Papa en kame oora.

Yokana 6:52

Iyudayan oko donyo piem ken gi ken gi be, “Icuo ni karuno mino wan ocamo ringokome benyo benyo?”

Yokana 7:12

Jo oudo tie kede ingungur adwong i kome. Jo mogo oudo waco be, “En dano aber,” do jo ace waco be, “Li, en kom etie rwenyo jo.”

Yokana 7:23

Ka wun ikepunu dano Ceng Sabato be tetekeny kur iturunu Iswil ka Musa, pinyo komio idokunu ger keda, be pien ango amio kom dano lung ocango Ceng Sabato?

Yokana 7:43

Jo oko bedo kede tam opopokun i kom Yesu.

Yokana 9:24

Gin kiko lwongo icuo kame oudo bin wange oto nono tien me are, di kiko waco ne be, “Yam kop me ateni i nyim Rubanga, wan ongeo be icuo no obedo ngadubo.”

Tice 14:4

Jo me bomba nono bin oko pokere: mogo opokere but Iyudayan, mogo but joor.