Yokana 8:55 - Baibuli I Leb Kumam 2013

⁵⁵ Wun likame ingeunu en, do ango angee. Ka koto oudo awaco be likame angee, koto abedo ngat kame ngalo bala wun. Do ango angee doko alubo kop mere da.

Yokana 8:55 Iomraidhean Croise

Yeremia 4:22

Rwot waco be, “Jo na jomingo; likame kingea. Gin kical bala idwe amiming; likame kitie kede niang. Gin kitie kede diru me timo gikarac, do likame kitie kede ngec moro me timo gikame ber.”

Yeremia 9:3

Leb gi yamo kope me abe bala kame yat kame kokudo gweo kede tong me emal; teko gi omeede i lobo gi pi tim kalikame obedo me ateni, do weko pi tice me ateni. Rwot waco be, “Jo na timo tice areco kame lubere aluba, doko da likame kitera bala Rubanga gi.”

Kosea 5:4

Tim areco kame jo obedo timo gengo gi dok but Rubanga gi. Cuny me mito timo malaya tie negi, omio gin likame kingeo Rwot.

Matayo 11:27

“Papa na otieko mina gi dedede i cinga; likame tie ngatamoro kame ngeo Wod, kwanyo kenekene Papa, doko likame tie ngatamoro kame ngeo Papa, kwanyo kenekene Wod, kede jo kame Wod oyero pi nyuto ne gi Papa.

Luka 10:22

“Papa na otieko mina gi dedede i cinga; likame tie ngatamoro kame ngeo Wod, kwanyo kenekene Papa; doko likame tie ngat kame ngeo Papa, kwanyo kenekene Wod, kede jo kame Wod yero pi nyuto ne gi Papa.”

Yokana 1:18

Likame tie dano kame otieko neno Rubanga, do kwanyo Rubanga Wod acel kenekene, kame bedo iyapiyapi kede Papa, en ngat kame omie engere.

Yokana 10:15

bala kite kame Papa ngea kede, doko ada angeo Papa. Ango ayei rwenyo kuo na pi romini.

Yokana 15:10

Ka igwokunu cik na, ibinunu dong i amara na, bala kite kame ada agwoko kede cik ka Papa na di ako dong i amara mere.

Yokana 15:21

Do kibino timo ne wu gi nogi dedede pi ango, pien likame gin kingeo ngat kame oora.

Yokana 16:3

Kibino timo man pien likame kingeo Papa arabo ango.

Yokana 17:25

Okwe Papa kopoore, piny likame ongei, do ango angei, doko jogi ngeo be in en kame iora.

Yokana 6:46

Likame dwong mere be tie ngatamoro kotieko neno Papa, do kwanyo ngat kowok kibut Rubanga en kame otieko neno Papa.

Yokana 8:19

Pi mano, gin kiko waco ne Yesu be, “Ani bo Papa ni?” Yesu oko dwoko ne gi be, “Wun likame ingeanu, akadi ngeno kiton Papa na da. Koto di oudo ingeanu, oudo koto ingeunu kiton Papa na da.”

Yokana 8:29

Doko ngat kame oora tie keda; likame eweka kena; pien ango nakanaka atimo gikame yomo cunye.”

Yokana 8:44

Papa wu en Sitani, doko cunyu mito timo gikame papa wu mito. Cako i kare me agege en ebedo nganek, doko likame ecungo i ateni, piento en eli kede ateni. Kame etie ngalo, udo etie waco gikame enao timo, piento en ebedo ngat kame ngaangalo, doko en won angalo.

Yokana 8:51

Ateteni, ateteni awaco ne wu be, ngat kame yei kop na likame ebino bilo to atwal.”

Yokana 8:52

Iyudayan oko waco ne be, “Nan wan otieko ngeno do be, ateteni in itie kede jwogi. Aburaam oto bala bin inabin da, do doko di in itie waco be, ‘Ngat kame yei kop na likame ebino bilo to.’

Tice 17:23

Pien kakame ango abedo bebeo kede di angingico jame kame wun iworunu, ako da udo alutari moro kame tie kede iwandik kame waco be, ‘But rubanga kalikame ngere.’ Pi mano, gikame wun iworunu kalikame kongeo nono en ine kame ango atie tuco ne wu kop i kome.

2 Jokorinti 4:6

Pien Rubanga kame owaco be, “Wek lero rieny ki colo,” Rubanga nono en kame orieny i cuny wa pi mino wa lero me ngec be deyo mere neeno i Yesu Kirisito.

1 Yokana 1:6

Aso ka wan owacunu be wan onywakunu kede en, do di otienu i colo udo ongalunu, doko udo likame otienu timo gi me ateni.

1 Yokana 2:22

Ngai en kame ngaangalo? Mam en ngat kame dagi be Yesu en Kirisito? Manoni en Ngakwor ka Kirisito, ngat kame dagi Papa kede Wode.

1 Yokana 2:4

Ngat kame waco be, “Ango atieko ngene,” do di likame elubo cik mege, udo en enga angalo, doko udo eli kede ateni.

1 Yokana 5:10

Jo kame yei Wot ka Rubanga tie kede ijura nono i cuny gi. Jo kalikame yei Rubanga otieko mine edoko ngaangalo, pien likame kiyei ijura kame Rubanga otieko mino i kom Wode.

Gianyuta 3:9

Nenunu, ango ayaro mino jo kame obedo jo me sinagoga ka Sitani, jo kame ngalo be gin Iyudayan do di li, ango abino mino gi kibino di kiko riondiko piny i tienu, di kiko bino ngeno be ango amaro wu.