Yokana 8:48 - Baibuli I Leb Kumam 2013

⁴⁸ Iyudayan oko dwoko ne Yesu be, “Mam etie gi me ateni ka wan owaco be in Ngasamaria, doko itie kede jwogi?”

Yokana 8:48 Iomraidhean Croise

Isaya 49:7

Rwot Ngat Kacil, Ngalak me Isirael waco ne ngat kame kocao kitek, ngat kame atekerin dagi doko en ebedo epasoit me jopug be, “Abakai bino neni di gin kiko yai malo cungo pi mini wor, jopug bino neni, di gin kiko riebere piny i nyimi.” Manoni bino timere pien Rwot ngat kame genere, Ngat Kacil me Isirael otieko yeri.

Isaya 53:3

Wan ocaenu di okounu dage; engirikino cwercuny eko nao kede neno can. Likame tie dano moro kame oudo mito ngoloro en. Wan ocaenu bala ebedo dano kame kony mere li.

Matayo 10:25

Etie gikaber ka ngat kame somo odoko bala ngapwony mere, kede ka ngatic da odoko bala ngadwong mere. Ka gin kilwongo won ot be Belsebul, kibino do waco kope areco me angalo kalamo i kom jo mege me ot nono.

Matayo 10:5

Yesu oko oro cuo tomon kiwie are nogi di eciko gi be, “Kur iotunu kakame jo kalikame Iyudayan tie iye, doko da kur idonyunu i bomba moro me Josamaria,

Matayo 11:18

Pien Yokana bin obino di likame ecamo, kede di likame emato gimoro kame mero jo, do jo oko waco be etie kede jwogi.

Matayo 12:24

Do kakame Iparisayon owinyo kede gikame Yesu otimo, gin kiko waco be, “Dano ni riamo jwogi kede twer kowok kibut Belsebul, ngadwong me jwogi.”

Matayo 12:31

Pi mano, awaco ne wu be, kobino sasiro jo ki dub dedede kede acae i kom Rubanga, do dano kame waco kop me acae i kom Tipo Kacil likame kobino sasiro en.

Matayo 15:7

Wun joecuke! Isaya bin omurao kop me ateni i komu di ewaco be,

Yokana 1:19

Man en kop me ijura kame Yokana bin omio i kare kame Iyudayan ocwao kede josaseredoti kede Jolebi ki Yerusalem pi penye be, “In en ngai?”

Yokana 10:20

Jo atot kikom gi owaco be, “Lono tie kede jwogi, doko epoi da; pinyo komio iwinyunu kop mere?”

Yokana 13:13

Wun ilwonganu be Apwony kede be Rwot; ebo, mano tie kakare, pien ango inonono.

Yokana 4:9

Dako Ngasamaria nono oko penye be, “Twerere benyo in Ngayudaya penyo pii me amata kibut ango dako me Samaria?” Pien bin Iyudayan likame nywako kede Josamaria.

Yokana 7:20

Jo oko dwoko be, “In itie kede jwogi! Ngai kame tie mono neki?”

Yokana 8:22

Di do Iyudayan oko waco be, “Icuo ni mam bino nekere kene komio ewaco be, ‘Kakame ango atie ot iye wun likame itwerunu bino iye’?”

Yokana 8:52

Iyudayan oko waco ne be, “Nan wan otieko ngeno do be, ateteni in itie kede jwogi. Aburaam oto bala bin inabin da, do doko di in itie waco be, ‘Ngat kame yei kop na likame ebino bilo to.’

Joroma 15:3

Pien Kirisito bin likame oyomo cunye kene, bala kite kame kowandiko kede be, “Ayet kame jo oyeti kede opoto i koma.”

Iburanian 13:13

Pi mano, wada ootunu bute ooko kunono di okounu nywako kede en ayet kame en ekanyakino.

Yakobo 2:19

In iyei be Rubanga tie acel; mano itimo ber. Akadi jwogi da yei kamanono, doko di kom gi miel amiela.