Yokana 8:46 - Baibuli I Leb Kumam 2013

⁴⁶ Ngai kikom wu kame karuno nyuto dub kame ango atimo? Do pinyo komio ka ango awaco ne wu kop me ateni likame iromunu yei ango?

Yokana 8:46 Iomraidhean Croise

Matayo 21:25

Akarunikin kame bin Yokana batiso kede jo oudo owok ki malo arabo kibut jo?” Gin kiko cako piem ken gi ken gi be, “Ka owacunu be, ‘Ewok ki malo,’ en ebino waco ne wa be, ‘Do pinyo komio likame ikounu yei en?’

Marako 11:31

Gin kiko cako piem ken gi ken gi be, “Odwokenu benyo? Ka owacunu be, ‘Ewok ki malo’, en ebino penyo wa be, ‘Do pinyo komio likame ikounu yei en?’

Yokana 14:30

Ango likame doko nan abino duro kope, pien ngapug piny ni do tie bino. En eli kede twer moro i koma,

Yokana 15:10

Ka igwokunu cik na, ibinunu dong i amara na, bala kite kame ada agwoko kede cik ka Papa na di ako dong i amara mere.

Yokana 16:8

Kame etuno, en ebino mino jo me piny kan bedo kede niang aber i kom kop kame mako dub kede poore kede ngolo kop:

Yokana 18:37

Pilato oko penye be, “Mam in do abaka?” Yesu oko dwoko be, “In iwaco be ango abaka, ango oudo konywala pi kop noni, doko kop noni da en komio ango abino i piny, me wek abed ijura i kom gi me ateni. Ngat acelacel kame tie i ateni winyo dwana.”

Yokana 8:47

Ngat kowok kibut Rubanga winyo kope ka Rubanga; wun likame iwinyunu kope kame ango awaco ne wu, pien wun likame iwokunu kibut Rubanga.”

Yokana 8:7

Kakame gin kimeede kede pepenyo Yesu, en eko kiar di eko waco ne gi be, “Wek ngatamoro kikom wu kalikame tie kede dub moro bed dano me agege me uco kidi i kom dako no.”

2 Jokorinti 5:21

Rubanga omio Kirisito ngat kame oudo li kede dub onywako dub wa pirwa, tetekeny odokunu jo kopoore i nyim Rubanga pi Kirisito.

Iburanian 4:15

Pien likame wan otienu kede Ngatel Josaseredoti kalikame kisa twero mako i kom wa pi goro wa, do en etie ngat kame kotamo i yote dedede bala wada, do di likame en eko dubo.

Iburanian 7:26

Pien oudo etie gikame poore, pi wan bedo kede Ngatel Josaseredoti kacal kamanoni, en ebedo ngat kacil, kame li kede raco moro arabo dub moro, kame kopoko tenge kibut jodubo di oko tinge kotere malo.

1 Petero 2:22

En bin likame etimo dub moro; kop moro me abe da likame owok ki doge.