Yokana 8:44 - Baibuli I Leb Kumam 2013

⁴⁴ Papa wu en Sitani, doko cunyu mito timo gikame papa wu mito. Cako i kare me agege en ebedo nganek, doko likame ecungo i ateni, piento en eli kede ateni. Kame etie ngalo, udo etie waco gikame enao timo, piento en ebedo ngat kame ngaangalo, doko en won angalo.

Yokana 8:44 Iomraidhean Croise

Ageini 3:15

Abino mino ading bedo tie i diere nin kede dako, kede i diere me ikwae nin kede mege; gin kibino nyonyoto wii, ida ibino totongo atitinyo gi.”

1 Abakai 22:22

“Rwot oko penye be, ‘Ibino ngale benyo?’ “En eko dwoko be, ‘Ango abino ot di ako mino inabin ka Akab ngale.’ “Di Rwot oko waco be, ‘Oti ingale; manono bino twerere.’ ”

1 Iyutun 21:1

Sitani bin oko mito kelo can i kom jo Isirael, di en eko supo Daudi be emar wel me jo Isirael.

Yobu 1:11

Do ka nan in icwao cingi di iko kwanyo gi dedede kame en etie kede, en ebino waco kope areco i komi i wangi.”

Matayo 12:34

Wun idwe me twole! Ikarununu yamo kope abeco benyo benyo do di wun ibedunu jo areco? Pien dog dano waco gikame opong i cunye.

Matayo 13:15

Pien wi gi odoko pek, kede kiculo yit gi da kur winy kop, doko kimio wang gi da; ka koto oudo likame kamanono, koto wang gi okaruno neno, doko yit gi koto owinyo, kede koto wi gi da oniang, di kiko lokere buta di ango ako cango gi.’

Matayo 13:38

poto en piny, kodi abeco en jo kame tie i Ajakanut ka Rubanga, doi en jo ka Ngarac.

Yokana 6:70

Yesu oko dwoko ne gi be, “Mam ango en kame ayero wu, wun jo tomon kiwie are? Do di ngat acel kikom wu obedo Sitani.”

Yokana 7:17

Ka ngatamoro tie kede mit me timo gikame Rubanga mito, ebino ngeno ka pwony na owok kibut Rubanga arabo ka ango atie yamo i akarunikin nango kena.

Yokana 8:38

Ango awaco ne wu gikame aneno kibut Papa na, do wun itimunu gikame iwinyunu kibut papa wu.”

Yokana 8:41

Wun itienu timo gikame papa wu bin otimo.” Gin kiko waco ne be, “Wan likame nywal me epae; wan otie kede Papa wa acel, en Rubanga.”

Yokana 8:55

Wun likame ingeunu en, do ango angee. Ka koto oudo awaco be likame angee, koto abedo ngat kame ngalo bala wun. Do ango angee doko alubo kop mere da.

Tice 13:10

di eko waco ne be, “In nywal me Sitani, in ngakwor me gi kopoore dedede, ipong kede angalo kede tim areco, mam in likame ibino weko gogomo yongayo koriere ka Rwot?

Tice 24:9

Iyudayan oko donyo i pido nono di kimoko be kope nogo tie kamanono.

Tice 5:3

Do Petero oko penye be, “Anania, pinyo komio iyei ne Sitani odonyo i cunyi pi mini ngalo Tipo Kacil, di iko kano dul me sente kame in oudo icato kede lobo?

2 Jokorinti 11:3

Do ango atie kede lworo be, bala kame twol riki ongalo kede Keba kede rieko mere, wuda kobino pacaro tam wu tenge di ikounu weko keto cunyu i maro Kirisito i ateni.

1 Petero 5:8

Bedunu di wi wu riek kede di ikiunu piny. Ngakwor wu Sitani tie wire bala engu kame dorano, di emo ngatamoro ecamaro.

2 Petero 2:4

Pien Rubanga bin likame oweko aweka imalaikan i kare kame bin kidubo kede, do euco gi i mac kalikame to di eko dilo gi i bur acol cucucuc, pi daro gi ki kuno tuno i ceng me ngolo kop.

1 Yokana 1:8

Ka wan owacunu be oliunu kede dub, udo wan ongalerenu kenwa, doko udo oliunu kede ateni.

1 Yokana 2:21

Ango awandiko man butu, likame pien wun ikwianu ateni, do pien wun ingeunu ateni, doko ingeunu be likame tie angalo moro kame wok ki ateni.

1 Yokana 2:4

Ngat kame waco be, “Ango atieko ngene,” do di likame elubo cik mege, udo en enga angalo, doko udo eli kede ateni.

1 Yokana 3:12

Miero wan kur obedunu bala Kain ngat kame bin obedo atin me Ngarac, di en eko neko omin mere. Pinyo komio bin en eneko omin mere? Pien tice mege oudo reco do tice ka omin mere oudo opoore.

1 Yokana 3:15

Jo dedede kame dagi imiegu kede amiegu gi obedo jonek, doko da wun ingeunu be jonek likame tie kede kuo kame bedo nakanaka i kuo gi.

Yuda 1:6

Doko imalaikan kame bin okalamo wang loc gi, di kiko weko kabedo gi, Rubanga otweo gi kede irikoi pi ikar kede ikar kakacol cucucuc, pi kuro Ceng adwong kame kobino ngolo iye kop.

Gianyuta 12:9

Di oko uco twon twol kiyiliyili nono piny, twol me anakacia nono, kame kolwongo be Sitani, ngat kame ngalo jo dedede me piny. Bin oko uce piny i lobo, en karacel kede imalaikan mege.

Gianyuta 13:14

Di en eko ngalo jo kame bedo i wi lobo kede gianena kame oudo koyei ne timo i nyim le me agege nono; en ewaco ne gi timo cal kame nyuto wor but le nono, le kame oudo kowano kede epima do en eko dong di ekuo.

Gianyuta 2:10

Kur ilworunu can kame iyapununu beo iye. Nenunu, Sitani oyapuno mino korwako jo mogo kikom wu i otkol, tetekeny kotamu di ikounu bedo kede peko pi ceng tomon. Bedunu jo kame genere tuno i to, di ango ako bino mino wu kuo bala giamia pi lono.

Gianyuta 21:8

Do jo kame lwor, jo kame yei gi opoto, jo kame omunaun, jonek, jocaro, jojwogi, jo kame woro cal jwogi, kede joangalo dedede, kabedo gi bino bedo nam kame liel mac kede salupa, en to me are.”

Gianyuta 22:15

Ooko me bomba tie iye jo kame cal bala igwogin kede jojwogi, jocaro, jonek kede jo kame woro cal jwogi, kede jo dedede kame maro kede kame timo tim me angalo.

Gianyuta 9:11

Malaika kame lo bur atut wiriwir en kame oudo obedo abaka gi. Nyinge i leb Eburania en Abadon, do i leb Gurik kolwonge be Apoliyon.