Yokana 8:38 - Baibuli I Leb Kumam 2013

³⁸ Ango awaco ne wu gikame aneno kibut Papa na, do wun itimunu gikame iwinyunu kibut papa wu.”

Yokana 8:38 Iomraidhean Croise

Matayo 3:7

Do kakame bin Yokana oneno kede Iparisayon kede Isadukayon atot di kitie bino pi udo batisimu, en eko waco ne gi be, “Wun idwe me twole! Ngai ber kokwenyaro wu be iringunu tenge ki lilo ka Rubanga kame tie bino?

Yokana 14:10

Benyo, in likame iyei be ango atie i Papa doko Papa da tie i ango? Kope kame ango awaco ne wu likame ango awaco ne wu i akarunikin nango kena, do Papa kame tie i ango en kame timo tice mege.

Yokana 14:24

Ngat kalikame mara, udo likame elubo kope na; doko kope kame wun iwinyunu go likame gin mega, do gin kiwok kibut Papa ngat kame oora.

Yokana 17:8

pien ango atieko mino gi kop kame in bin imia, doko gin kiko yei gamo. Doko nan kingeo i ateni be, ango awok ki buti, doko kitieko yei da be in en kame iora.

Yokana 3:32

En ejurao gikame eneno kede kame ewinyo, do likame tie ngatamoro kame yei ijura kame en emio.

Yokana 5:19

Yesu oko waco ne gi be, “Ateteni, ateteni ango awaco ne wu be, Wod likame timo gimoro kede mit mere kene, do etimo gikame eneno di Papa mere timo kenekene; pien gikame Papa timo dedede, etimo tetekeny Wode da tim kamanono.

Yokana 5:30

“Likame tie gikame atwero timo i akarunikin nango kena. Ango angolo kop bala kame kowaco na kede; ngolo kop nango tie me ateni; pien likame udo ango alubo mit na, do ango alubo mit me ngat kame oora.

Yokana 8:26

Atie kede kope atot me ayama i komu, kede gi atot kame apoore waco ne wu raco iye; do ngat kame oora tie kede ateni, doko ango atie waco ne jo me piny gikame ango awinyo kibute.”

Yokana 8:41

Wun itienu timo gikame papa wu bin otimo.” Gin kiko waco ne be, “Wan likame nywal me epae; wan otie kede Papa wa acel, en Rubanga.”

Yokana 8:44

Papa wu en Sitani, doko cunyu mito timo gikame papa wu mito. Cako i kare me agege en ebedo nganek, doko likame ecungo i ateni, piento en eli kede ateni. Kame etie ngalo, udo etie waco gikame enao timo, piento en ebedo ngat kame ngaangalo, doko en won angalo.