Yokana 8:28 - Baibuli I Leb Kumam 2013

²⁸ Di do Yesu oko waco ne gi be, “Ka itiekunu kiarao Wot ka dano i kom musalaba, ibinunu ngeno be ango inononi, kede be likame ango atimo gimoro i akarunikin nango kena, do ayamo gikame Papa opwonya iye.

Yokana 8:28 Iomraidhean Croise

Yai 3:14

Rubanga oko waco be, “ANGO EN ANGO. Aso, in oti iwace jo me Isirael be, ‘ANGO ATIE ocwaa butu.’

Matayo 24:5

Pien jo atot oyaro bino i nyinga di kiwaco be, ‘Ango en Kirisito,’ di gin kiko bino rwenyo jo atot.

Marako 13:6

Jo atot oyaro bino i nyinga di kiwaco be, ‘Ango en Kirisito!’ Di gin kiko bino rwenyo jo atot.

Luka 21:8

Yesu oko waco ne gi be, “Gwokerenu me wek kur rweny wu. Pien jo atot oyaro bino i nyinga di kiwaco be, ‘Ango en Kirisito!’ kede da be, ‘Kare otieko do tuno!’ Do kur iyeunu lubo gi.

Yokana 11:42

Ango oudo angeo be in nakanaka iwinya, do ango atie yamo man pi jo kame nan tie cungo kan gi, tetekeny gin kiyei be in en kame iora.”

Yokana 13:19

Nataman ango awaco ne wu di pwodi likame etimere, tetekeny ka etimere do, wun ibinunu yei be ango en inonono.

Yokana 16:10

i kom kop kame mako poore, pien ango atie ot but Papa, doko likame ibinunu medo nena;

Yokana 18:32

(Man otimere pi mino kop kame Yesu oudo owaco cobere kakare, pi nyuto epone kame eyaro to kede.)

Yokana 19:18

Gin kiko gure kuno i kom musalaba karacel kede jo are apat; ngat acel tetucel kede ocelu da tetucel, di Yesu oko bedo i diere gi.

Yokana 3:11

Ateteni, ateteni awaco ni be, wan oyamo kop i kom gikame ongeo, kede gikame oneno; do in idagi yei ijura kame wan omio.

Yokana 3:14

“Bala kite kame bin Musa okiarao kede twol i tim, kobino kiarao Wot ka dano da malo kamanono,

Yokana 4:26

Yesu oko waco ne be, “Ango inononi kame atie yamo kedi.”

Yokana 5:19

Yesu oko waco ne gi be, “Ateteni, ateteni ango awaco ne wu be, Wod likame timo gimoro kede mit mere kene, do etimo gikame eneno di Papa mere timo kenekene; pien gikame Papa timo dedede, etimo tetekeny Wode da tim kamanono.

Yokana 5:30

“Likame tie gikame atwero timo i akarunikin nango kena. Ango angolo kop bala kame kowaco na kede; ngolo kop nango tie me ateni; pien likame udo ango alubo mit na, do ango alubo mit me ngat kame oora.

Yokana 6:38

Pien ango abino ki malo, likame pi timo gikame ango amito, do pi timo gikame ngat kame oora mito.

Yokana 8:24

Ango oudo awaco ne wu be ibinunu to i dub wu, doko ibinunu to i dub wu, kwanyo ka iyeunu be ango inononi.”

Yokana 8:27

Gin oudo likame kiko niang be Yesu oudo owaco ne gi kop kame mako Papa.

Yokana 8:58

Yesu oko waco ne gi be, “Ateteni, ateteni awaco ne wu be, di pwodi Aburaam oudo li, ango oudo atie.”

Tice 2:41

Ceng nono, oko batiso jo kame bin owinyo kop mere di kiko yei, di wel me jokirisito ceng nono oko meede kede jo aromo tutumia adek.

Tice 4:4

Do jo atot oko yei ingei winyo kop kame Petero kede Yokana opwonyo, di wel me cuo koyei oko romo bala tutumia kany.

Joroma 1:4

I kom kop kame mako en bedo dano kacil kowok kibut Rubanga, konyute kede twon twer be en Wot ka Rubanga pi yaruno mere ki to.

Iswilia 18:18

Ango abino cwano negi enabi kame cal bala in, kame bino wok ki diere me jo gin; ango abino keto kope na i dog enabi nono, di en eko bino yamo ne jo gi dedede kame ango acike iye.