Yokana 8:19 - Baibuli I Leb Kumam 2013

¹⁹ Pi mano, gin kiko waco ne Yesu be, “Ani bo Papa ni?” Yesu oko dwoko ne gi be, “Wun likame ingeanu, akadi ngeno kiton Papa na da. Koto di oudo ingeanu, oudo koto ingeunu kiton Papa na da.”

Yokana 8:19 Iomraidhean Croise

Yeremia 22:16

En oudo engolo kop kiber ne jocan kede jo kame piny oloo, di gi dedede oko bedo nen kiber. Mam manono en ngeno Rwot?

Yeremia 24:7

Ango abino mino gi cuny me mito ngeno be ango en Rwot; gin kiko bino bedo jo na di ango ako bedo Rubanga gi, pien gin kibino dwogo buta kede cuny gi dedede.

Matayo 11:25

Iesawa nono Yesu oko waco be, “Apwoyi, Papa, Rwot me malo kede me lobo, pien in ikano gigi kibut jorieko kede jo aniang, di iko nyuto gi ne idwe atino.

Yokana 1:10

En oudo etie i piny, doko oko cweno piny pi en, di jo me piny likame oko ngene.

Yokana 1:18

Likame tie dano kame otieko neno Rubanga, do kwanyo Rubanga Wod acel kenekene, kame bedo iyapiyapi kede Papa, en ngat kame omie engere.

Yokana 15:21

Do kibino timo ne wu gi nogi dedede pi ango, pien likame gin kingeo ngat kame oora.

Yokana 16:3

Kibino timo man pien likame kingeo Papa arabo ango.

Yokana 17:3

Kuo kame bedo nakanaka en ine be, wek gin kingei in Rubanga acel keni me ateni, kede Yesu Kirisito ngat kame in ioro.

Yokana 7:28

Yesu oko waco ne gi bala kite kame oudo epwonyo gi kede i tempulo be, “Benyo, ateteni iparunu be ingeanu, doko ingeunu kakame ango awok kiye? Do ango likame abino pi mit na kena; ngat kame oora tie kede ateni, doko wun likame ingeenu.

1 Jokorinti 15:34

Miunu wi wu cei di ikounu jiko dubo, pien jo mogo kikom wu likame tie kede ngec i kom Rubanga. Lewic poore mako wu kame awaco kamanoni.

Jogalatia 4:9

Do bala kite kame nataman itiekunu ngeno kede Rubanga, arabo awac be Rubanga otieko ngeno wu, benyo benyo kame idokunu kede bobo but tipere kame goro kede kame jocan, kame pugo piny? Benyo bo komio imitunu bobo bedo ipasoi gin?

Joepeso 1:17

Ango akwao be, Rubanga ka Rwot wa Yesu Kirisito, Papa won deyo mi wu Tipo me rieko kede me nyutere ka Rubanga, pi mino wu ngene odocon,

Jokolosai 1:10

Man bino mino ibedunu kede kuo kopoore i nyim Rwot, kame yomo cunye atwal, di inyakunu anyakini i tice dedede kame beco kede di ngec wu i kom Rubanga meede.

Jokolosai 1:15

Kirisito en cal ka Rubanga ngat kalikame neeno, en kao me cwec dedede.

Iburanian 1:3

En kame enyuto deyo ka Rubanga, doko da en kame ebedo cal me kuo ka Rubanga kikokome. Kop mere kame tie kede twer en kame mio gi dedede bedo tie iepone kame nataman kitie kede. Kakame etieko lonyo kede jo ki dub, en eko bedo i bad tetu cam ka Rubanga won Twer Adwong.

1 Yokana 2:23

Likame tie ngatamoro kame dagi Wod di en eko mito Papa; jo dedede kame yei Wod mito Papa da.

1 Yokana 5:20

Wan ongeunu be Wot ka Rubanga otieko bino, doko etieko mino wa niang, tetekeny ongeunu en ngat kame etie me ateni; doko wan otienu i en ngat kame tie me ateni, en Wode Yesu Kirisito. En ebedo Rubanga me ateni, doko en ebedo kuo kame bedo nakanaka.

2 Yokana 1:9

Ngatamoro kalikame dong i pwony ka Kirisito, do en etarasar kede mere kalamo, udo likame etie kede Rubanga i cunye. Do ngat kame dong i pwony nono udo Papa kede Wod tie i cunye.