Yokana 8:14 - Baibuli I Leb Kumam 2013

¹⁴ Yesu oko dwoko be, “Akadi bed bala ango ajurere kena, do ijura na tie kop me ateni, pien ango angeo kakame ango awok kiye kede kakame atie ot iye. Do wun likame ingeunu kakame ango awok kiye arabo kakame atie ot iye.

Yokana 8:14 Iomraidhean Croise

Agole 8:7

Doga bino waco gi me ateni; kope me abe tie bala gi me kwer buta.

Wel 12:3

Aso, icuo anyinge Musa oudo obedo dano amwol adikinicel, en oudo emwol kalamo jo dedede me wi lobo.

Yokana 10:15

bala kite kame Papa ngea kede, doko ada angeo Papa. Ango ayei rwenyo kuo na pi romini.

Yokana 10:36

benyo, itwerunu waco ne ngat kame Rubanga opoko tenge di eko ooro i piny be, ‘In itie cano Rubanga,’ be pien ango awaco be, ‘Ango Wot ka Rubanga?’

Yokana 13:3

Yesu oudo ngeo be Papa otieko mino jame dedede i cinge, kede da be en ewok kibut Rubanga doko etie dok but Rubanga.

Yokana 14:10

Benyo, in likame iyei be ango atie i Papa doko Papa da tie i ango? Kope kame ango awaco ne wu likame ango awaco ne wu i akarunikin nango kena, do Papa kame tie i ango en kame timo tice mege.

Yokana 16:28

Ango bin awok kibut Papa di ako bino i piny; nan bobo atie weko piny di ako dok but Papa.”

Yokana 17:8

pien ango atieko mino gi kop kame in bin imia, doko gin kiko yei gamo. Doko nan kingeo i ateni be, ango awok ki buti, doko kitieko yei da be in en kame iora.

Yokana 18:37

Pilato oko penye be, “Mam in do abaka?” Yesu oko dwoko be, “In iwaco be ango abaka, ango oudo konywala pi kop noni, doko kop noni da en komio ango abino i piny, me wek abed ijura i kom gi me ateni. Ngat acelacel kame tie i ateni winyo dwana.”

Yokana 5:31

“Ka ango amio ijura i koma kena, udo kop me ijura na likame tie me ateni;

Yokana 8:42

Yesu oko waco ne gi be, “Koto Rubanga en Papa wu, oudo koto imaranu, pien ango awok kibut Rubanga; likame ango abino i mit na kena, do en kame eora.

2 Jokorinti 11:31

Rubanga Papa ka Rwot Yesu, en ngat kame kopako nyinge nakanaka, ngeo be ango likame atie ngalo.

2 Jokorinti 12:11

Ango angamingo! Wun en idianu iye, pien wun en kame oudo ipoorenu nyuto pwoc wu pira. Pien likame ango atie piny me jo kame wun ilwongunu be joor adongodongo nogo, akadi di ango gimoro li.

2 Jokorinti 12:19

Benyo, oudo wun ibedunu paro pi kare go dedede be wan otie jurere kenwa i nyimu? Wan obedo yamo i nyim Rubanga i Kirisito. Jo na kame amaro, gi dedede kame wan otimo, otimo gi pi gero yei wu.

Gianyuta 1:5

kede kibut Yesu Kirisito mujura kame genere, atin kao me iyarun kikom jo oto, doko ngat kame pugo abakai me lobo kan. En emaro wa, doko remo mere otieko gonyo wa ki dub wa

Gianyuta 3:14

“Wandiko but malaika me ekodet me jokirisito kame tie Laodikia be: “Magi en kop kowok kibut Amen, mujura me ateni kame genere, ngat kame gi dedede kame Rubanga ocweo ocakere kibute.