Yokana 8:12 - Baibuli I Leb Kumam 2013

¹² Yesu bobo oko waco ne gi be, “Ango en lero me piny; ngat kame luba likame bino ot di etie i colo, do ebino bedo kede lero me kuo.”

Yokana 8:12 Iomraidhean Croise

Yobu 33:28

En etieko lako kuo na likame abino donyo i ates, do abino meede bedo kuo.’

Sabuli 18:28

Rwot in en kame imiango lero; Rwot, Rubanga na menyo colo kame ango atie iye.

Sabuli 49:19

gin kibino ot nywako kabedo kede joakwari gi, di likame bobo kiko bino neno lero atwal.

Sabuli 97:11

Lero yabere ne jo kopoore, kilel da ne jo kame cuny gi ber.

Isaya 49:6

Rwot oko waco be, “Ngatic na, ango atie mini tic atek. Likame ibino kenekene dwoko bero ne jo me Isirael kame pwodi odong kuo, do ango abino da mini ibedo lero but atekerin, tetekeny in iter alako na i wi lobo lung.”

Isaya 50:10

Alu kikomu kame lworo Rwot di kilubo timo gikame ngatic gi waco? Mito wun jo kame iotunu ki piny acol, jo kame lero li ne gi, iketunu gen wu i kom Rwot doko igongerenu but Rubanga wu.

Isaya 9:2

Jo kame oudo bedo i colo otieko neno twon lero. Jo kame oudo bedo i lobo acol cucucuc lero otieko caro gi.

Kosea 6:3

Mito oketunu teko ngeno Rwot. En ateteni ebino bino but wa bala ru me piny kame miero timere; bino mere bino dwoko cuny wa bala kot me agege kame bino di eko bido piny.”

Malaki 4:2

Do pi wun jo kame wora, twer me alako na bino rieny i komu bala ceng, di ebino kede cango bala asara me ceng. Ibinunu sosomo pi yomcuny bala roce kame kogonyo ki awi.

Matayo 5:14

“Wun itienu bala lero ne jo me piny. Bomba kame kogero i wi emukura likame kanere.

Luka 2:32

en lero kame nyuto mit nin but jo kalikame Iyudayan, kede kame kelo deyo but jo ni me Isirael.”

Yokana 12:35

Kikano Yesu oko waco negi be, “Lero pwodi tie kede wu pi kare moro acecek, miero iotunu di pwodi lero tie kede wu, tetekeny kur colo nguk wu; pien dano kame tie ot i colo likame ngeo kakame etie ot iye.

Yokana 12:36

Wun miero do iyeunu lero, di nan pwodi etie kede wu, tetekeny ibedunu idwe me lero.” Ingei yamo kope go, Yesu oko yai di eko ot pwono ne gi.

Yokana 12:46

Ango abino i piny bala lero, tetekeny ngat kame yei ango kur dong di etie i colo.

Yokana 14:6

Yesu oko dwoko ne gi be, “Ango en yongayo, ateni kede kuo; likame tie ngatamoro kame bino but Papa di likame ebeo kibuta.

Yokana 3:19

Ngolo kop en ine be, lero otieko bino i piny, do jo oko maro colo akaka lero, pien tice gi oudo reco.

Yokana 7:17

Ka ngatamoro tie kede mit me timo gikame Rubanga mito, ebino ngeno ka pwony na owok kibut Rubanga arabo ka ango atie yamo i akarunikin nango kena.

Yokana 9:5

Kame ango pwodi atie i piny, udo ango abedo lero me piny.”

Tice 13:47

Kop noni en komio Rwot ociko wan di ewaco be, “‘Ango atieko yero wu pi bedo lero but jo kalikame Iyudayan, tetekeny imiunu alako tuni i ajikini me lobo.’ ”

Tice 26:23

Gin oudo kiwaco be Kirisito miero bei i can, kede be, kite kame en ebedo kede dano me agege me yaruno kikom jo oto, ebino pwonyo kop me lero ne Iyudayan kede ne jo kalikame Iyudayan.”

2 Petero 2:17

Jo nogi cal bala ataneko kotuo, kede ekuna kame yamo buko; kotieko iiko ne gi kabedo acol cucucuc.

2 Petero 2:4

Pien Rubanga bin likame oweko aweka imalaikan i kare kame bin kidubo kede, do euco gi i mac kalikame to di eko dilo gi i bur acol cucucuc, pi daro gi ki kuno tuno i ceng me ngolo kop.

1 Yokana 1:6

Aso ka wan owacunu be wan onywakunu kede en, do di otienu i colo udo ongalunu, doko udo likame otienu timo gi me ateni.

Yuda 1:13

Kical bala ebuka ager me nam, kinyuto lewic gi kakaler bala buo. Gin kical bala acer kame rimo, kame Rubanga otieko iiko ne gi kabedo me nakanaka kakacol cucucuc.

Yuda 1:6

Doko imalaikan kame bin okalamo wang loc gi, di kiko weko kabedo gi, Rubanga otweo gi kede irikoi pi ikar kede ikar kakacol cucucuc, pi kuro Ceng adwong kame kobino ngolo iye kop.

Gianyuta 21:24

Atekerin dedede bino bedo i lero mere, kede abakai me wi lobo bino tero deyo gi iye.