Yokana 7:43 - Baibuli I Leb Kumam 2013

⁴³ Jo oko bedo kede tam opopokun i kom Yesu.

Yokana 7:43 Iomraidhean Croise

Matayo 10:35

Ango abino pi kelo kwor i diere me awobi kede papa mere, i diere me nyako kede toto mere, i diere me dako kede daa mere,

Luka 12:51

Iparunu be ango abino pi kelo mulem i lobo? Awaco ne wu be li gire, kom ango akelo apokapoka.

Yokana 10:19

Kope nogi bobo oko mino tam me Iyudayan opokere.

Yokana 7:12

Jo oudo tie kede ingungur adwong i kome. Jo mogo oudo waco be, “En dano aber,” do jo ace waco be, “Li, en kom etie rwenyo jo.”

Yokana 9:16

Iparisayon mogo oko waco be, “Icuo ni likame owok kibut Rubanga, pien likame eworo Iswil me Sabato.” Do jo mogo oko waco be, “Ngat kame tie ngadubo karuno timo epone me gianena gi benyo benyo?” Tam gi oko popokun.

Tice 14:4

Jo me bomba nono bin oko pokere: mogo opokere but Iyudayan, mogo but joor.