Yokana 7:42 - Baibuli I Leb Kumam 2013

⁴² Mam iwandik kacil waco be Kirisito en akwar Daudi, doko ebino wok ki Betelem, en paco kame Daudi bin bedo iye?”

Yokana 7:42 Iomraidhean Croise

1 Iyutun 2:51

Salama wode me are en oudo papa me Betelem; kede Kerep wode me adek en oudo papa me Betegader.

Sabuli 132:11

Rwot okwongo but Daudi ikwong me ateni, kalikame doko eromo loko tam mere kiye: “Abino mino ngat acel kikom awobe ni bedo i kom nin me ajakanut.

Sabuli 89:4

‘Abino mino ikwae ni bedo tie nakanaka, di ako bino mino ajakanut ni bedo tie i kare lung.’ ”

Isaya 11:1

Bala kame isiki lot kede, kamanono da abaka anyen bino wok ki ekeko ka Yese.

Yeremia 23:5

Rwot waco be, “Ateteni kare bino tuno kame ango abino yero kede dano kopoore kobedo akwar Daudi pi bedo abaka; en ebino pug kede rieko, di etimo gikame tie kakare kede me ateni i lobo mere.

Mika 5:2

Rwot waco be, “In Betelem Epurata, in en bomba acel kikom bomban atitino twatwal me Yuda, do ango abino yero ngapug me Isirael kibuti, ngapug kame diakal kame kobino nywale iye wapere paka tuno i kare kasek.”

Matayo 1:1

Man en nying joakwari ka Yesu Kirisito, ngat kobedo akwar Daudi kede Aburaam.

Matayo 2:5

Gin kiko dwoko ne be, “Koyaro nywale i bomba me Betelem i piny me Yudea; pien enabi bin owandiko be,

Matayo 2:6

“‘Wun jo me Betelem, i piny me Yuda, bomba wu pire dwong i dier bomban apat kame tie i piny me Yuda; pien ngatel bino wokun ki diere wu, kame bino bedo ngakwat me jo na me Isirael.’ ”

Luka 2:11

pien tin konywalo ne wu Ngalak i Bomba ka Daudi, en Kirisito Rwot.

Luka 2:4

Yosepu da oko yai ki bomba me Nasaret kame tie i piny me Galilaya, en eko ot i Bomba ka Daudi kame kolwongo be Betelem, kame tie i piny me Yudea, en kakame oudo bin konywalo iye Abaka Daudi. En bin eoto kuno pien oudo eda ebedo akwar Daudi.

Yokana 7:27

Wan ongeo kakame icuo ni owok kiye; do kame Kirisito obino, likame tie dano kame bino ngeno kakame ewok kiye.”

1 Samuel 16:1

Rwot oko waco ne Samuel be, “In iyaro parere pi Saulo pi kare arom amene? Ango atieko dage pi bedo abaka me Isirael. Ket mo me olibeti i tung diang di iko yai ot Betelem, but icuo moro anyinge Yese, pien ango atieko yero wode acel pi doko abaka.”

1 Samuel 16:18

Ngatic acel oko waco be, “Ango atieko neno awobi wot ka Yese me Betelem, kame ngeo goc twatwal. En ebedo dano kame okuko, ngayi, etie kede diru me yamo, doko ecil; Rwot tie kede.”

1 Samuel 16:4

Samuel oko timo gikame Rwot owaco ne di eko ot Betelem. Joadongo me bomba oko ot pi siramo en di kom gi miel di kipenye be, “Bino ni noni tie me mulem?”

1 Samuel 17:58

Saulo oko penye be, “Awobi, in ibedo wot ka ngai?” Daudi oko dwoko ne be, “Ango abedo wot ka ngatic ni Yese, dano me Betelem.”