Yokana 7:33 - Baibuli I Leb Kumam 2013

³³ Yesu oko waco be, “Abino medo bedo kede wu pi kare moro acecek, di do ako ot but ngat kame oora.

Yokana 7:33 Iomraidhean Croise

Marako 16:19

Di do bin Yesu Kirisito otieko yamo kede josiao mege, oko do tere malo di en eko bedo i bad tetu cam ka Rubanga.

Yokana 13:1

Manoni en oudo ceng kame ru ceng me camo Ebaga me Kalamo. Yesu oudo ngeo be esawa mere do otieko tuno me yai ki piny kan pi ot but Papa. En oudo emaro jo mege kame tie i piny kan, doko da eko maro gi tuno i ajikini.

Yokana 13:3

Yesu oudo ngeo be Papa otieko mino jame dedede i cinge, kede da be en ewok kibut Rubanga doko etie dok but Rubanga.

Yokana 13:33

Idwe na, ango likame abino bedo kede wu pi kare alac. Ibinunu mona, do bala kite kame oudo awaco ne kede Iyudayan, iepone nono da, nan ango awaco ne wuda be, ‘Wun likame itwerunu bino kakame ango ayaro ot iye.’

Yokana 14:12

“Ateteni, ateteni awaco ne wu be, ngat kame yei ango ebino eda timo tice kame ango atimo; doko en ebino timo tice kame dongodongo kalamo mago, piento ango ayaro ot but Papa na.

Yokana 14:19

Odong kare acecek di jo me piny ni likame bobo ko bino nena, do wun ibinunu nena; pi kite kame ango akuo kede, wuda ibinunu bedo kuo.

Yokana 14:28

Pien wun itiekunu winyo di ango awaco ne wu be, ‘Ango atie ot, do abino dwogo butu.’ Ka koto oudo imaranu, koto nan wun itienu kilel pi kite kame ango atie ot kede but Papa; pien Papa dwong loa.

Yokana 16:10

i kom kop kame mako poore, pien ango atie ot but Papa, doko likame ibinunu medo nena;

Yokana 16:28

Ango bin awok kibut Papa di ako bino i piny; nan bobo atie weko piny di ako dok but Papa.”

Yokana 16:5

Ango nan atie ot but ngat kame bin oora, do di likame tie ngatamoro kikom wu kame penya be, ‘Itie ot tuai?’

Yokana 17:11

Do nan ango likame bobo abino meede bedo i piny; gin en kame kitie dong i piny; ango atie bino but in. Papa Kacil, gwok gin kede twer me nyingi, en nying kame in itieko mina, tetekeny kibed jo acel, bala kite kame ango kede in otie acel.

Yokana 17:13

Do nan ango atie bino buti, ango awaco kope nogi di pwodi atie i piny, tetekeny gin kibed kede kilel na di opong i cuny gi.

Yokana 20:17

Yesu oko waco ne be, “Kur imaka, pien pwodi likame aoto malo but Papa; do ot but imiegu na iko waco ne gi be ango atie ot malo but Papa na, en Papa wu da; but Rubanga na, en Rubanga wu da.”

Yokana 9:4

Wan miero otimunu tice me ngat oora di pwodi ceng tie, iwor bino tuno di ngatamoro likame ko twero tic.