Yokana 7:30 - Baibuli I Leb Kumam 2013

³⁰ Kikano, gin kiko mono make; do likame tie ngatamoro kame oko keto cinge i kome, pien esawa mere oudo pwodi likame otuno.

Yokana 7:30 Iomraidhean Croise

Sabuli 76:10

Gero ka dano lokere doko gikame paki, jo kame obwot ki tice nin me gero bino cokere luki.

Isaya 46:10

Cako i ageini ango awaco kakaler gikame bino timere i ajikini; cako riki sek ango atuco gikame oudo bino timere di pwodi likame kitimere, di awaco be, ‘Iik na likame poto akadi acel, doko abino cobo timo gikame oudo aiko pi timo.’

Matayo 12:14

Do Iparisayon oko ot tenge, kiko poro kop me neke.

Matayo 21:46

Di gin kiko tamo make, do oudo kilworo ekodet me jo, pien jo oudo niang be Yesu en enabi.

Marako 11:18

Kakame jodongo me josaseredoti kede jopwony me Iswil owinyo kede kop noni, kiko cako mono epone me neko Yesu; gin oudo kitie kede lworo i kome, pien ekodet lung oudo ouro pwony mere.

Luka 20:19

Jopwony me Iswil kede jodongo me josaseredoti oko tamo mako Yesu iesawa nono, do kiko lworo jo; pien gin oudo kitieko niang kiber be en oudo eyamo agole noni i kom gin.

Luka 22:53

I kare kame oudo atie kede wu i tempulo ceng dedede, cabo likame ikounu maka. Do man en esawa wu, kede esawa me twer me colo.”

Yokana 10:31

Iyudayan bobo oko kwanyo kide pi mito didipo en kede.

Yokana 10:39

Gin bobo kiko mono mako Yesu, do en eko lwi ne gi.

Yokana 11:57

Jodongo me josaseredoti karacel kede Iparisayon oudo otieko ciko jo be, ka ngatamoro ongeo kakame Yesu tie iye, poore eter kop but gi awakawaka, tetekeny kimake.

Yokana 7:19

Mam bin Musa omio wu Iswilia? Do likame tie ngatamoro kibutu kame gwoko Iswilia nogo. Pinyo bo komio imounu neka?”

Yokana 7:32

Iparisayon oko winyo di ekodet ngunguro i kom Yesu. Jodongo me josaseredoti kede Iparisayon oko cwano isirikalen me tempulo pi make.

Yokana 7:6

Yesu oko waco ne gi be, “Kare nango pwodi likame otuno, do wun itienu kede kare nakanaka.

Yokana 7:8

Wun otunu i ebaga; ango likame ayaro ot i ebaga no, pien kare na pwodi likame otuno.”

Yokana 8:20

En ewaco kope nogi di oudo etie pwony i agola me kano lim i tempulo; do likame ngatamoro oko make, pien esawa mere oudo pwodi likame otuno.

Yokana 8:37

Ango angeo be wun ibedunu ikwae ka Aburaam, do di doko imounu neka, pien idagunu kop na.

Yokana 8:59

Kikano, gin kiko kwanyo kide di kimito didipo en kede; do Yesu gire oko pwono, di eko yai tenge ki tempulo.

Yokana 9:4

Wan miero otimunu tice me ngat oora di pwodi ceng tie, iwor bino tuno di ngatamoro likame ko twero tic.