Yokana 7:28 - Baibuli I Leb Kumam 2013

²⁸ Yesu oko waco ne gi bala kite kame oudo epwonyo gi kede i tempulo be, “Benyo, ateteni iparunu be ingeanu, doko ingeunu kakame ango awok kiye? Do ango likame abino pi mit na kena; ngat kame oora tie kede ateni, doko wun likame ingeenu.

Yokana 7:28 Iomraidhean Croise

Sabuli 9:10

Jo kame ngei i cuny gi bedo kede gen i komi; pien, Rwot, in likame iweko jo kame moi.

Yeremia 31:34

Likame tie ngatamoro kame bobo bino pwonyo ngat ocelu, arabo kame bino waco ne ngat ocelu be, ‘Ida ngei Rwot,’ pien gin dedede kibino ngena, cako kibut jo me ruom apiny tuno but jo me ruom amalo. Ango abino sasiro gi ki gikareco gi di likame bobo ako yutuno dub gi. Ango Rwot en awaco.”

Yeremia 9:6

Tim gi me tero jo kirac lubere aluba, doko da tim gi me ngalo jo da lubere aluba. Rwot owaco be jo mege otieko kwine.

Kosea 4:1

Winyunu kop ka Rwot, Okwe wun jo Isirael! Rwot tie waco ne wu raco be, “Genere likame tie i lobo noni, akadi amara, amoto ngec i koma, ango Rubanga.

Kosea 5:4

Tim areco kame jo obedo timo gengo gi dok but Rubanga gi. Cuny me mito timo malaya tie negi, omio gin likame kingeo Rwot.

Matayo 11:27

“Papa na otieko mina gi dedede i cinga; likame tie ngatamoro kame ngeo Wod, kwanyo kenekene Papa, doko likame tie ngatamoro kame ngeo Papa, kwanyo kenekene Wod, kede jo kame Wod oyero pi nyuto ne gi Papa.

Matayo 2:23

En eko ot bedo i bomba kame kolwongo be Nasaret, tetekeny kop kame bin enabi owaco cobere kakare be, “Kobino lwonge be dano me Nasaret.”

Matayo 26:55

Esawa nono Yesu oko waco ne ekodet me jo be, “Mam ibinunu do kede ipimai kede akutai pi maka ineno bala ango abedo ngayak? Ceng dedede ango oudo abedo i tempulo di apwonyo, do likame ikounu maka cabo.

Luka 10:22

“Papa na otieko mina gi dedede i cinga; likame tie ngatamoro kame ngeo Wod, kwanyo kenekene Papa; doko likame tie ngat kame ngeo Papa, kwanyo kenekene Wod, kede jo kame Wod yero pi nyuto ne gi Papa.”

Luka 2:11

pien tin konywalo ne wu Ngalak i Bomba ka Daudi, en Kirisito Rwot.

Luka 2:39

Di do kitieko timo gi dedede bala kame iswil ka Rwot mito, Yosepu kede Maria oko dok kede Yesu i bomba me tur gi, kame kolwongo be Nasaret, i piny me Galilaya.

Luka 2:4

Yosepu da oko yai ki bomba me Nasaret kame tie i piny me Galilaya, en eko ot i Bomba ka Daudi kame kolwongo be Betelem, kame tie i piny me Yudea, en kakame oudo bin konywalo iye Abaka Daudi. En bin eoto kuno pien oudo eda ebedo akwar Daudi.

Luka 2:51

Di do en eko upere kede gi, kiko dok Nasaret, di en eko donyo bedo kede wor but gi. Do toto mere oko kano kope nogi lung i cunye.

Yokana 1:46

Natanael oko penye be, “Gimoro aber twero wok ki Nasaret da?” Pilipo oko dwoko ne be, “Bia ineni.”

Yokana 10:36

benyo, itwerunu waco ne ngat kame Rubanga opoko tenge di eko ooro i piny be, ‘In itie cano Rubanga,’ be pien ango awaco be, ‘Ango Wot ka Rubanga?’

Yokana 12:49

Pien likame ango ayamo man kede wia kena, do Papa ngat kame oora en kociko na, di emia gikame poore atatamo kede gikame poore awaci.

Yokana 14:10

Benyo, in likame iyei be ango atie i Papa doko Papa da tie i ango? Kope kame ango awaco ne wu likame ango awaco ne wu i akarunikin nango kena, do Papa kame tie i ango en kame timo tice mege.

Yokana 14:31

do ango gira atimo gikame Papa na ocika be atimi, tetekeny jo me piny ni ngei be ango amaro Papa. “Aso yaunu do ootunu.

Yokana 16:3

Kibino timo man pien likame kingeo Papa arabo ango.

Yokana 17:25

Okwe Papa kopoore, piny likame ongei, do ango angei, doko jogi ngeo be in en kame iora.

Yokana 17:3

Kuo kame bedo nakanaka en ine be, wek gin kingei in Rubanga acel keni me ateni, kede Yesu Kirisito ngat kame in ioro.

Yokana 3:2

Icuo noni bin obino but Yesu iwor di eko waco ne be, “Rabi, wan ongeo be in ngapwony kame owok kibut Rubanga, pien likame tie dano moro kame twero timo gianena kame in itimo gi, kwanyo kame di Rubanga tie kede en.”

Yokana 3:33

Ngat kame yei kop me ijura mere, udo ngat nono otieko moko be Rubanga en ateni.

Yokana 5:32

do tie dano ace kame mio ijura akaka ango, doko ango angeo be ijura kame en emio i koma tie me ateni.

Yokana 5:43

Ango nan abino i nying Papa na di ikounu dagi gama; do ka ngatamoro obino i akarunikin mere kene, ibinunu game.

Yokana 6:42

Gin kiko waco be, “Mam icuo noni en Yesu wot ka Yosepu? Wan ongeo papa mere kede toto mere da. Benyo benyo doko komio en nan ewaco be, ‘Ango ayai ki malo abino piny?’ ”

Yokana 7:14

Kakame ebaga otuno kede diere, Yesu oko ot i tempulo di eko pwonyo jo.

Yokana 8:14

Yesu oko dwoko be, “Akadi bed bala ango ajurere kena, do ijura na tie kop me ateni, pien ango angeo kakame ango awok kiye kede kakame atie ot iye. Do wun likame ingeunu kakame ango awok kiye arabo kakame atie ot iye.

Yokana 8:16

Do akadi bed bala ango angolo kop, ngolo kop nango tie me ateni, pien udo likame ango kena en kame atie ngolo kop, do ango karacel kede ngat kame oora.

Yokana 8:19

Pi mano, gin kiko waco ne Yesu be, “Ani bo Papa ni?” Yesu oko dwoko ne gi be, “Wun likame ingeanu, akadi ngeno kiton Papa na da. Koto di oudo ingeanu, oudo koto ingeunu kiton Papa na da.”

Yokana 8:26

Atie kede kope atot me ayama i komu, kede gi atot kame apoore waco ne wu raco iye; do ngat kame oora tie kede ateni, doko ango atie waco ne jo me piny gikame ango awinyo kibute.”

Yokana 8:42

Yesu oko waco ne gi be, “Koto Rubanga en Papa wu, oudo koto imaranu, pien ango awok kibut Rubanga; likame ango abino i mit na kena, do en kame eora.

Yokana 9:29

Wan ongeo be Rubanga bin oyamo kede Musa, do likame wan ongeo kakame dano no owok kiye.”

Tice 17:23

Pien kakame ango abedo bebeo kede di angingico jame kame wun iworunu, ako da udo alutari moro kame tie kede iwandik kame waco be, ‘But rubanga kalikame ngere.’ Pi mano, gikame wun iworunu kalikame kongeo nono en ine kame ango atie tuco ne wu kop i kome.

Joroma 1:28

Do bala kite kalikame kineno kede be epoore pi keto Rubanga i tam gi, omio Rubanga oko jalo gi i tam otop kede i tim gi kalikame opoore.

Joroma 3:4

Likame kamano. Rubanga bino bedo kede ateni akadi bed bala jo dedede dok joangalo, bala kame kowandiko kede be, “Me wek kop kame in iwaco nyut ateni nin; kede iloi pido kame kotie pidi.”

2 Jokorinti 1:18

Ateteni bala kame Rubanga genere kede, likame tie kop moro kame wan oyei ne wu di doko oko lokere dagi.

2 Jokorinti 4:6

Pien Rubanga kame owaco be, “Wek lero rieny ki colo,” Rubanga nono en kame orieny i cuny wa pi mino wa lero me ngec be deyo mere neeno i Yesu Kirisito.

Tito 1:2

kede pi mino gi gen me kuo kame bedo nakanaka. Rubanga, ngat kalikame ngalo, riki sek ocikere pire,

Iburanian 6:18

tetekeny i jamini are kalikame lokere, kede kalikame Rubanga romo bedo kede angalo iye, en cikere kede ikwong mere, wek oudunu nwangcuny, wanunu jo kame otiekunu ringo bute gwokere iye.

1 Yokana 5:10

Jo kame yei Wot ka Rubanga tie kede ijura nono i cuny gi. Jo kalikame yei Rubanga otieko mine edoko ngaangalo, pien likame kiyei ijura kame Rubanga otieko mino i kom Wode.

1 Samuel 2:12

Aso, awobe ka Eli oudo obedo jo areco. Gin oudo likame kiparo pi Rwot