Yokana 7:17 - Baibuli I Leb Kumam 2013

¹⁷ Ka ngatamoro tie kede mit me timo gikame Rubanga mito, ebino ngeno ka pwony na owok kibut Rubanga arabo ka ango atie yamo i akarunikin nango kena.

Yokana 7:17 Iomraidhean Croise

Sabuli 119:10

Ango amoi kede cunya lung; kur iweka aparao tenge ki lubo cik nin.

Sabuli 25:12

Alu en kame tie kede wor but Rwot? En ebino pwonyo gi ngeno yongayo kame kipoore lubo.

Sabuli 25:14

Rwot mako adiereson kede jo kame tie kede wor bute, di eko mino gi kingeo isikan mere.

Agole 28:5

Jo areco likame ngeo gimoro i kom tero jo i yore kapoore, do jo kame lubo kop ka Rwot niang iye odocon.

Agole 3:32

pien jo kotieko bilor tie bala gi me kwer i nyim Rwot; do en egeno jo ekite gi cil.

Isaya 35:8

Yongayo adwong bino bedo kunono, yongayo kame kolwongo be, “Yongayo Kacil”. Likame tie ngadubo moro kame bino lubo yongayo nono; en ebino bedo me jo ka Rubanga. Likame tie ngatamoro, akadi ngamingo, kame bino rwenyo yongayo nono.

Danieri 12:10

Jo atot kobino lonyo, do jodubo bino meede kede tim gi me dub; likame tie ngadubo moro kame bino niang iye, do jo kame riek bino niang iye.

Kosea 6:3

Mito oketunu teko ngeno Rwot. En ateteni ebino bino but wa bala ru me piny kame miero timere; bino mere bino dwoko cuny wa bala kot me agege kame bino di eko bido piny.”

Mika 4:2

jo atot bino ot iye di kiwaco be, “Ootunu i wi moru ka Rwot, i tempulo ka Rubanga me Isirael. En ebino pwonyo wa gikame en emito ne wa timo, di wan oko lubo kop mere.” Pien pwony ka Rwot bino wok ki Sion; kope mege bino wok ki Yerusalem.

Malaki 4:2

Do pi wun jo kame wora, twer me alako na bino rieny i komu bala ceng, di ebino kede cango bala asara me ceng. Ibinunu sosomo pi yomcuny bala roce kame kogonyo ki awi.

Matayo 6:22

“Wang dano tie bala etala me kome. Ka wangi tie kiber, komi dedede bino bedo kede lero,

Luka 8:15

Aso, kodi kopopoto i lobo aber cungo pi jo kame ka kiwinyo kop ka Rubanga, kimako kitek i cuny gi, cuny kame tie kede ateni kede bero, doko kidio cuny gi tuno nyako nyige atot.

Yokana 3:21

Do ngat kame timo gi me ateni bino i lero, tetekeny enyutere kakaler be tice mege obedo tice me woro Rubanga.”

Yokana 8:43

Pinyo komio likame itienu niang gikame ango awaco? Etie kamanoni pien wun likame iyeunu kop na.

Yokana 8:44

Papa wu en Sitani, doko cunyu mito timo gikame papa wu mito. Cako i kare me agege en ebedo nganek, doko likame ecungo i ateni, piento en eli kede ateni. Kame etie ngalo, udo etie waco gikame enao timo, piento en ebedo ngat kame ngaangalo, doko en won angalo.

Yokana 8:47

Ngat kowok kibut Rubanga winyo kope ka Rubanga; wun likame iwinyunu kope kame ango awaco ne wu, pien wun likame iwokunu kibut Rubanga.”

Tice 17:11

Iyudayan me Berea nogi oudo obedo jo kame beco kalamo Iyudayan me Tesalonika, pien gin oudo kigamo kop ka Rwot kede cuny gi lung, di kingingico iwandik kacil ceng dedede pi mito neno ka gigi tie kop me ateni.