Yokana 7:12 - Baibuli I Leb Kumam 2013

¹² Jo oudo tie kede ingungur adwong i kome. Jo mogo oudo waco be, “En dano aber,” do jo ace waco be, “Li, en kom etie rwenyo jo.”

Yokana 7:12 Iomraidhean Croise

Matayo 10:25

Etie gikaber ka ngat kame somo odoko bala ngapwony mere, kede ka ngatic da odoko bala ngadwong mere. Ka gin kilwongo won ot be Belsebul, kibino do waco kope areco me angalo kalamo i kom jo mege me ot nono.

Matayo 21:46

Di gin kiko tamo make, do oudo kilworo ekodet me jo, pien jo oudo niang be Yesu en enabi.

Matayo 27:63

kiko waco ne be, “Adwong, wan oyutuno be di pwodi ngaangalo no kuo, oudo ewaco be, ‘Ingei ceng adek abino yaruno bobo.’

Luka 18:19

Yesu oko penye be, “Pinyo komio in ilwonga be ngat aber? Likame tie ngat aber kwanyo Rubanga kenekene.

Luka 23:47

Kakame bin ngadwong me isirikalen oneno kede gikame otimere, en eko pako Rubanga di ewaco be, “Ateteni dano ni kom oudo li kede raco moro!”

Luka 23:50

Bin tie icuo moro kame nyinge Yosepu, me bomba me Iyudayan kame kolwongo be Arimatea. En oudo ebedo dano acel kikom jo kame bedo i kansulo me Iyudayan, en oudo ebedo dano kopoore doko di eber.

Luka 6:45

Dano aber woto bero kikom gikame beco kame en ekano i cunye. Dano arac da woto raco kikom jame areco kame en ekano i cunye. Pien dog dano yamo gikame opong i cunye.

Luka 7:16

Lworo atek oko mako gin dedede, kiko do donyo pako Rubanga di kiwaco be, “Enabi adwong do otieko wokun i diere wa!” kede be, “Rubanga do otieko bino pi lako jo mege!”

Yokana 6:14

Kakame jo oneno kede gianena kame Yesu otimo, gin kiko waco be, “Ateteni man en enabi kame oudo poore bino i piny!”

Yokana 7:32

Iparisayon oko winyo di ekodet ngunguro i kom Yesu. Jodongo me josaseredoti kede Iparisayon oko cwano isirikalen me tempulo pi make.

Yokana 7:47

Iparisayon oko penyo gi be, “Mam kotieko rwenyo wuda?

Yokana 7:52

Gin kiko penye be, “Ida iwok ki Galilaya? Aso somi iwandik kacil di iko bino ngeno be, likame tie enabi moro kame bino wok ki Galilaya.”

Yokana 9:16

Iparisayon mogo oko waco be, “Icuo ni likame owok kibut Rubanga, pien likame eworo Iswil me Sabato.” Do jo mogo oko waco be, “Ngat kame tie ngadubo karuno timo epone me gianena gi benyo benyo?” Tam gi oko popokun.

Tice 11:24

Pien Baranaba oudo obedo dano aber, kame opong kede Tipo Kacil doko di etie kede yei. Jo atot oko meede i kom jo koyei Rwot.

Joroma 5:7

Pien etek ne dano to pi ngat kopoore, bed bala cengemogo dano romo yei to pi ngat aber.

Jopilipi 2:14

Timunu gi dedede abongo ingungur arabo piem,