Yokana 6:63 - Baibuli I Leb Kumam 2013

⁶³ Tipo ka Rubanga en kame mio kuo, do kom dano likame tie kede kony moro; kope kame ango atieko waco ne wu tie Tipo ka Rubanga kede kuo da.

Yokana 6:63 Iomraidhean Croise

Ageini 2:7

Di do Rubanga oko kwanyo apua me lobo eko cweno kede dano, eko kuto i ume wei kame mio kuo, di dano oko doko gikame kuo.

Sabuli 119:130

Yabere me kop nin kelo ne jo lero; ekelo niang ne jo kame kwia piny.

Sabuli 119:50

Gikame kweo cunya i kare kame atie kede i can en ine be, cikere nin mia kuo.

Sabuli 119:93

Ango wia likame bino wil kede iswilia nin, pien in itieko minango kuo pi gin.

Agole 4:13

Lide alida baba i kom pwony kame iudo; kur iweke ebwoti; gwoke kiber, piento en ebedo kuo ni.

Yokana 5:21

Pien bala kite kame Papa yaruno kede jo oto di eko mino gi kuo, kamanono da Wod mio kuo but jo kame cunye mito.

Yokana 6:68

Simoni Petero oko dwoko ne be, “Rwot, wan bobo otwero ot but ngai? In en kame itie kede kope kame mio kuo kame bedo nakanaka;

Tice 5:20

“Otunu icungunu i tempulo di ikounu tatamo ne jo kope dedede me Kuo noni.”

Joroma 10:17

Aso yei wok kame jo owinyo kop, kede kop kame jo winyo wok kame kopwonyo kop i kom Kirisito.

Joroma 2:25

Kepere kony mere tie ka ilubo Iswil, do ka ituro Iswil, akadi di kokepi da idoko bala ngat kalikame kokepo.

Joroma 8:2

Pien iswil me Tipo, kame mio jo kuo i Kirisito Yesu otieko gonyo wa kiye iswil kame kelo dub kede to.

1 Jokorinti 15:45

En komio kowandiko be, “Adamu, dano me agege, odoko gikame kuo”; do Adamu me ajikini oko doko Tipo kame mio kuo.

Jogalatia 5:25

Ka Tipo en kame mio wa okuo, wek Tipo da en kame tel wa.

Jogalatia 5:6

Pien i Kirisito Yesu, akepo arabo bedo abongo akepo likame timo gimoro, do gikame pire tek en yei kame tio di ebeo i amara.

Jogalatia 6:15

Pien akepo arabo bedo abongo akepo likame tie gikame pire tek, do bedo giacwea kanyen en kame pire tek.

Iswilia 32:47

Pien manoni likame obedo kop me tukotuko, do ebedo kop amako kuo wu kikokome. Ka ilubunu gi ibinunu kuo pi kare alac i lobo kame itienu ngolo ecilet me Yorodan di ikounu ot bedo iye pi doko meru.”

1 Jotesalonika 2:13

Doko da wan opwoyo Rubanga nakanaka, pien bin di wan otuno kede kop ka Rubanga butu, wun iwinyenu di ikounu game, likame bala kop ka dano, do bala kop ka Rubanga, bala kame en etie kede ateteni. Doko da kop nono tie tic kibutun jo kame iyeunu Kirisito.

1 Temeseo 4:8

Pien akadi bed bala rierieo kom wa tie kede kony moro, do bedo kede wor but Rubanga konyo i yore dedede, piento en ecikere pi mino wa kuo i kare kanataman kede i kare kame bino bino.

Iburanian 13:9

Kur iyeunu pwony mogo apapat kame ikwianu rweny wu. Pien eber ka kisa ka Rubanga en kame omio cuny wa teko, do weko iswilia kame mako cam mogo, gi kalikame pwodi obedo kede kony moro but jo kame lubo gi.

Iburanian 4:12

Ateteni kop ka Rubanga kuo doko etio kitek, en ebit kalamo epima kame bit tuni tuni. En ecobo paka tuno i apokini me cuny kede tipo, kede me kariamo me cogere kede isum, doko epoko par kede mit abeco kede areco me cuny jo.

Yakobo 1:18

Pi cobo iik mere, en eko mino kop mere me ateni okelo wa i kuo, me wek wan obed bala anyakini me agege me giacwea mege.

1 Petero 1:23

Pi kop ka Rubanga, kop kame kuo kede kame bedo nakanaka, wun kotieko nywalo wu idokunu jo kanyen, bala idwe kame nganywal gi likame to do weko kame nganywal gi to.

1 Petero 3:18

Pien Kirisito da bin oneno can pi dub tien acel pi kare lung, ngat kopoore oneno can pi jo kalikame opoore, me wek ekel wa but Rubanga. En bin koneko kome do oko mine ebedo kuo i tipo.

1 Petero 3:21

Manoni cimo batisimu, gikame nan lako wu, likame pien elwoko tenge cilokom, do ebedo bala kwac but Rubanga pi ngec aber me cuny. En ebedo gikame lako wu pi iyarun ka Yesu Kirisito,