Yokana 6:57 - Baibuli I Leb Kumam 2013

⁵⁷ Bala kame Papa kakuo oora kede, doko di ango akuo pi Papa, kamanono da ngat kame camo ringokoma bino bedo kuo pi ango.

Yokana 6:57 Iomraidhean Croise

Sabuli 18:46

Rwot kuo! Pak bed but lela na, doko tingunu malo Rubanga ngalak nango.

Yeremia 10:10

Do Rwot, in en ibedo Rubanga me ateni; in en Rubanga akuo, kede abaka kame pugo nakanaka. Ka in idoko ger, wi lobo lung yangere; atekerin likame sobolo kanyakino lilo nin.

Matayo 16:16

Simoni Petero oko dwoko be, “In en Kirisito, Wot ka Rubanga kakuo.”

Yokana 14:19

Odong kare acecek di jo me piny ni likame bobo ko bino nena, do wun ibinunu nena; pi kite kame ango akuo kede, wuda ibinunu bedo kuo.

Yokana 14:6

Yesu oko dwoko ne gi be, “Ango en yongayo, ateni kede kuo; likame tie ngatamoro kame bino but Papa di likame ebeo kibuta.

Yokana 17:21

Wek gin dedede kibed jo acel, bala kite kame in Papa itie kede i ango, doko ada atie i in. Mi gida kibed i wan, en kame mi piny yei be, in en kame iora.

Yokana 3:17

Pien Rubanga likame ocwao wode i piny pi ngolo ne piny kop, do en ecwae tetekeny piny ud alako pi en.

Yokana 5:26

Pien bala kite kame Papa kikome en kame kuo wok kibute, kamanono da etieko mino Wod bedo ngat kame kuo wok kibute.

Yokana 6:29

Yesu oko dwoko ne gi be, “Tic ka Rubanga en ine be, wun miero iyeunu ngat kame en eoro.”

Yokana 6:38

Pien ango abino ki malo, likame pi timo gikame ango amito, do pi timo gikame ngat kame oora mito.

1 Jokorinti 15:22

Pien bala kame jo dedede to kede pi Adamu, kamanono da kobino mino jo dedede bedo kuo pi Kirisito.

1 Jokorinti 15:45

En komio kowandiko be, “Adamu, dano me agege, odoko gikame kuo”; do Adamu me ajikini oko doko Tipo kame mio kuo.

2 Jokorinti 13:4

Pien riki pi goro mere omio kogure i kom musalaba, do nataman ekuo pi twer ka Rubanga. Wan ogoro i Kirisito, do i tic kede wu wan obino kuo karacel kede en pi twer ka Rubanga.

Jogalatia 2:20

omio likame doko ango en kame pwodi akuo, do Kirisito en kame kuo i ango. Doko kuo kame nan ango atie kede, akuo pien atie kede yei i kom Wot ka Rubanga, ngat kame omara di eko jalo kuo mere pira.

1 Jotesalonika 1:9

Pien gin ikom gi kiwaco kop i kom epone kame igamunu wa kede, kede epone kame ilokerenu kede but Rubanga di ikounu weko woro cal jwogi, pi tic ne Rubanga kakuo kede me ateni,

Iburanian 9:14

remo ka Kirisito do bino lonyo cunyu ki tice kame kony gi li kalamo mano tien adi, tetekeny itimunu tic ne Rubanga kakuo, en ngat kame etieko mino kuo mere but Rubanga abongo pwokere moro pi Tipo kame bedo nakanaka!

1 Yokana 4:9

Rubanga onyuto amara mere but wa iepone kame cal kaman: en ecwao Wode acel kenekene i piny tetekeny wan obedunu kede kuo pi en.