Yokana 6:54 - Baibuli I Leb Kumam 2013

⁵⁴ Ngat kame camo ringokoma kede kame mato remo na, en etie kede kuo kame bedo nakanaka, doko abino yaruno en i ceng me ajikini,

Yokana 6:54 Iomraidhean Croise

Sabuli 22:26

Jocan bino cam di kiko yeng; jo kame mo Rwot bino pake. Akwao be ibedunu kede kuo aber nakanaka.

Yokana 4:14

do ngat kame mato pii kame ango abino mine, likame orio bino neke; pii kame ango abino mine bino doko ne atan me pii kame mol tuno i kuo kame bedo nakanaka.”

Yokana 6:27

Kur icanenu pi cam kame dubere, do canenu pi cam kame kanyakino tuno i kuo kame bedo nakanaka, kame Wot ka dano bino mino wu, pien Rubanga Papa otieko keto alama mere i kome.”

Yokana 6:47

Ateteni, ateteni awaco ne wu be, ngat kame yei tie kede kuo kame bedo nakanaka.

Yokana 6:55

pien ringokoma en cam me ateni, doko remo na da en giamata me ateni.

Yokana 6:63

Tipo ka Rubanga en kame mio kuo, do kom dano likame tie kede kony moro; kope kame ango atieko waco ne wu tie Tipo ka Rubanga kede kuo da.

Jogalatia 2:20

omio likame doko ango en kame pwodi akuo, do Kirisito en kame kuo i ango. Doko kuo kame nan ango atie kede, akuo pien atie kede yei i kom Wot ka Rubanga, ngat kame omara di eko jalo kuo mere pira.