Yokana 6:45 - Baibuli I Leb Kumam 2013

⁴⁵ Kowandiko i itabu me inabin be, ‘Doko Rubanga bino pwonyo gin dedede.’ Ngat acelacel kame winyo kop ka Papa na di eko udo pwonyere kibute, en ebino udo alako.

Yokana 6:45 Iomraidhean Croise

Isaya 2:3

Jo atot bino ot iye di kiko waco be, “Ootunu i wi moru ka Rwot, i tempulo ka Rubanga me Isirael. En ebino pwonyo wa gikame en emito ne wa timo di wan oko lubo kop mere.” Pien pwony ka Rwot bino wok ki Sion; kope mege bino wok ki Yerusalem.

Isaya 54:13

“Ango kikoma abino pwonyo jo ni di gin kiko bino bedo kede mulem me aura.

Mika 4:2

jo atot bino ot iye di kiwaco be, “Ootunu i wi moru ka Rwot, i tempulo ka Rubanga me Isirael. En ebino pwonyo wa gikame en emito ne wa timo, di wan oko lubo kop mere.” Pien pwony ka Rwot bino wok ki Sion; kope mege bino wok ki Yerusalem.

Matayo 11:27

“Papa na otieko mina gi dedede i cinga; likame tie ngatamoro kame ngeo Wod, kwanyo kenekene Papa, doko likame tie ngatamoro kame ngeo Papa, kwanyo kenekene Wod, kede jo kame Wod oyero pi nyuto ne gi Papa.

Matayo 17:5

Di oudo pwodi etie yamo, edou atar oko umo gi pukupuk, di dwan oko wok ki edou di waco be, “Man en Woda kame amaro, cunya yom i kome; winyenu.”

Marako 1:2

En egere bala kite kame bin enabi Isaya owandiko kede kop kame Rubanga owaco be, “Neni, atie cwano ngaor na geo ot nin anyim, kame bino iiko yongayo nin.

Luka 1:70

Bala kite kame bin eyamo kede i dog inabin kacil me kare asek

Luka 18:31

Yesu oko tero josiao tomon kiwie are tenge kargi ken gi, di en eko waco ne gi be, “Winyunu, wan otienu ot Yerusalem, di gi dedede kame bin inabin owandiko i kom Wot ka dano ko bino cobere.

Yokana 10:27

Romini na winyo dwana, ango da angeo gi, doko gida kiluba.

Yokana 6:37

Jo dedede kame Papa mia oyaro bino buta; doko ngat kame bino buta, likame abino riame tenge.

Yokana 6:65

En eko waco be, “Gini en komio ango awaco ne wu be, likame tie ngatamoro kame sobolo bino buta, kwanyo di Papa na en oyei ne.”

Tice 13:40

Pi mano, gwokerenu tetekeny gikame riki inabin owaco kur timere i komu, kame waco be,

Tice 7:42

Do Rubanga bin oko lokere, di en eko jalo gi woro acerin me malo, bala kite kame kowandiko kede i itabu me inabin be, “‘Wun jo me Isirael, likame ango en kame bin ingolonanu leini di ikounu mina giayala pi mwakini ot ongwon i tim.

Joepeso 1:17

Ango akwao be, Rubanga ka Rwot wa Yesu Kirisito, Papa won deyo mi wu Tipo me rieko kede me nyutere ka Rubanga, pi mino wu ngene odocon,

Jopilipi 3:15

Wek obedunu kede tam kame cal kamanono wan jo kame otiekunu cato i cuny wa; do ka itienu kede tam apat kede man i gimoroni, Rubanga bino mino ingeunu manono da.

1 Jotesalonika 4:9

Aso, i kom kop kame mako maro imiegu kede amiegu wu, kony me wandiko ne wu kop iye likame tie, pien wun kikomu Rubanga otieko pwonyo wu pi marere kenu kenu.

Iburanian 10:16

“Man en isikan kame ango abino timo kede gi kame kare nono otuno, Rwot en owaco: Ango abino keto iswilia na i cuny gi, di ako wandiko gi i tam gi.”

1 Yokana 2:27

Do wun Tipo kame Kirisito omio wu tie i kuo wu, omio likame bobo emitere ne ngatamoro pi pwonyo wu. Pien Tipo mere pwonyo wun i kom gi dedede, gikame tie me ateni do weko me angalo. Bala kame en etieko pwonyo wu kede, bedunu i Kirisito.