Yokana 6:39 - Baibuli I Leb Kumam 2013

³⁹ Gikame ngat oora mito en ine be, likame apoore rwenyo ngatamoro kikom jo dedede kame en emia, do miero ayaruno gi i ceng me ajikini.

Yokana 6:39 Iomraidhean Croise

Yeremia 23:4

Ango abino keto negi jokwat kame bino gwoko gi di likame bobo kiko bedo kede lworo amoto mielkom; doko da likame tie moro kame bino rwenyo; ango Rwot en awaco.”

Matayo 10:15

Ateteni awaco ne wu be i ceng me ngolo kop, Rubanga bino bedo kede kisa i kom jo me Sodoma kede Gomora kalamo jo me bomba nono.

Matayo 18:14

Iepone acel nono, Papa na kame tie i malo likame mito be acel moro kikom jo atino gi rweny tenge kibute.

Luka 12:32

“Kur ibedunu kede lworo, in ekodet atitidi, pien Papa wu tie kede yomcuny pi mino wu Ajakanut.

Yokana 12:48

Ngat kame daga di likame emito gamo kop na, en etie kede ngat kame bino ngolo ne kop; doko kop kame ango ayamo en kame bino ngolo nen kop i ceng me ajikini.

Yokana 17:12

I kare kame oudo atie karacel kede gin, ango bin agwoko gin kede twer me nyingi, en nying kame imia. Ango atieko gwoko gi, doko likame tie ngatamoro kame orwenyo kikom gi, kenekene dano kame oudo poore rwenyo, me wek iwandik kacil cobere kakare.

Yokana 17:2

Pien in itieko mine akarunikin i kom jo dedede, me wek emi jo dedede kame in imio bute kuo kame bedo nakanaka.

Yokana 17:24

“Papa, cunya mito be jo kame imia bed keda kakame ango ayaro bedo iye, pi neno deyo na kame imia, pien in imara cako di likame pwodi koketo acakini me piny.

Yokana 17:6

“Ango atieko mino nyingi ongere but jo kame in imia i piny. Gin oudo kibedo jo nin, in iko mino gi buta, doko gin kiko lubo kop nin.

Yokana 17:9

“Ango nan atie lego ne gi; likame atie lego ne piny, do atie lego ne jo kame in imia; pien gin kibedo megi.

Yokana 18:9

Man otimere pi cobo kop kame oudo Yesu owaco be, “Likame tie ngatamoro korwenyo kikom jo kame oudo imia.”

Yokana 5:28

Kur iurunu kop noni; pien esawa bino tuno kame jo dedede kame tie i atesin bino winyo kede dwane,

Yokana 6:37

Jo dedede kame Papa mia oyaro bino buta; doko ngat kame bino buta, likame abino riame tenge.

Yokana 6:40

Pien gikame Papa na mito en ine be, ngat acelacel kame neno Wod di ko yei en poore udo kuo kame bedo nakanaka; doko ango ako bino yaruno en i ceng me ajikini.”

Yokana 6:44

Likame tie ngatamoro kame twero bino buta kwanyo kenekene ka Papa ngat kame oora en okele; doko abino yaruno en i ceng me ajikini.

Yokana 6:54

Ngat kame camo ringokoma kede kame mato remo na, en etie kede kuo kame bedo nakanaka, doko abino yaruno en i ceng me ajikini,

Joroma 8:11

Ka Tipo me ngat koyaruno Yesu kikom jo oto bedo i kuo wu, ngat nono koyaruno Kirisito Yesu kikom jo oto bino mino komu da kame to kuo, pi Tipo mere kame tie i kuo wu.

1 Jokorinti 6:14

Rubanga oyaruno Rwot, doko ebino yaruno wada kede twer mere.

2 Temeseo 2:19

Do acakini atek kame Rubanga osipo tie cungo, di etie kede iwandik kame waco be, “Rwot ngeo jo mege,” kede be, “Mito ngat acelacel kame lwongo nying Rwot wek tim areco.”

Yakobo 5:15

Ilega kame kolego kede yei cango ngatuwo di Rwot ko mine eyai; doko kame oudo edubo, Rubanga bino sasiro en.

1 Petero 1:5

wun jo kame Rubanga tie gwoko kede twer mere pi yei wu, tetekeny iudunu alako kame Rubanga otieko iikere pi nyuto i kare me ajikini.

Yuda 1:1

Baluwa kowok kibut Yuda ngatic ka Yesu Kirisito, kame obedo omin me Yakobo. But jo kame kolwongo, jo kame tie i amara ka Rubanga Papa, jo kame kotie gwoko di kodaro kede Yesu Kirisito.

1 Samuel 25:29

Ka ngatamoro oko suri di emito kwanyo kuo ni, Rwot Rubanga ni bino gwoko kuo ni; do kuo me jokwor nin en ebino lwomo tenge bala kame dano lwomo kede engaro kede aporocet.