Yokana 6:35 - Baibuli I Leb Kumam 2013

³⁵ Yesu oko waco ne gi be, “Ango en mugati me kuo; ngat kame bino buta kec likame bino neke, doko ngat kame yei ango orio likame bino neke.

Yokana 6:35 Iomraidhean Croise

Isaya 49:10

Kec arabo orio likame bino neko gi. Ceng arabo yamo aliet me wi tim likame bino wango gi, pien ngat kame tie kede kisa i kom gi en kame bino telo gi. En ebino telo gi kibeo i nget ataneko me pii.

Matayo 11:28

“Bianu buta wun jo dedede kame ool kede kame yec odio, ango abino mino koru wei.

Luka 6:25

Itienu i can wun jo kame nan iyengunu; pien kec bino neko wu. Itienu i can wun jo kame nan nyero; pien ibinunu iturur kede koko.

Yokana 4:15

Dako nono oko kwano Yesu be, “Adwong, mia pii nono wek kur orio neka bobo, di do ako weko bino kan twomo pii.”

Yokana 5:40

Do di idagunu bino buta tetekeny ibedunu kede kuo kame bedo nakanaka.

Yokana 6:37

Jo dedede kame Papa mia oyaro bino buta; doko ngat kame bino buta, likame abino riame tenge.

Yokana 6:41

Iyudayan oko cako ngunguro i kom Yesu pien oudo ewaco be, “Ango en mugati kame obino piny yai ki malo.”

Yokana 6:65

En eko waco be, “Gini en komio ango awaco ne wu be, likame tie ngatamoro kame sobolo bino buta, kwanyo di Papa na en oyei ne.”

Gianyuta 22:17

Tipo kede Ateran waco be, “Bia.” Jo dedede kame winyo kop noni miero wac be, “Bia.” Ngat kame orio oneko, ebin; wek ngat kame cunye mito, egam pii me kuo abongo cul.

Gianyuta 7:16

Kec likame bobo bino neko gi, akadi orio me pii da likame bino neko gi; ceng likame bino wango gi akadi lieto moroni.