Yokana 6:31 - Baibuli I Leb Kumam 2013

³¹ Joakwari wa bin ocamo emana i tim; bala kite kame bin kowandiko kede be, ‘Emio gi mugati kowok ki malo pi camo.’ ”

Yokana 6:31 Iomraidhean Croise

Nekemia 9:15

“I kare kame bin kec oneko gi kede, in imio gi cam koyai ki malo, kede i kare kame bin orio oneko gi kede, in imio pii owok negi ki lela. In bin iko waco negi be kioti di kiko gamo lobo kame in bin icikere pi mino gi.

Nekemia 9:20

In bin pi bero ni imeede kede pwonyo gi, di ipito gi kede emana kede imio gi pii me amata.

Sabuli 105:40

Kakame kikwae kede, en eko cwano negi aluru, eko mino gi cam atot kame owok ki malo.

Yai 16:35

Jo me Isirael oko meede camo emana pi mwakini ot ongwon, tuno i kare kame kituno kede i lobo me Kanan, kakame kiko bedo iye.

Yokana 6:32

Yesu di do oko waco ne gi be, “Ateteni, ateteni awaco ne wu be, likame Musa en kame bin omio wu mugati kame owok ki malo; Papa na en kame bin omio wu mugati me ateni kame owok ki malo.

Yokana 6:49

Joakwari wu bin ocamo emana i tim do kiko to.

Yokana 6:58

Man en mugati kame bin owok piny ki malo, likame bala maca kame bin joakwari ocamo di kiko to; ngat kame camo mugati noni bino kuo ikar kede ikar.”

1 Jokorinti 10:3

Gin dedede bin kiko camo cam acel me cuny;

Iswilia 8:3

Pi mino wun mwolere, en bin emio wu ikanyunu kec di eko pito wu kede emana, gikame wun arabo joakwari wu oudo likame ngeo. En bin etimo manono tetekeny wun iniangunu be jo likame kuo kede cam kenekene, do jo kuo kede kope dedede kame Rwot waco.

Yosua 5:12

Iceng nono emana oko jiko cwei negi di likame doko kiko bedo tie kede emana; gin kiko donyo do camo cam kame kopuro apura i lobo me Kanan.

Gianyuta 2:17

“Ngat kame tie kede yite, wek ewinyi gikame Tipo tie waco ne ikodeta me jokirisito. “Ngat kame bino lono, ango abino mine emana mogo kame kokano. Abino mine kidi atar, kame kowandiko iye nying kanyen kalikame tie ngatamoro kame ngeo, kwanyo kenekene ngat kame tie game.