Yokana 6:27 - Baibuli I Leb Kumam 2013

²⁷ Kur icanenu pi cam kame dubere, do canenu pi cam kame kanyakino tuno i kuo kame bedo nakanaka, kame Wot ka dano bino mino wu, pien Rubanga Papa otieko keto alama mere i kome.”

Yokana 6:27 Iomraidhean Croise

Sabuli 2:7

Abaka waco be, “Abino waco kop kame Rwot omio. En ewaco na be, ‘In en woda; tin ango adoko papa ni.

Sabuli 40:7

Di do ango ako waco be, “Ango ine, atie bino; bala kame kowandiko kede kop i koma i itabu me Iswil.

Agole 9:5

“Bianu icamunu cam na kede imatunu bwini kame ango anyalo.

Ngarab kop 6:7

Lole kame jo timo dedede tie pi yi gi, do likame tie gikame romo gi.

Isaya 42:1

Rwot waco be, “Ngatic na kame ango akonyo ine, en ngat kame ango atieko yero kame cunya yom i kome. Ango atieko keto tipo na i kome; en ebino kelo tim kame poore but atekerin dedede.

Isaya 55:2

Pinyo bo kamio wun idubunu sente wu wilo gi kalikame obedo kwon, kede idubunu teko wu i gi kalikame yengo wu? Winyunu kop na, di ikounu camo gikame ber; ikounu bino camo cam kame ber kalamo kede yomcuny.

Yeremia 15:16

Ka kope nin otuno i yita, kidoko nango bala cam, di kiko kelo na kilel kede yomcuny; pien jo lwonga kede nyingi, Okwe Rwot, Rubanga me jo yi.

Abakuk 2:13

Jo me atekerin kame wun imakunu obedo cane timo tic nono, pien gi dedede kame gin kigero bino wang i mac. Rwot me jo yi en kotimo manoni.

Matayo 17:5

Di oudo pwodi etie yamo, edou atar oko umo gi pukupuk, di dwan oko wok ki edou di waco be, “Man en Woda kame amaro, cunya yom i kome; winyenu.”

Matayo 25:46

Di do gin kiko bino ot i alola me nakanaka, do jo kopoore ko bino ot i kuo kame bedo nakanaka.”

Matayo 3:17

Dwan oko wok ki malo di waco be, “Man en Woda kame amaro, cunya yom i kome.”

Matayo 6:19

“Kur ikanunu abar wu i wi lobo kan, kakame ajekel kede nyal dubo gi kiye, kede kakame jokuwo turo di kiko kwalo.

Matayo 8:20

Yesu oko waco ne be, “Ekwee tie kede bur me buto, kede winy da tie kede ude gi, do Wot ka dano likame tie kede kakame epielo iye wie.”

Marako 1:11

Dwan oko wok ki malo di waco be, “In en Woda kame amaro, cunya yom i komi.”

Marako 9:7

Edou oko umo gi pukupuk, di dwan oko wok ki edou di waco be, “Man en Woda kame amaro, winyenu.”

Luka 3:22

di Tipo Kacil oko bino piny i kome bala awele. Dwan oko wok ki malo di waco be, “In en Woda kame amaro, cunya yom i komi.”

Luka 9:35

Dwan oko wok ki edou di waco be, “Man en Woda, mera kame ayero; winyenu!”

Yokana 10:28

Ango atieko mino gi kuo kame bedo nakanaka, doko likame kibino to. Likame tie ngat kame bino waraso gi ki cinga.

Yokana 11:42

Ango oudo angeo be in nakanaka iwinya, do ango atie yamo man pi jo kame nan tie cungo kan gi, tetekeny gin kiyei be in en kame iora.”

Yokana 14:6

Yesu oko dwoko ne gi be, “Ango en yongayo, ateni kede kuo; likame tie ngatamoro kame bino but Papa di likame ebeo kibuta.

Yokana 15:24

Koto oudo likame ango atimo i diere gi tice kalikame tie ngatamoro kotimo, koto oudo ki li kede dub; do nan kitieko neno gikame ango atimo, doko kiko daga karacel kede Papa na.

Yokana 17:2

Pien in itieko mine akarunikin i kom jo dedede, me wek emi jo dedede kame in imio bute kuo kame bedo nakanaka.

Yokana 3:15

tetekeny ngat kame yei en ud kuo kame bedo nakanaka.

Yokana 3:33

Ngat kame yei kop me ijura mere, udo ngat nono otieko moko be Rubanga en ateni.

Yokana 6:40

Pien gikame Papa na mito en ine be, ngat acelacel kame neno Wod di ko yei en poore udo kuo kame bedo nakanaka; doko ango ako bino yaruno en i ceng me ajikini.”

Yokana 6:47

Ateteni, ateteni awaco ne wu be, ngat kame yei tie kede kuo kame bedo nakanaka.

Yokana 6:51

Ango en mugati me kuo kame owok ki malo; ngat kame camo mugati noni bino kuo ikar kede ikar. Mugati kame ango abino mino pi kuo me piny en ringokoma.”

Yokana 6:53

Yesu oko waco ne gi be, “Ateteni, ateteni awaco ne wu be, ka likame icamo ringokom Wot ka dano kede imato remo mere, likame ibino bedo kuo.

Yokana 6:54

Ngat kame camo ringokoma kede kame mato remo na, en etie kede kuo kame bedo nakanaka, doko abino yaruno en i ceng me ajikini,

Yokana 6:58

Man en mugati kame bin owok piny ki malo, likame bala maca kame bin joakwari ocamo di kiko to; ngat kame camo mugati noni bino kuo ikar kede ikar.”

Yokana 6:62

Do benyo ka koto oudo inenunu Wot ka dano di etie ot malo kakame oudo bin egeo bedo iye sek?

Yokana 6:68

Simoni Petero oko dwoko ne be, “Rwot, wan bobo otwero ot but ngai? In en kame itie kede kope kame mio kuo kame bedo nakanaka;

Yokana 8:18

Ango amio ijura i koma kena, doko da Papa ngat kame oora mio ijura i koma.”

Tice 10:38

epone kame Rubanga bin oyero kede Yesu me Nasaret, di eko mine Tipo Kacil kede twer, kede da epone kame en eko ririmo kede piny di etimo bero ne jo, doko da di ecango jo dedede kame bin Sitani otweo, pien Rubanga oudo tie kede en.

Tice 2:22

“Wun jo me Isirael, winyunu kope gi: Yesu me Nasaret en icuo kame Rubanga bin oyero, di eko nyuto ne wu i tice me twer, kede i gi me isuur, kede i gianena kame Rubanga bin otimo kibute i diere wu, bala kite kame wuda ingeunu kede.

Joroma 4:11

En eyei kepere tetekeny kepere mere bed gianena kame moko be en ebedo ngat kopoore pi yei kame oudo etie kede di pwodi likame kokepe. Man otimere pi mino Aburaam bedo bala papa me jo dedede kame yei, do di likame kokepo gi, di Rubanga ko tero be kipoore.

Joroma 6:23

Pien egelit me dub en to; do giamia ka Rubanga me nono en kuo kame bedo nakanaka i Kirisito Yesu Rwot wa.

1 Jokorinti 6:13

“Cam tie pi yic, yic da tie pi cam,” ebo, do Rubanga bino jiko gin dedede. Kom wa likame tie pi timo caro, do pi tic ne Rwot, doko Rwot en kame tie kede loc i kom wa.

1 Jokorinti 9:2

Ka jo ace likame yei be ango ngaor, ateteni kibutun ango abedo ngaor; pien kuo wu i Rwot obedo gikame moko be ango abedo ngaor.

2 Jokorinti 4:18

Pien wan likame oketo tam wa i kom gikame neeno, do i kom gi kalikame neeno. Pien gikame neeno tie pi kare acecek, do gi kalikame neeno bedo nakanaka.

Jogalatia 5:6

Pien i Kirisito Yesu, akepo arabo bedo abongo akepo likame timo gimoro, do gikame pire tek en yei kame tio di ebeo i amara.

Iswilia 30:13

Doko da likame etie loka nam en amio koto ipenyerenu be, ‘Ngai kame bino ngolo nam ot ome ne wa tetekeny owinye di oko lube?’

Jopilipi 2:13

pien Rubanga tie tic kibutu, pi mino wu bedo tie kede mit kede teko me tic pi yomo cunye.

Jokolosai 1:29

Man en komio ango atio di acane kede teko dedede kame Kirisito mia.

Jokolosai 2:22

Magi dedede mako jamini kame dubere kame kotio kede gi. Gin kibedo iswilia kede pwony ka dano adana.

Jokolosai 3:2

Ketunu tam wu i kom jamini me malo do weko i kom jamini kame tie i wi lobo.

1 Jotesalonika 1:3

Doko i nyim Rubanga ngat kame obedo Papa wa, wan oyutuno tice wu me yei, kede cane wu me amara, kede asipakin me gen wu i Rwot wa Yesu Kirisito.

2 Temeseo 2:19

Do acakini atek kame Rubanga osipo tie cungo, di etie kede iwandik kame waco be, “Rwot ngeo jo mege,” kede be, “Mito ngat acelacel kame lwongo nying Rwot wek tim areco.”

Iburanian 12:16

Nenunu be likame ngatamoro odoko ngacaro amoto ngat kame dagi woro Rubanga bala bin Esau, ngat kame bin ocato twero mere me anywali pi cam kame camere kicel.

Iburanian 4:11

Pi mano, otamakinunu kede teko dedede pi donyo i wei nono, tetekeny kur donyo iye loi ngatamoro pi bedo abongo wor bala bin gin.

Yakobo 1:11

Pien ceng wok di eko rieny kede lieto mere atek di eko nero lum, ature mere ko ony piny, di cilo mere ko rwenyo, kamanono da, ngat kobaro bino rwenyo wir i gikame etie wapo yore.

1 Petero 1:24

Pien kowandiko be, “Kom dano cal bala lum, doko deyo mere lung cal bala ature me lum. Lum ner, di ature mege ko ony,

2 Petero 1:17

Pien kakame eudo kede wor kede deyo kibut Rubanga Papa, dwan oko winyere kame owok kibut won Deyo Adwong di waco be, “Man en Woda kame amaro, cunya yom i kome.”