Yokana 6:26 - Baibuli I Leb Kumam 2013

²⁶ Yesu oko dwoko ne gi be, “Ateteni, ateteni awaco ne wu be, wun likame itienu mona pien inenunu gianena, do pien icamunu mugati ikounu yeng.

Yokana 6:26 Iomraidhean Croise

Sabuli 78:37

Cuny gi oudo likame osipakin i kome; likame kigwoko cikere me isikan kame en etimo kede gi.

Esekeri 33:31

Aso, gin kiko bino buti di kiko bedo i nyimi bala jo na pi winyo kop ni, do gin likame kiko timo gikame in iwaco negi. Kope kame wok ki dog gi winyo mit, do cuny gi tie i timo aram.

Yokana 3:3

Yesu oko dwoko ne be, “Ateteni, ateteni ango awaco ni be, likame tie ngat kame twero neno Ajakanut ka Rubanga, kwanyo ka konywale tien me are.”

Yokana 3:5

Yesu oko dwoko be, “Ateteni, ateteni awaco ni be, likame tie ngat kame twero donyo i Ajakanut ka Rubanga kwanyo di konywale nywal me pii kede me Tipo Kacil.

Yokana 6:14

Kakame jo oneno kede gianena kame Yesu otimo, gin kiko waco be, “Ateteni man en enabi kame oudo poore bino i piny!”

Yokana 6:15

Di Yesu ongeo be oudo kiyapuno bino make tetek pi mine doko abaka, en bobo eko yai eoto tenge i moru en kene.

Yokana 6:2

Ekodet adwong me jo oko lube, pien oudo gin kineno gianena kame en etimo ne jo kame oudo tuwo.

Yokana 6:24

Kakame do jo oneno kede be Yesu oudo li ki kuno, akadi kiton josiao mege da, gida kiko donyo i yi yede kiko ot Kaperanaum di kimoo Yesu.

Yokana 6:30

Aso gin kiko waco ne Yesu be, “Gianena nyo kame ikaruno timo, me wek wan onen di oko yei in? Ibino timo nyo?

Yokana 6:36

Do ango atieko waco ne wu be wun itiekunu nena, do pwodi likame iyeunu.

Yokana 6:47

Ateteni, ateteni awaco ne wu be, ngat kame yei tie kede kuo kame bedo nakanaka.

Yokana 6:53

Yesu oko waco ne gi be, “Ateteni, ateteni awaco ne wu be, ka likame icamo ringokom Wot ka dano kede imato remo mere, likame ibino bedo kuo.

Yokana 6:64

Do tie jo mogo ki komu kalikame yei.” Pien Yesu oudo ngeo cako ki agege jo kalikame yei kede da ngat kame oudo oyaro rupao en.

Joroma 16:18

Pien epone me jo nogo likame tio ne Rwot wa Kirisito, do kitio pi cobo mit gi. Gin kingalo jo kame tam gi likame tut kede kope gi amit, kame winyo ber.

Jopilipi 2:21

Jo apat dedede paro pi mit gi kenekene do weko mit ka Yesu Kirisito.

Jopilipi 3:19

Gin ajikini gi en to, rubanga gi en yic, doko gin kitie kede yomcuny i gikame poore pi mino gi lewic. Gin tam gi tie i kom jame me piny.

1 Temeseo 6:5

kede atwomutwomun arac i dier jo kame tam gi otieko dubere doko kili kede ateni. Gin kiparo be kop kame makere kede woro Rubanga obedo gikame kelo ud.