Yokana 6:24 - Baibuli I Leb Kumam 2013

²⁴ Kakame do jo oneno kede be Yesu oudo li ki kuno, akadi kiton josiao mege da, gida kiko donyo i yi yede kiko ot Kaperanaum di kimoo Yesu.

Yokana 6:24 Iomraidhean Croise

Matayo 14:34

Kakame kitieko do ngolo kede nam, kiko wok itela i Genesaret.

Marako 1:37

Di bin kiude, kiko waco ne be, “Jo dedede tie moni.”

Marako 6:53

Kakame kitieko do ngolo kede nam, kiko wok itela i Genesaret, di kiko wano yee ooko.

Luka 8:40

Kakame bin Yesu odwogo kede, ekodet oko game, pien gin dedede oudo kitie dare.

Yokana 20:15

Yesu oko penye be, “Itie kok pinyo? Imo ngai?” Maria oko paro be amoto nat ngat koudo tie puro poto oudo inonono, omio en eko waco ne be, “Adwong, ka in en itere tenge, nyuta kakame ikete iye, me wek aot akwanye atere.”

Yokana 6:17

kiko donyo i yi yee di kiko ngolo nam pi ot loka Kaperanaum. Piny oudo odoko col, do Yesu oudo pwodi likame obino but gi.

Yokana 6:23

Bed bala kamanono da, yede kame bin owok ki Tiberia oko bino tuno i nget kakame oudo gin kicamo kiye mugati ingei Rwot mino pwoc.

Yokana 6:26

Yesu oko dwoko ne gi be, “Ateteni, ateteni awaco ne wu be, wun likame itienu mona pien inenunu gianena, do pien icamunu mugati ikounu yeng.

Yokana 6:59

Yesu owaco kope nogi di oudo etie pwony i sinagoga i Kaperanaum.

Yokana 7:11

Iyudayan oudo tie mone ki kakame ebaga oudo tie iye di kipenyere be, “Ani en?”