Yokana 6:14 - Baibuli I Leb Kumam 2013

¹⁴ Kakame jo oneno kede gianena kame Yesu otimo, gin kiko waco be, “Ateteni man en enabi kame oudo poore bino i piny!”

Yokana 6:14 Iomraidhean Croise

Ageini 49:10

Ebela me pug likame bino yai tenge kibut Yuda; ebela me ajakanut likame bino yai tenge ki dierediere me tiene, kiton tuno di kokelo ne esolo; di atekerin ko donyo mine wor.

Matayo 11:3

pi penye be, “In en ibedo ngat kame oudo kowaco be oyaro bino, arabo wan omeede daro dano ace?”

Matayo 21:11

Ekodet kame oudo upere kede Yesu oko dwoko be, “Man en Yesu enabi kame owok ki bomba me Nasaret, i adul me Galilaya.”

Luka 24:19

Di en eko penyo gi be, “Nyo igonogo?” Gin kiko dwoko ne be, “Kop i kom Yesu me Nasaret, kame oudo obedo enabi kame tie kede twer i tice kede i yamo mege, i nyim Rubanga kede i nyim jo dedede.

Luka 7:16

Lworo atek oko mako gin dedede, kiko do donyo pako Rubanga di kiwaco be, “Enabi adwong do otieko wokun i diere wa!” kede be, “Rubanga do otieko bino pi lako jo mege!”

Yokana 1:21

Gin kiko penye be, “In do ngai? Benyo, in en Elia?” En eko dwoko be, “Li.” Kiko bobo penye be, “In do enabi?” En eko dwoko be, “Li.”

Yokana 11:27

Marita oko dwoko be, “Ebo Rwot, ango ayei be in en kame Kirisito, Wot ka Rubanga, kame oudo poore bino i piny.”

Yokana 2:11

Man en gianena mere me agege kame Yesu otimo i Kana kame tie Galilaya, di eko mino deyo mere ongere, di josiao mege oko yei en.

Yokana 4:19

Dako nono oko waco ne be, “Adwong, atieko neno be in enabi.

Yokana 4:25

Dako nono oko dwoko ne be, “Ango angeo be Mesia tie bino” (en ngat kame kolwongo be Kirisito). “Ka en etuno, ebino nyuto ne wa gi dedede.”

Yokana 4:42

Gin kiko waco ne dako nono be, “Likame wan oyei pi yamo nin, do pien wan ikom wa otieko winyo, doko ongeo be ateteni man en Ngalak me piny.”

Yokana 6:2

Ekodet adwong me jo oko lube, pien oudo gin kineno gianena kame en etimo ne jo kame oudo tuwo.

Yokana 6:26

Yesu oko dwoko ne gi be, “Ateteni, ateteni awaco ne wu be, wun likame itienu mona pien inenunu gianena, do pien icamunu mugati ikounu yeng.

Yokana 6:30

Aso gin kiko waco ne Yesu be, “Gianena nyo kame ikaruno timo, me wek wan onen di oko yei in? Ibino timo nyo?

Yokana 7:40

Kakame kiwinyo kede kope go, jo mogo oko waco be, “Ateteni dano ni obedo enabi.”

Tice 7:37

Musa nono en kame bin owaco ne jo me Isirael be, ‘Rubanga bino cwano ne wu enabi kikom imiegu wu, bala kite kame ecwao ango kede.’