Yokana 6:12 - Baibuli I Leb Kumam 2013

¹² Kakame kitieko do yeng kede, Yesu oko waco ne josiao mege be, “Cokunu angidingidin kame odong tetekeny kur gimoro dubere aduba.”

Yokana 6:12 Iomraidhean Croise

Nekemia 8:10

Nekemia oko waco negi be, “Dokunu i miere wu ikounu tedo ebaga kede cam abeco kede bwini amit, di ikounu poko mogo da imiunu jo kame li kede gimoro, pien ceng katin obedo ceng kacil i nyim Rwot. Doko da kur ibedunu kede cwercuny pien yomcuny kame Rwot mio wu bino mino wu teko.”

Nekemia 9:25

Gin bin kiko mano bomban kame kocelo di tek, kede lobo amio, ude kopong kede jamini abeco, ataparin kame kotieko kunyo, poti me olok, poti me olibeti kede yen atot me anyakini. Gin bin kiko cam di kiko yeng di do kiko cwe; cuny gi bin oko bedo yom pi twon jamini abeco kame in bin iko mino gi.

Agole 18:9

Dano anyap rac rom aroma kede dano kame dudubo jamini adudub.

Luka 1:53

En emio jo kame kec oudo oneko oyeng kede jamini abeco, di eko cwano jo kobaro tenge abongo gimoro.

Luka 15:13

Ingei ceng anonok, awobi atidi oko coko jame mege dedede, di eko yai ot i piny abor kakame en eko dudubo kiye jame mege dedede i kuo me atatai.

Luka 16:1

Di Yesu oko waco ne josiao mege be, “Oudo tie icuo moro kobaro kame tie kede ngagwok jame mege. Bin oko kelo ne kop me pido, be icuo nono oudo tie dudubo jame mege.

Luka 9:17

Jo dedede oko cam di kiko yeng. Josiao oko coko cam kame oudo odong oko pongo ibukito tomon kiwie are.

Yokana 2:2

Oudo kolwongo Yesu da karacel kede josiao mege i nyom nono.