Yokana 6:11 - Baibuli I Leb Kumam 2013

¹¹ Yesu oko kwanyo mugati; kakame etieko mino kede pwoc, en eko popoko gi ne jo kame oudo obedo piny. En eko timo kamanono da kede deknam, gin dedede kiko udo gikame romo gi.

Yokana 6:11 Iomraidhean Croise

Matayo 15:36

En eko kwanyo mugati kanyaare kede deknam nogo, en eko mino pwoc but Rubanga di eko tuturo gi eko mino josiao; di josiao oko popoko ne jo.

Luka 24:30

Kakame ebedo kede gi kacam, en eko kwanyo mugati di eko kwano winyo iye, di eko tuturo, eko mino gi.

Yokana 21:10

Yesu oko waco ne gi be, “Kelunu ber deknam mogo kame nan imakunu kan.”

Yokana 21:13

Yesu oko bino di eko kwanyo mugati, eko mino gi, di bobo eko kwanyo deknam da eko mino gi.

Yokana 21:9

Kakame kiwok kede i wi itela, kiko neno mac odop kuno di deknam tie i wie, kede mugati da oudo tie.

Yokana 6:23

Bed bala kamanono da, yede kame bin owok ki Tiberia oko bino tuno i nget kakame oudo gin kicamo kiye mugati ingei Rwot mino pwoc.

Yokana 6:9

“Awobi tie kan kame tie kede mugati kany kede deknam are; do mago kenekene timo ne twon jogi nyo?”

Tice 27:35

Ingei yamo kamano, en eko kwanyo mugati, eko pwono Rubanga pire i nyim jo dedede, di eko tuturo eko cako camo.

Joroma 14:6

Ngat kame paro pi ceng moro, eparo pire pi woro Rwot. Ngat kame camo da, eda ecamo pi woro Rwot, piento en epwoyo Rwot; ngat kame kwero cam da, ekwero pi woro Rwot, piento en epwoyo Rubanga.

1 Jokorinti 10:31

Aso, gi dedede kame itimo, akadi icami arabo imati, tim gin dedede pi mino Rubanga deyo.

1 Jotesalonika 5:18

pwounu Rubanga i gi dedede, pien manoni en gikame Rubanga mito ne wu i Kirisito Yesu.

1 Samuel 9:13

Cucuto ka idonyunu i bomba, ibinunu ude di pwodi likame eoto cam i abila. Pien jo likame bino cako cam di pwodi likame en etuno, pien miero en kong emi giayala winyo di do jo kame kolwongo ko cam. Nan wun otunu, iyarunu bunyo riamo kede en.”