Yokana 5:46 - Baibuli I Leb Kumam 2013

⁴⁶ Ka koto oudo iyeunu Musa, koto oudo iyeunu ada, pien Musa oudo owandiko kop i koma.

Yokana 5:46 Iomraidhean Croise

Ageini 12:3

Jo kame lamo ni winyo ango abino mino gi winyo, kede ngat kame lami kirac ango da abino lame kirac; doko atekerin dedede me wi lobo kobino mino winyo pi in.”

Ageini 18:18

Aso di en Aburaam ebino doko kwaru me ateker adwong di tek, doko kobino mino atekerin dedede me wi lobo winyo pi en.

Ageini 22:18

Atekerin dedede me lobo kobino mino winyo pi ikwae nin, pien in ilubo kop na.’ ”

Ageini 28:14

Ikwae ni bino bedo tot bala asinge kame tie i wi lobo. Gin kibino nyai kiko sarakin dok tetu tim, tetu kide, tetu malo kede tetu piny; doko jo dedede me wi lobo bino udo winyo pi in kede pi ikwae ni.

Ageini 3:15

Abino mino ading bedo tie i diere nin kede dako, kede i diere me ikwae nin kede mege; gin kibino nyonyoto wii, ida ibino totongo atitinyo gi.”

Ageini 49:10

Ebela me pug likame bino yai tenge kibut Yuda; ebela me ajakanut likame bino yai tenge ki dierediere me tiene, kiton tuno di kokelo ne esolo; di atekerin ko donyo mine wor.

Luka 24:27

Di Yesu oko cako gonyo ne gi kop dedede kame bin oudo koyamo i kome i iwandik kacil dedede, cako ki itabun ka Musa tuno kede i iwandik me inabin.

Yokana 1:45

Pilipo oko udo Natanael di eko waco ne be, “Wan otieko udo ngat kame bin Musa owandiko kop i kome i itabu me Iswil, kede kame inabin da owandiko kop i kome, en Yesu me Nasaret, wot ka Yosepu.”

Yokana 5:47

Do ka likame iyeunu kop kame ewandiko, ibinunu yei kop na benyo benyo?”

Tice 26:22

Cako i kare nono tuno tin, ango Rubanga en kame konya, pi mano, ango acungo kan di amio ijura but jo atino kede jo kame koworo. Likame tie kop moro apat kame ango awaco ne gi, do kwanyo gikame inabin kede Musa bin owaco be bino timere.

Joroma 10:4

Pien bino ka Kirisito omio Iswil ojik, tetekeny jo dedede kame yei en bed jo kopoore.

Jogalatia 2:19

Pien i kom kop kame mako Iswil, ango atieko to, tetekeny abed kuo ne Rubanga. Ango kogura karacel kede Kirisito,

Jogalatia 3:10

Pien jo dedede kame gengere i timo gikame Iswil mito tie kede ilam; pien kowandiko be, “Ilam mak ngat acelacel kalikame lubo gikame kowandiko i itabu me Iswil, kede di likame etimo gi.”

Jogalatia 3:13

Kirisito olako wa ki ilam kame Iswil kelo, ingei en doko ilam pirwa. Pien kowandiko be, “Ilam mak ngat acelacel kame koliero i kom yat.”

Jogalatia 3:24

Pi mano, Iswil oudo obedo ngadar wa tuno Kirisito bino, me wek odokunu jo kopoore pi yei.

Iswilia 18:15

Do en ebino cwano ne wu enabi kacal bala ango, kowok ki diere me jo wun; wun ipoorenu winyo kop mere.