Yokana 5:44 - Baibuli I Leb Kumam 2013

⁴⁴ Itwerunu yei benyo benyo wun jo kame iudunu deyo kibut jo icegun, do di likame imounu deyo kame wok kibut Rubanga acel kenekene?

Yokana 5:44 Iomraidhean Croise

2 Iyutun 6:8

Do Rwot bin oko waco ne be, ‘In itimo ber pi bedo kede tam me mito gero nango ot me wora,

Yeremia 13:23

Benyo, dano twero loko cal me del me kome, arabo erisa twero kwanyo kakolingulingun me kome? Likame twerere. Kamanono wuda likame itwerunu lokere weko timo gikarac di ikounu donyo timo gikaber.

Matayo 23:5

Kitimo tice dedede be tetekeny jo nen gi, pien gin kitimo pulakateria gi di dongodongo kalamo. Doko ausin me lak ikanson kame bin jo ngapo pi nyuto mire gi but Rubanga, mergin oudo bocoboco twatwal.

Luka 19:17

Ngadwong mere oko waco ne be, ‘Itimo kiber, in ngatic aber! Aso, pi kite kame ibedo kede ngat kame genere kede gikame titidi, in ibino pugo bomban tomon.’

Yokana 12:43

Pien oudo gin kimaro pak me dano kalamo pak kame yai kibut Rubanga.

Yokana 17:3

Kuo kame bedo nakanaka en ine be, wek gin kingei in Rubanga acel keni me ateni, kede Yesu Kirisito ngat kame in ioro.

Yokana 3:20

Pien ngat acelacel kame timo gikarac dagi lero, doko likame ebino i lero, tetekeny tice mege kur ngere.

Yokana 5:41

“Ango likame amo deyo kibut jo.

Yokana 8:43

Pinyo komio likame itienu niang gikame ango awaco? Etie kamanoni pien wun likame iyeunu kop na.

Joroma 2:10

Do jo dedede kame timo gikaber, Rubanga bino mino gi deyo, wor kede mulem, me agege Iyudayan, di do Jogurik da.

Joroma 2:29

Ngat kobedo Ngayudaya kikokome en dano kobedo Ngayudaya i cunye, doko kepere me ateni tie kop kame mako cuny, en gi me Tipo, do weko gikame kowandiko. Ngat kame cal kamano udo pwoc mere kibut Rubanga do weko kibut dano.

Joroma 2:7

Jo kame dio cuny gi timo gikaber di kimoo deyo kede wor kede kuo kalikame tiek, ebino mino gi kuo kame bedo nakanaka.

1 Jokorinti 4:5

Pi mano, kur ingolunu kop ne ngatamoro di pwodi likame kare otuno, di pwodi Rwot likame odwogo. En ebino woto i lero gikame nan kokano i colo, doko ebino mino iik kame tie i cuny jo ngere. Di do dano acelacel ko bino udo pwoc kibut Rubanga.

2 Jokorinti 10:18

Pien likame jo kame pwore ken gi en kame kopwoyo, do jo kame udo pwoc me ateni en jo kame Rwot pwoyo.

Jopilipi 2:3

Kur itimunu gimoro kede ewaka arabo kede cuny me woro, do bedunu kede cuny me mwolo, di ikounu tero bala jo apat beco kato wun.

1 Jotesalonika 2:6

Doko wan oudo likame omoo bero kibut jo, arabo kibutu amoto kibut jo ace,

1 Temeseo 1:17

Wor kede deyo bed but Abaka kame pugo nakanaka, kalikame to, kalikame neeno, en Rubanga acel kenekene, ikar kede ikar. Amen.

Iburanian 3:12

Imiegu kede amiegu na, gwokerenu tetekeny kur ngatamoro kikom wu bed kede cuny arac, cuny kalikame yei, kame parao tenge kibut Rubanga kakuo.

Yakobo 2:1

Imiegu kede amiegu na, bala kame itiekunu yei kede Rwot wa Yesu Kirisito, en Rwot me deyo, kur doko ibedunu kede apokapoka moro but jo.

1 Petero 1:7

Magonogi tie timere pi nyuto ateni me yei wu. Akadi saabu da gikame karuno dubere kotame kede mac; pi mano, akadi yei wu da, gikame pire tek kalamo saabu, miero kotame kede mac, tetekeny ekaruno kanyakino. Di do ikounu bino udo pwoc, kede deyo, kede wor i Ceng kame kobino nyuto kede Yesu Kirisito.

Yuda 1:25

but Rubanga acel kenekene, ngat kobedo Ngalak wa, deyo bed bute, kede dwongo, kede twer, kede akarunikin pi Yesu Kirisito Rwot wa, bala lem sek, nataman kede ikar kede ikar! Amen.

1 Samuel 15:30

Saulo oko waco be, “Ango atieko dubo, do mia wor i nyim joadongo kame telo jo na kede i nyim jo me Isirael dedede. Dok keda tetekeny aoti awor Rwot Rubanga ni.”

1 Samuel 2:30

Pi mano Rwot Rubanga me Isirael waco be, ‘Ango oudo acikere be jo me odi kede jo me ot ka kwaru ni bino tic na bala josaseredoti nakanaka’; do nan Rwot waco be, ‘Likame abino timo kamanono; do ango abino mino wor but jo kame mia wor, kede abino mino lewic mako jo kame tie kede acae buta.