Yokana 5:40 - Baibuli I Leb Kumam 2013

⁴⁰ Do di idagunu bino buta tetekeny ibedunu kede kuo kame bedo nakanaka.

Yokana 5:40 Iomraidhean Croise

Sabuli 81:11

“Do jo na likame bin oko winyo dwana; Isirael likame bin oko yei winyo dwana.

Isaya 49:7

Rwot Ngat Kacil, Ngalak me Isirael waco ne ngat kame kocao kitek, ngat kame atekerin dagi doko en ebedo epasoit me jopug be, “Abakai bino neni di gin kiko yai malo cungo pi mini wor, jopug bino neni, di gin kiko riebere piny i nyimi.” Manoni bino timere pien Rwot ngat kame genere, Ngat Kacil me Isirael otieko yeri.

Isaya 50:2

“Pinyo bo komio i kare kame bin ango ako bino kede likame audo ngatamoro? Pinyo komio likame tie ngatamoro kogamo doga kakame alwongere kede? Benyo, iparunu be ango agoro likame akaruno lako wu? Arabo iparunu be ango ali kede twer me lako wu? Ango atwero ciko nam di eko tuo, doko ango atwero loko icileta doko wi tim, di aporogon gin ko to pi li me pii di kiko top.

Matayo 22:3

En eko cwano jotic mege pi ot lwongo jo kame bin kolwongo i nyom, do likame gin kiko bino.

Matayo 23:37

“Okwe in Yerusalem, Yerusalem, in bomba kame neko inabin doko ididipo jo kame Rubanga ooro buti! Tien atot ango oudo amito be koto acoko idwe ni karacel bala kite kame gweno rukumo kede imion mege i bwome, do in iko dagi na!

Yokana 1:11

En oudo ebino ture kikokome, do jo mege likame oko game.

Yokana 10:10

Ngakuwo bino kenekene pi kwalo, neko kede pi dudubo. Do ango abino tetekeny jo ud kuo, kuo kopong.

Yokana 3:19

Ngolo kop en ine be, lero otieko bino i piny, do jo oko maro colo akaka lero, pien tice gi oudo reco.

Yokana 5:39

Wun imounu gikame tie i iwandik kacil, pien iparunu be ibinunu udo kuo kame bedo nakanaka ki yi gi, do di gin nogo en kame kimio kop kame jurao ango.

Yokana 5:41

“Ango likame amo deyo kibut jo.

Yokana 5:44

Itwerunu yei benyo benyo wun jo kame iudunu deyo kibut jo icegun, do di likame imounu deyo kame wok kibut Rubanga acel kenekene?

Yokana 6:27

Kur icanenu pi cam kame dubere, do canenu pi cam kame kanyakino tuno i kuo kame bedo nakanaka, kame Wot ka dano bino mino wu, pien Rubanga Papa otieko keto alama mere i kome.”

Yokana 6:37

Jo dedede kame Papa mia oyaro bino buta; doko ngat kame bino buta, likame abino riame tenge.

Yokana 6:40

Pien gikame Papa na mito en ine be, ngat acelacel kame neno Wod di ko yei en poore udo kuo kame bedo nakanaka; doko ango ako bino yaruno en i ceng me ajikini.”

Joroma 6:23

Pien egelit me dub en to; do giamia ka Rubanga me nono en kuo kame bedo nakanaka i Kirisito Yesu Rwot wa.

Gianyuta 22:17

Tipo kede Ateran waco be, “Bia.” Jo dedede kame winyo kop noni miero wac be, “Bia.” Ngat kame orio oneko, ebin; wek ngat kame cunye mito, egam pii me kuo abongo cul.