Yokana 5:4 - Baibuli I Leb Kumam 2013

⁴ pien malaika ka Rwot oudo bino kuno i kare mogo di eko rubo pii. Ngat kame oudo geo donyo i yi pii ingei rubere mere, oudo cango ki tuwo kame etie kede.

Yokana 5:4 Iomraidhean Croise

2 Abakai 5:10

Elisa oko cwano aor bute pi waco ne be, “Oti ilwok komi i ecilet me Yorodan tien kanyaare, di delkomi ko bino cango.”

Sabuli 119:60

Ango aonyaro abongo gal pi lubo cik nin.

Agole 6:4

Kur iyei nino mako wangi; kur inuri;

Agole 8:17

Ango amaro jo kame mara, doko jo kame cane mona wuda.

Ngarab kop 9:10

Gimoroni kenekene kame in itimo, poore itime kede teko ni dedede, pien i kabedo me jo oto, kakame in itie ot iye kunono, likame tie tic moro, tam arabo ngec, amoto rieko.

Esekeri 47:8

En eko waco na be, “Pii noni mol dok i adul atie i bad tetu kide di eko donyo i Aditot me Yorodan di eko kato paka i Nam Oto. Kame edonyo i Nam Oto, en eloko pii amunyomunyo me nam nono doko pii aber.

Kosea 13:13

Isirael cal bala atin kame kotie ramere me nywalo, do pi mingo mere, en eko dagi wok ki yi toto mere iesawa kopoore me nywale.

Sakaria 13:1

“I kare nono kobino yabo atan me lonyo ikwae ka Daudi kede jo me Yerusalem ki dub kede ki pwokere.

Sakaria 14:8

Kame ceng nono otuno, pii amio kuo bino mol wok ki Yerusalem, dul mere bino mol ot i Nam Oto, kede dul mere ko bino mol ot i nam me Mediterania. En ebino mol i kare me oro di rom aroma bala kare me iporo.

Matayo 11:12

Cako i kare ka Yokana Ngaibatis tuno tin, Ajakanut me malo oudo kobedo kelo tetek, doko jo gero obedo game tetek.

Matayo 6:33

Do geunu ber mono Ajakanut ka Rubanga kede poore mere, di en eko bino mino wu gi nogi dedede.

Luka 13:24

“Timunu teko twatwal pi donyo kiye ekeko adiding; pien awaco ne wu be, jo atot bino mito donyo i Ajakanut ka Rubanga, do likame kibino karuno.

Luka 16:16

“Iswil ka Musa kede kop me inabin bin otio tuno i kare kame Yokana obino kede; cako i kare no Kop Aber me Ajakanut ka Rubanga en kame kobedo tatamo, di ngat acelacel donyo iye tetek.

Yokana 5:3

Ekodet me jo kame bin tuwo obwono oudo buto i dog ikekon nogo. Oudo gin kibedo imuduka, ingwalasa, kede jo kame tuwo oneko adulion me kom gi. Gin bin oudo kidaro rubere me pii;

Yokana 5:5

Icuo acel bin tie kuno kame oudo obedo kede tuwo pi mwakini ot adek kiwie kanyauni.

Yokana 5:7

Icuo kame oudo tuwo nono oko dwoko ne Yesu be, “Adwong, ango ali kede ngat kame keta i pii kame korubo pii. Doko kame ango atie ot iye, dano ace en kame geo donyo na iye.”

1 Jokorinti 6:11

Jo mogo kikom wu oudo cal kamagonogo. Do wun kotieko lwoko dub wu, kotieko lonyo wu, kotieko mino wu idokunu jo kopoore pi nying Rwot Yesu Kirisito kede pi Tipo ka Rubanga wa.

1 Yokana 1:7

Do ka wan otienu i lero bala kame en kikome etie kede i lero, udo otienu kede nywak wan kenwa kenwa, doko remo ka Yesu Wode lonyo wa ki dub wa dedede.