Yokana 5:39 - Baibuli I Leb Kumam 2013

³⁹ Wun imounu gikame tie i iwandik kacil, pien iparunu be ibinunu udo kuo kame bedo nakanaka ki yi gi, do di gin nogo en kame kimio kop kame jurao ango.

Yokana 5:39 Iomraidhean Croise

Sabuli 1:2

do kibedo kede yomcuny i lubo iswil ka Rwot, di kiparo kop mere i cuny gi i yore atut iceng kede iwor.

Sabuli 119:11

Ango akano kop nin i cunya tetekeny kur atim dub buti.

Sabuli 133:3

Ecal bala toyo kame tie i wi moru me Kerimon, kame epone mere totonun i wi moru me Sion. Pien Rwot omio winyo mere kuno, en kuo kame bedo nakanaka.

Sabuli 16:11

In inyuto nango yongayo kame tero jo i kuo. I nyimi tie iye ilel adwong twatwal; i ngeti tetu cam tie iye yomcuny ikar kede ikar.

Sabuli 21:4

En ekwai pi mine kuo, in iko mine da; imie kuo kame bor nakanaka.

Sabuli 36:9

Pien kuo wok kibuti; lero kame wok kibuti en kame mio wan lero.

Agole 6:23

Pien cik tie bala etala, pwony tie bala lero, kope kame bunano dano pi riene obedo yongayo me kuo.

Isaya 34:16

Kong mounu ikounu somo i itabu ka Rwot kakame waco be: likame tie acel moro kikom giakuo nogi kame bino bedo li, doko likame tie moro kame bino bedo abongo cware amoto dako mere. Rwot otieko ciko be etimere kamanono, en ebino coko gin karacel kede twer mere.

Isaya 8:20

pi udo kope kede pwony kibut gi?” Ateteni jo kame yamo kamanoni likame bino kuo tuno neno lero.

Yeremia 8:9

Kobino mino lewic mako jo ariek; lworo bino mako gi di oko mamako gi; bala kame gin kitieko dagi kede kop ka Rwot, rieko nyo kame gin kitie kede?

Danieri 12:2

Jo atot kikom jo kotieko to bino kuo bobo; mogo bino bedo kede kuo abedo nakanaka, kede mogo bino bedo kede lewic kede acae kame bedo nakanaka.

Matayo 22:29

Do Yesu oko dwoko ne gi be, “Wun ipotunu, pien wun ikwianu iwandik kacil akadi twer ka Rubanga da.

Marako 10:3

Yesu oko lunyo penyo gi be, “Nyo kame bin Musa ociko ne wu?”

Marako 12:10

Mam itiekunu somo iwandik kacil kame waco be, “‘Kidi kame jogedo odagi, en kame olokere oko doko kidi me esonda kame pire tek;

Luka 16:29

“Do Aburaam oko dwoko ne be, ‘Gin kitie kuno kede Musa kede inabin, poore gin kiwiny kope kame gin kiwaco.’

Luka 16:31

Do Aburaam oko waco ne be, ‘Ka gin likame kiyei kop ka Musa kede me inabin, likame kibino da yei akadi ka ngatamoro oyaruno kikom jo oto.’ ”

Luka 24:25

En eko waco ne gi be, “Wun tin imingunu benyo, doko cunyu tin nyap benyo pi gal yei kope dedede kame bin inabin otuco!

Luka 24:27

Di Yesu oko cako gonyo ne gi kop dedede kame bin oudo koyamo i kome i iwandik kacil dedede, cako ki itabun ka Musa tuno kede i iwandik me inabin.

Luka 24:44

Di do en eko waco ne gi be, “Magi en kope nango kame bin awaco ne wu i kare kame oudo pwodi atie kede wu be, gi dedede kame kowandiko i koma i itabu ka Musa kede me inabin kede i Sabuli miero cobere kakare.”

Yokana 1:45

Pilipo oko udo Natanael di eko waco ne be, “Wan otieko udo ngat kame bin Musa owandiko kop i kome i itabu me Iswil, kede kame inabin da owandiko kop i kome, en Yesu me Nasaret, wot ka Yosepu.”

Yokana 5:32

do tie dano ace kame mio ijura akaka ango, doko ango angeo be ijura kame en emio i koma tie me ateni.

Yokana 5:36

Do kop me ijura kame ango atie kede pire tek kalamo me ka Yokana; pien tice kame Papa omia pi timo, tice nogo en kame nataman atie timo, gin en kame kijurao ango be Papa en kame oora.

Yokana 5:40

Do di idagunu bino buta tetekeny ibedunu kede kuo kame bedo nakanaka.

Yokana 5:46

Ka koto oudo iyeunu Musa, koto oudo iyeunu ada, pien Musa oudo owandiko kop i koma.

Yokana 7:52

Gin kiko penye be, “Ida iwok ki Galilaya? Aso somi iwandik kacil di iko bino ngeno be, likame tie enabi moro kame bino wok ki Galilaya.”

Tice 13:27

Kite kame jo kame oudo bedo Yerusalem kede jotel gi likame ongee kede, arabo oniang kope me inabin kame oudo kosomo Ceng Sabato dedede, omio kiko mino kope nogi ocobere kakare di kingolo ne Yesu kop.

Tice 17:11

Iyudayan me Berea nogi oudo obedo jo kame beco kalamo Iyudayan me Tesalonika, pien gin oudo kigamo kop ka Rwot kede cuny gi lung, di kingingico iwandik kacil ceng dedede pi mito neno ka gigi tie kop me ateni.

Tice 26:27

Abaka Aguripa, mam in iyei kop me inabin? Ango angeo be in iyei.”

Joroma 1:2

Bin Rubanga ocikere i dog inabin mege i iwandik kacil pi mino ejiri noni,

Joroma 3:2

Ateteni tie tot atota i yore dedede. Me agege, Rubanga ogeno Iyudayan kede kope mege.

Iswilia 18:15

Do en ebino cwano ne wu enabi kacal bala ango, kowok ki diere me jo wun; wun ipoorenu winyo kop mere.

Iswilia 18:18

Ango abino cwano negi enabi kame cal bala in, kame bino wok ki diere me jo gin; ango abino keto kope na i dog enabi nono, di en eko bino yamo ne jo gi dedede kame ango acike iye.

Iswilia 29:29

“Tie gimogo kame Rwot Rubanga wa omungo; do en enyuto Iswilia mege but wan kede ikwae wa, pi lubo kope mege i kare lung.”

Iswilia 32:47

Pien manoni likame obedo kop me tukotuko, do ebedo kop amako kuo wu kikokome. Ka ilubunu gi ibinunu kuo pi kare alac i lobo kame itienu ngolo ecilet me Yorodan di ikounu ot bedo iye pi doko meru.”

Jokolosai 3:16

Wekunu kop ka Kirisito pong i cunyu. Pwonyerenu di icorakinunu kenu kenu kede rieko me epone dedede. Werunu Sabuli kede were me ilega karacel kede were kame Tipo mio, di cunyu pwoyo Rubanga.

Iburanian 11:16

Do bala kame etie kede, gin oudo kimito piny kame ber kalamo, manono en me i malo. Pi mano, likame lewic mako Rubanga kame kolwonge be en Rubanga gi, piento en etieko iiko ne gi bomba.

Iburanian 11:35

Pi yei, bin komio mon joe gi kame oudo otieko to, di koyaruno gi. Bin kobungo jo ace, di kidagi be gony gi, tetekeny kitoi di kiko yaruno i kuo kame ber kalamo.

Yosua 1:8

Miero inen be isomo ne jo itabu me Iswil i kare dedede kame gin kitie wora kede; bed tamo kope mege iceng kede iwor, tetekeny ikaruno bedo di igwokere pi lubo gi dedede kame kowandiko iye. Manono bino mino ibedo kede mulem, doko gi dedede ko bino cobere ni kiber.

Gianyuta 19:10

Di ango ako riebere piny i tiene pi wore, do en eko waco na be, “Kur itim kamano! Ango atie ngatic bala in karacel kede imiegu kede amiegu kame lubo ijura kame Yesu omio. Wor Rubanga.” Pien ijura kame Yesu omio en mio inabin murao.