Yokana 5:38 - Baibuli I Leb Kumam 2013

³⁸ Doko likame kop mere odong i cunyu, pien likame iyeunu ngat kame en eoro.

Yokana 5:38 Iomraidhean Croise

Sabuli 119:11

Ango akano kop nin i cunya tetekeny kur atim dub buti.

Isaya 26:10

Akadi bed bala in itim ne jo areco mwolo, do gin likame kipwonyere timo gi kopoore. Akadi i lobo me jo kopoore kan, gin pwodi kitimo gikarac; likame kineno dwongo nin.

Isaya 49:7

Rwot Ngat Kacil, Ngalak me Isirael waco ne ngat kame kocao kitek, ngat kame atekerin dagi doko en ebedo epasoit me jopug be, “Abakai bino neni di gin kiko yai malo cungo pi mini wor, jopug bino neni, di gin kiko riebere piny i nyimi.” Manoni bino timere pien Rwot ngat kame genere, Ngat Kacil me Isirael otieko yeri.

Yokana 1:11

En oudo ebino ture kikokome, do jo mege likame oko game.

Yokana 15:7

Ka idongunu i ango, di kop na da oko dong i wun, ibinunu kwano gikame imitunu di ikounu udo.

Yokana 8:37

Ango angeo be wun ibedunu ikwae ka Aburaam, do di doko imounu neka, pien idagunu kop na.

Jokolosai 3:16

Wekunu kop ka Kirisito pong i cunyu. Pwonyerenu di icorakinunu kenu kenu kede rieko me epone dedede. Werunu Sabuli kede were me ilega karacel kede were kame Tipo mio, di cunyu pwoyo Rubanga.

Yosua 1:8

Miero inen be isomo ne jo itabu me Iswil i kare dedede kame gin kitie wora kede; bed tamo kope mege iceng kede iwor, tetekeny ikaruno bedo di igwokere pi lubo gi dedede kame kowandiko iye. Manono bino mino ibedo kede mulem, doko gi dedede ko bino cobere ni kiber.

1 Yokana 2:14

Idwe na, atie wandiko manoni butu pien wun ingeunu Papa. Atie wandiko manoni butun joapapi, pien wun ingeunu en ngat kame ebedo tie cako i agege. Atie wandiko ne wun jo atino pien wun itekunu, doko kop ka Rubanga tie i cunyu, doko itiekunu lono Ngarac.