Yokana 5:37 - Baibuli I Leb Kumam 2013

³⁷ Doko Papa da ngat kame oora otieko mino kop kame jurao ango. Pwodi likame iwinyunu dwane akadi neno cal mere da.

Yokana 5:37 Iomraidhean Croise

Yai 20:19

Gin kiko waco ne Musa be, “In en iyam kede wa, wan obino winyo kop nin; do ka Rubanga oyamo kede wa, wan olwor be obino to.”

Isaya 26:10

Akadi bed bala in itim ne jo areco mwolo, do gin likame kipwonyere timo gi kopoore. Akadi i lobo me jo kopoore kan, gin pwodi kitimo gikarac; likame kineno dwongo nin.

Matayo 17:5

Di oudo pwodi etie yamo, edou atar oko umo gi pukupuk, di dwan oko wok ki edou di waco be, “Man en Woda kame amaro, cunya yom i kome; winyenu.”

Matayo 3:17

Dwan oko wok ki malo di waco be, “Man en Woda kame amaro, cunya yom i kome.”

Marako 1:11

Dwan oko wok ki malo di waco be, “In en Woda kame amaro, cunya yom i komi.”

Luka 24:27

Di Yesu oko cako gonyo ne gi kop dedede kame bin oudo koyamo i kome i iwandik kacil dedede, cako ki itabun ka Musa tuno kede i iwandik me inabin.

Luka 3:22

di Tipo Kacil oko bino piny i kome bala awele. Dwan oko wok ki malo di waco be, “In en Woda kame amaro, cunya yom i komi.”

Yokana 1:18

Likame tie dano kame otieko neno Rubanga, do kwanyo Rubanga Wod acel kenekene, kame bedo iyapiyapi kede Papa, en ngat kame omie engere.

Yokana 14:9

Yesu oko dwoko ne be, “Pilipo, ango abedo kede wu kan pi kare go dedede, benyo, ida likame ingea? Ngat konenango udo eneno Papa; pinyo doko komio iwacunu be anyut ne wu Papa?

Yokana 15:24

Koto oudo likame ango atimo i diere gi tice kalikame tie ngatamoro kotimo, koto oudo ki li kede dub; do nan kitieko neno gikame ango atimo, doko kiko daga karacel kede Papa na.

Yokana 5:32

do tie dano ace kame mio ijura akaka ango, doko ango angeo be ijura kame en emio i koma tie me ateni.

Yokana 6:27

Kur icanenu pi cam kame dubere, do canenu pi cam kame kanyakino tuno i kuo kame bedo nakanaka, kame Wot ka dano bino mino wu, pien Rubanga Papa otieko keto alama mere i kome.”

Yokana 8:18

Ango amio ijura i koma kena, doko da Papa ngat kame oora mio ijura i koma.”

Iswilia 4:12

Di Rwot bin oko yamo kede wun ki mac nono. Wun bin iwinyunu dwane do likame inenunu gimoro; iwinyunu kenekene dwan kame tie yamo.

1 Temeseo 1:17

Wor kede deyo bed but Abaka kame pugo nakanaka, kalikame to, kalikame neeno, en Rubanga acel kenekene, ikar kede ikar. Amen.

1 Temeseo 6:16

En kene kalikame eto, doko ebedo i lero kalikame ngatamoro twero noko. Likame tie ngatamoro kotieko nene arabo kame twero nene. Wor kede twer kame bedo nakanaka bed bute. Amen.

1 Yokana 4:12

Likame pwodi tie ngatamoro kotieko neno Rubanga, do ka wan omarerenu kenwa kenwa, Rubanga bedo i kuo wa, doko amara mere ko tuno kakare kibut wa.

1 Yokana 4:20

Ngat kame waco be, “Ango amaro Rubanga,” do di edagi omin mere amoto amin mere udo engalo; pien ngat kalikame maro omin mere amoto amin mere kame en eneno, likame ekaruno maro Rubanga ngat kalikame pwodi en eneno.

1 Yokana 5:9

Wan oyeunu ijura kame jo mio, do Rubanga mio ijura kame kalamo; pien manoni obedo ijura kame Rubanga omio i kom Wode.