Yokana 5:30 - Baibuli I Leb Kumam 2013

³⁰ “Likame tie gikame atwero timo i akarunikin nango kena. Ango angolo kop bala kame kowaco na kede; ngolo kop nango tie me ateni; pien likame udo ango alubo mit na, do ango alubo mit me ngat kame oora.

Yokana 5:30 Iomraidhean Croise

Ageini 18:25

Ateteni in likame ibino timo gikame cal kamano, me neko jo kopoore karacel kede jo areco, tetekeny jo kopoore da bed rom aroma kede jo areco! Likame ibino timo! Mam Ngangolkop me lobo lung miero ngol kop i yore me ateni?”

Sabuli 96:13

i nyim Rwot; piento en etie bino, etie bino pi ngolo kop ne lobo. En ebino ngolo ne piny kop i yore kopoore, ebino ngolo ne jo kop i ateni.

Isaya 28:6

En ebino mino jongolkop cuny me ngolo kop i ateni, kede ebino mino jo kame daro erute me bomba teko me gengo jo kame mito suro bomba.

Sepania 3:15

Rwot otieko jiko alola wu; en etieko riamo jokwor wu tenge. Rwot, abaka me Isirael tie kede wu; likame bobo ibinunu lworo peko moro.

Matayo 26:39

En eko nyiko anyim anonok eko riebere piny, di eko lego be, “Papa na, ka koto twerere, wek ikopo me can noni bei tenge kibuta, do likame bala kite kame ango amito kede, do bala kame in imito.”

Yokana 14:10

Benyo, in likame iyei be ango atie i Papa doko Papa da tie i ango? Kope kame ango awaco ne wu likame ango awaco ne wu i akarunikin nango kena, do Papa kame tie i ango en kame timo tice mege.

Yokana 17:4

Ango atieko mini deyo i piny kan, pien atieko tic kame oudo imia pi timo.

Yokana 18:11

Yesu oko waco ne Petero be, “Dwok epima ni i akularu mere. Mam ango apoore pi mato ikopo me can kame Papa na otieko mina?”

Yokana 4:34

Yesu oko waco ne gi be, “Cam nango en timo gikame ngat kame oora mito, kede pi cobo tic mere kakare.

Yokana 5:19

Yesu oko waco ne gi be, “Ateteni, ateteni ango awaco ne wu be, Wod likame timo gimoro kede mit mere kene, do etimo gikame eneno di Papa mere timo kenekene; pien gikame Papa timo dedede, etimo tetekeny Wode da tim kamanono.

Yokana 6:38

Pien ango abino ki malo, likame pi timo gikame ango amito, do pi timo gikame ngat kame oora mito.

Yokana 8:28

Di do Yesu oko waco ne gi be, “Ka itiekunu kiarao Wot ka dano i kom musalaba, ibinunu ngeno be ango inononi, kede be likame ango atimo gimoro i akarunikin nango kena, do ayamo gikame Papa opwonya iye.

Yokana 8:42

Yesu oko waco ne gi be, “Koto Rubanga en Papa wu, oudo koto imaranu, pien ango awok kibut Rubanga; likame ango abino i mit na kena, do en kame eora.

Yokana 8:50

Do di ango likame amo deyo pira kena, do tie ngat kame tie mono, doko en kame ebino bedo ngangolkop.

Joroma 15:3

Pien Kirisito bin likame oyomo cunye kene, bala kite kame kowandiko kede be, “Ayet kame jo oyeti kede opoto i koma.”

Joroma 2:2

Wan ongeo be kame Rubanga ongolo kop ne jo kame timo akodi gi nogi, udo engolo kop kakare.

Joroma 2:5

Do pi tekwic kede cuny kalikame swilaro kame in itie kede no, omio itie kano piri keni lilo ka Rubanga i ceng kame lilo kede ngolo kop mere kopoore bino neeno kede.