Yokana 5:3 - Baibuli I Leb Kumam 2013

³ Ekodet me jo kame bin tuwo obwono oudo buto i dog ikekon nogo. Oudo gin kibedo imuduka, ingwalasa, kede jo kame tuwo oneko adulion me kom gi. Gin bin oudo kidaro rubere me pii;

Yokana 5:3 Iomraidhean Croise

1 Abakai 13:4

Kakame Abaka Yeroboam owinyo kede kop kame enabi owaco, en eko cimo enabi nono di elelemo be, “Makenu!” Do bade koudo erieo me cimo enabi nono oko mito, omio likame oudo doko etwero dole.

Agole 8:34

Kitie kede yomcuny jo kame winyo kop na, jo kame bedo ciko wang gi i erute na ceng dedede, jo kame kura i dog ekeko.

Koko ka Yeremia 3:26

Pi manono eber ne dano daro eliling alako ka Rwot.

Sakaria 11:17

Okwe ngakwat akony mere li, kame weko romini! Poore epima cob bade kede wange tetu cam! Poore bade twili di wange tetu cam ko to atwal atwala.”

Matayo 15:30

Ikodeta me jo atot adikinicel oko ot bute di kitero ingwalasa, jo kame bad gi kede tien gi owanere, imuduka, jo kame leb gi oto kede apat atot. Gin kiko pielo gi piny i nyim Yesu di en eko cango gi.

Matayo 4:24

Rwonge mere oko sarakin i piny lung me Siria, omio di oko kelo ne jo dedede kame oudo tie kede tuwo me iponeso apapat, kiton jo kame oudo tie kede jwogi, jo kame oudo tie kede tuwo me ikwikwing kede tuwo kame neko kom dano lung. En eko cango gi.

Luka 7:22

Di do Yesu oko dwoko ne josiao ka Yokana nogo be, “Dokunu ikounu waco ne Yokana gikame wun inenunu kede kame iwinyunu: wang imuduka oyabere, ingwalasa do twero ot, komio jo kame tie kede dobo ocango, idingoi da yit gi oyabere, koyaruno jo oto, kede kotuco Kop Aber ne jocan.

Yokana 5:2

Oudo bin atapar tie Yerusalem i nget Erute me Romini, kame oudo tie kede ikekon kany kame kogero wi gi. Oudo kolwongo atapar nono kede leb Eburania be Betesaida.

Yokana 5:4

pien malaika ka Rwot oudo bino kuno i kare mogo di eko rubo pii. Ngat kame oudo geo donyo i yi pii ingei rubere mere, oudo cango ki tuwo kame etie kede.

Joroma 8:25

Do ka ogenunu gi kalikame otienu neno, odiunu cuny wa pi dare.

Yakobo 5:7

Imiegu kede amiegu na kame amaro, direnu tuno i dwogo ka Rwot. Nenunu epone kame ngapur daro kede kodi mere kame epito i lobo, kodi kame cunye maro. En edire tuno kede di kot me agege kede kot me cen ocwei iye.