Yokana 5:28 - Baibuli I Leb Kumam 2013

²⁸ Kur iurunu kop noni; pien esawa bino tuno kame jo dedede kame tie i atesin bino winyo kede dwane,

Yokana 5:28 Iomraidhean Croise

Isaya 26:19

Jo wa kotieko to bino kuo bobo! Kom gi bino yaruno. Jo kame buto i apua, yaunu ikounu wero wer me kilel! Bala kame toyo me odiko mio kede lobo kuo anyen, kamanono da Rwot bino dwoko kuo me jo kotieko to sek.

Danieri 12:2

Jo atot kikom jo kotieko to bino kuo bobo; mogo bino bedo kede kuo abedo nakanaka, kede mogo bino bedo kede lewic kede acae kame bedo nakanaka.

Kosea 13:14

Benyo, kom ateteni ango abino lako jogi ki kabedo me jo oto arabo ki twer me to? Okwe to, kel negi aumpuli ni! Okwe kabedo me jo oto, kel negi amuducar! Ango likame doko abino bedo kede cuny me kisa i kom gi.

Yokana 3:7

Kur ibed kede ur be pien ango awaco ni be, kopoore nywali tien me are.

Yokana 4:21

Yesu oko waco ne be, “Dako ni, yei gikame ango atie waco ni, kare tie bino kalikame ibinunu woro kede Rubanga ki wi moru noni akadi ki Yerusalem da.

Yokana 4:23

Do esawa tie bino, doko nataman en inononi da, kame jo kame woro Rubanga i ateni bino woro Papa i twer me Tipo Kacil kede ateni. Pien epone me jo nogi en kame Papa mo pi mine wor.

Yokana 5:20

Pien Papa maro Wod, bobo enyuto ne gi dedede kame en kikome etie timo. Doko da ebino nyuto ne tice adongodongo kalamo magi, di wun ikounu bino uro.

Yokana 5:25

Ateteni, ateteni awaco ne wu be, esawa oyaro tuno, doko nataman en inononi da, kame jo oto bino winyo kede dwan Wot ka Rubanga, di jo kame winyo ko bino bedo kuo.

Tice 24:15

Atie kede gen i kom Rubanga, kame gida nogi ikom gi kiyei, be yaruno me jo opoore kede kalikame opoore bino bedo tie.

Tice 3:12

Kakame Petero oneno kede kamano, en eko waco ne jo be, “Jo me Isirael, pinyo komio itienu uro gini, arabo pinyo komio itienu ngino wa ineno bala wan omio icuo ni ooto pi twer wa, arabo be pien wan oworo Rubanga adikinicel?

1 Jokorinti 15:22

Pien bala kame jo dedede to kede pi Adamu, kamanono da kobino mino jo dedede bedo kuo pi Kirisito.

Jopilipi 3:21

En ebino loko kom wa agoro gi di ko doko cal bala mere me deyo, di etio kede twer kame mie ekaruno keto jame dedede i loc mere.

Gianyuta 20:12

Di ako neno jo oto, me ruom amalo kede me ruom apiny, di kitie cungo i nyim kom me ajakanut nono. Oko yabo itabun, doko di oko yabo itabu moro ace, kame obedo itabu me kuo. Di oko ngolo ne jo oto kop di lubere kede gikame oudo kitimo, kame oudo kowandiko i itabun nogo.